Sia idude uwem ke ata utịt utịt “mme akpatre usen,” edi eyo esiere mfịna okpon akan nte ekedide. (2Ti 3:1; mwbr18.03-EF nwtsty se ẹwetde ẹban̄a Mt 24:8) Ke ini afanikọn̄ etịbede, ẹsisọsọp ẹteme ikọt Jehovah se mmọ ẹkpenamde man n̄kpọ idinam mmọ. Edieke nnyịn mîben̄eke idem idahaemi, ekeme ndisọn̄ ndibọhọ ke ini afanikọn̄ etịbede. Ntre, ọfọn inam n̄kpọ man ika iso ikpere Jehovah inyụn̄ itịm se idiyomde ibon.—Lu 16:10.

• Nam n̄kpọ man aka iso ekpere Jehovah: Tọn̄ọ idahaemi nam emehe fi ndinam n̄kpọ Abasi. Kpep nsio nsio usụn̄ ndida n̄kwọrọ ikọ. Kûyak idem enyek fi edieke mûdụhe ukpere nditọete eken. (Isa 30:15) Ti ke Jehovah ye Jesus ikpọn̄ke fi.—od 175-176 ¶15-17

• Tịm se ediyomde bon: Akpana ubon kiet kiet ẹnyene ekpri ekpat emi ẹkemede ndisọp mmen mfehe ke ini afanikọn̄ etịbede. Akpana mmọ ẹnịm n̄ko udia, mmọn̄, ibọk, ye mme n̄kpọ eken emi mmọ ẹdiyomde man edieke n̄kpọ etịbede emi edinamde mmọ ẹdu itie kiet ke anyan ini.—N̄ke 22:3; g17.5 4, 6

ẸSE VIDIO ORO NDI EMEBEN̄E IDEM ỌNỌ OTO-OBOT AFANIKỌN̄? EKEM ẸBỌRỌ MME MBỤME EMI:

• Didie ke ndikpere Jehovah ekeme ndin̄wam nnyịn ke ini afanikọn̄?

• Ntak emi akpanade . . .

  • isinyene nneme ye mbiowo?

  • inyene ekpri ekpat emi ikemede ndisọp mmen mfehe ke ini afanikọn̄ etịbede?

  • ineme utọ afanikọn̄ emi ekemede nditịbe ke edem nnyịn inyụn̄ itịn̄ se ikpanamde edieke utọ n̄kpọ oro etịbede?

• Nso idi usụn̄ ita emi ikemede ndin̄wam mbon emi afanikọn̄ etịbede ke edem mmọ?

BỤP IDEMFO ETE, ‘Nso ke udọn̄ọ coronavirus ekpep mi aban̄a ndiben̄e idem nnọ afanikọn̄?’