Sia nnyịn mîfọnke ima, ana ikpeme idem kpukpru ini man nnyịn idinam n̄kpọ emi mîfọnke. Edieke inamde se ededi emi ọdọn̄de nnyịn, nnyịn ididịghe aba ufan Jehovah. Ke uwụtn̄kpọ, ndusụk owo ẹma udia, ọfọn̄, ye ufọk ẹkan nte ẹmade Abasi. Mbon en̄wen ẹnam idan̄ nte ẹmama, ikereke se ibet Abasi ọdọhọde. (Ro 1:​26, 27) Ndusụk owo ẹsitiene mbon en̄wen ẹnam idiọkn̄kpọ sia ẹyomde mmọ ẹma mmimọ.​—Ex 23:2.

Nso idin̄wam nnyịn ikûnam se ededi emi ọdọn̄de nnyịn? Ana inen̄ede isịn idem inam mme n̄kpọ emi Jehovah amade. (Mt 4:4) N̄ko, ana iben̄e Jehovah an̄wam nnyịn. Ntak-a? Sia enye ọfiọk se ifọnde ye nnyịn onyụn̄ ọdiọn̄ọ nte akpanamde inyene nti n̄kpọ oro ọdọn̄de nnyịn.​—Ps 145:16.

ẸSE VIDIO ORO KÛDA SIKA UBIAT UWEM FO, EKEM ẸBỌRỌ MME MBỤME EMI:

• Ntak emi ndusụk owo ẹsin̄wọn̄de sika?

• Nso ke ndin̄wọn̄ sika ekeme ndinam fi?

• Ntak emi ọdiọkde ndin̄wọn̄ sika?​—2Co 7:1

• Didie ke afo ekeme ndidọhọ owo ke imọ idin̄wọn̄ke sika, mîdịghe nso idin̄wam fi etre sika?