April 29–May 5
PSALM 34-35
Ikwọ 10 ye Akam | Ntọn̄ọikọ (Min. 1)
1. “Toro Jehovah Kpukpru Ini”
(Min. 10)
David ama otoro Jehovah kpa ye oro idomo ekesịmde enye (Ps 34:1; w07 3/1 22 ¶11)
David ekesitoro Jehovah utu ke idemesie (Ps 34:2-4; w07 3/1 22 ¶13)
Nte David ekesitorode Jehovah ama enen̄ede an̄wam mme ufan esie (Ps 34:5; w07 3/1 23 ¶15)
Ke David ama ọkọkpọn̄ Abimelech, irenowo 400 emi mîkamaha nte Edidem Saul akanamde n̄kpọ ẹma ẹtiene David. (1Sa 22:1, 2) Anaedi David ama enyene irenowo emi ke ekikere ini enye ekewetde Psalm 34.
BỤP IDEMFO ETE, ‘Didie ke n̄keme nditoro Jehovah ke ini ndinemede nneme ye owo ke mbono esop urua en̄wen?’
2. Yom N̄kpọuto ke Ikọ Abasi
(Min. 10)
-
Ps 35:19—Nso ke ikọ David ọkọwọrọ ini enye ọkọdọhọde Jehovah okûyak mme asua imọ “ẹyịp enyịn”? (w06 5/15 20 ¶2)
-
Nso ke okokụt ke itie Bible urua emi oro akpamade nditịn̄ mban̄a?
3. Edikot Bible
(Min. 4) Ps 34:1-22 (th ukpepn̄kpọ 5)
4. Nte Ọkpọtọn̄ọde Nneme
(Min. 2) KE INI ANAMDE N̄KPỌ IDEMFO. Nneme emi ekenemede ye owo etre mbemiso emende ikọ Abasi edisịn. (lmd ukpepn̄kpọ 1 ọyọhọ n̄kpọ 4)
5. Sifiak Ka
(Min. 4) KE INI ANAMDE N̄KPỌ IDEMFO. (lmd ukpepn̄kpọ 2 ọyọhọ n̄kpọ 4)
6. Tịn̄ Se Enịmde ke Akpanikọ
(Min. 5) Nnamn̄wụt. ijwfq 59—Ibuotikọ: Mme Ntiense Jehovah Ẹsinam Didie Ẹfiọk M̀mê Ewe Usọrọ ke Abasi Ama? (th ukpepn̄kpọ 17)
Ikwọ 59
7. Usụn̄ Ita Emi Ikpotorode Jehovah ke Mbono Esop
(Min. 15) Nneme.
Imesitoro Jehovah ke nsio nsio usụn̄ ini idụkde mbono esop. Se usụn̄ ita mi.
Nneme: Tịn̄ nte Jehovah ọfọnde ido nọ mbon oro enemede nneme kiet. (Ps 145:1, 7) Ndi ama okop mîdịghe okot aban̄a n̄kpọ emi ekenen̄erede ama? Ndi emenyene nti ifiọkutom? Ndi se owo akanamde m̀mê se owo eketịn̄de ama ọsọn̄ọ fi idem? Ndi odu se okụtde ke mme n̄kpọ oro Abasi obotde emi amade? Kpukpru emi ẹdi se Jehovah ọnọde nnyịn. (Jas 1:17) Sibak ka mbono esop man enyene ini eneme nneme ye nditọete fo.
Ibọrọ: Domo ndibọrọ mbụme ọkpọkọm ini kiet ke kpukpru mbono esop. (Ps 26:12) Emekeme ndibọrọ nnennen se idude ke n̄wed mîdịghe afo etịn̄ n̄kpọ adian ke se owo en̄wen ọbọrọde. Emekeme nditịn̄ n̄kpọ mban̄a itie Bible, ndise m̀mê se oro ekpepde fi. Tịm idem nọ ediwak mbụme sia mbon en̄wen n̄ko ẹyemenede ubọk ke enye oro eketịmde idem ọnọ. Edieke ibọrọ nnyịn mîniọn̄ke ibe sekọn 30, mbon en̄wen n̄ko ẹyetiene ẹda ibọrọ mmọ ẹtoro Jehovah.—Heb 13:15.
Ikwọ: Sitiene kwọ ikwọ ke ofụri esịt. (Ps 147:1) Ekeme ndidi idịghe kpukpru mbono esop ke edibọrọ mbụme, akpan akpan edieke mme owo ẹwakde ke esop mbufo. Edi emekeme ndisikwọ ikwọ kpukpru ini ke mbono esop. Ekpededi ekere ke uyo fo ifọnke ke n̄kpọ ikwọ, omosụk ekeme ndikwọ ikwọ ke ofụri esịt nnọ Jehovah ndien emi eyenem enye esịt! (2Co 8:12) Emekeme ndikpep nte ẹkwọde mme ikwọ emi ke ufọk.
Bre VIDIO oro Kop Mbụk Esop Abasi—Ikwọ Edi Enọ Abasi, Akpa Ikpehe. Ekem bụp otuowo mbụme emi:
Didie ke ẹkewụt ke ndikwọ ikwọ edi akpan n̄kpọ ini ẹketọn̄ọde esop Abasi ke eyo nnyịn?
8. Ukpepn̄kpọ Bible Esop
(Min. 30) bt ib. 9 ¶1-7, se idude ke ikpehe 3, ye ekebe ke p. 70
