Edieke se ikpepde owo enemde-nem nnyịn, eyenem owo oro n̄ko. Oro ekeme n̄ko ndinam mme owo ẹnen̄ede ẹkpan̄ utọn̄, onyụn̄ owụt ke ida se ikpepde mmọ ke akpan n̄kpọ. Imekeme ndinam se ikpepde mme owo enenem mmọ, inamke n̄kpọ m̀mê ito m̀mọ̀n̄, m̀mê obot nnyịn onyụn̄ etie didie. (Ro 12:11) Didie ke ikeme ndinam emi?

Akpa, kere ban̄a ufọn etop oro ikwọrọde. Etop nnyịn edi “eti mbụk nti n̄kpọ.” (Ro 10:15) Ọyọhọ iba, kere nte eti mbụk ekemede ndin̄wam mbon oro ẹkpan̄de utọn̄. Enen̄ede oyom ikwọrọ ikọ inọ mmọ. (Ro 10:13, 14) Ekem, tịn̄ ikọ ke ofụri esịt, nyụn̄ yak nte enịmde iso ye nte anamde n̄kpọ owụt ke emenịm se etịn̄de.

ẸSE VIDIO ORO YAK NDIN̄WAM MME OWO ẸDIKPONO ABASI ANAM FI OKOP IDATESỊT—KPEP NDINAM SE EKPEPDE MME OWO ENENEM MMỌ, EKEM ẸBỌRỌ MME MBỤME EMI:

• Nso ikanam okûnem Anita aba ndikpep Jenny n̄kpọ?

• Nso ikanam afiak ọtọn̄ọ enem Anita ndikpep Jenny n̄kpọ?

• Ntak emi ọfọnde isidomo ndikụt nti edu mbon oro ikpepde n̄kpọ?

• Edieke inamde se ikpepde mme owo enenem nnyịn, didie ke oro edin̄wam nditọ ukpepn̄kpọ Bible nnyịn ye mbon en̄wen?