NTE CHRISTIAN OKPODUDE UWEM
Nte Ikemede Ndida Mme Vidio Ukpepn̄kpọ Bible N̄kwọrọ Ikọ
Imenyene vidio inan̄ emi etịn̄de n̄kpọ aban̄a ukpepn̄kpọ Bible. Nso idi ufọn mme vidio emi kiet kiet?
-
Ikanam vidio Ntak Emi Ekpekpepde Bible? man inam ọdọdọn̄ mme owo ndikpep Bible, inamke n̄kpọ m̀mê nso ke ẹsikpep ke ufọkabasi mmọ. Vidio emi esinam ọdọn̄ mme owo ndidiọn̄ọ ibọrọ mbụme emi afịnade mmọ ke Bible. Vidio emi etịn̄ se owo akpanamde edieke enye oyomde yak ẹdikpep enye Bible.
-
Vidio Ntak Emi Ekpekpepde Bible? (ekpri esie) onyụn̄ etie nte anyan esie edi enye emi iniọn̄ke ntre. Vidio emi esinem ndida n̄kwọrọ ikọ ke ebiet emi mme owo mînen̄ekede inyene ini.
-
Ikanam vidio Ẹsikpep Owo Bible Didie? man anam ọdọdọn̄ mme owo nditiene n̄kpep Bible ke mfọn ye nnyịn, man mmọ ẹnyụn̄ ẹdiọn̄ọ ibọrọ mme mbụme emi ẹsifịnade mmọ, ẹnyụn̄ ẹdiọn̄ọ se mmọ ẹkpenamde edieke ẹyomde owo ẹdikpep mmọ Bible.
-
Ikanam vidio Nte Isikpepde Owo Bible man ibre inọ owo emi isikpepde Bible. Kpa ye oro ẹdọhọde ẹbre vidio emi ke ọyọhọ page iba ke n̄wed Du Ata Uwem ke Nsinsi!, imosụk ikeme ndiwụt owo vidio emi ke ini idade ediye ekpri n̄wed Du Ata Uwem ke Nsinsi! ineme Bible ye owo. Vidio emi etịn̄ ndusụk se idude ke n̄wed emi ye nte ukpepn̄kpọ oro editiede.
Kpa ye oro ẹnamde vidio emi nsio nsio, imekeme ndinọ owo m̀mê ndibre ekededi ke otu vidio emi ke nnennen ini. Ikpama kpukpru nditọete ẹdiọn̄ọ se mme vidio emi kiet kiet aban̄ade man mmọ ẹdiọn̄ọ nte ẹkpedade mme vidio emi ẹkwọrọ ikọ.
