Edieke nditọ ukpepn̄kpọ Bible nnyịn ẹyomde ndinem Abasi esịt, ana mmọ ẹnen̄ede ẹbuọt idem ye enye. (Heb 11:6) Imekeme ndida n̄wed Du Ata Uwem ke Nsinsi! n̄n̄wam mmọ ẹnam emi. Ẹwet n̄wed emi ke usụn̄ oro anamde owo enen̄ede etie ekere se enye ekpepde, ndien ẹdọn̄ nsio nsio itie N̄wed Abasi, mbụme, vidio, ye ndiye ndise. Ke ini in̄wamde nditọ ukpepn̄kpọ Bible nnyịn ẹnyene nti edu ẹnyụn̄ ẹdi ufan Abasi, oro etie nte ndida mme n̄kpọ emi ikan̄ mîkemeke ndita mbọp ufọk.​—1Co 3:​12-15.

Ndusụk owo ẹkere ke ọsọsọn̄ ndidi ufan Abasi sia nnyịn mîkemeke ndikụt enye. Ntre ana in̄wam mmọ ẹdiọn̄ọ Jehovah ẹnyụn̄ ẹbuọt idem ye enye.

ẸSE VIDIO ORO DA N̄WED “DU ATA UWEM KE NSINSI!” NAM MME OWO ẸBUỌT IDEM YE JEHOVAH, EKEM ẸBỌRỌ MME MBỤME EMI:

• Isan̄a didie idiọn̄ọ ke sista oro ama enen̄ede ẹben̄e idem mbemiso akade ekekpep eyen ukpepn̄kpọ esie n̄kpọ?

• Didie ke sista oro okobụp mme mbụme en̄wen oro akanamde eyen ukpepn̄kpọ esie etịn̄ se enye ekerede aban̄a Isaiah 41:​10, 13?

• Eketie eyen ukpepn̄kpọ esie didie ke idem ke enye ama ekese vidio onyụn̄ okot itien̄wed oro?

Ediwak owo idiọn̄ọke se ufak edide, inyụn̄ idaha enye nte san̄asan̄a n̄kpọ emi Abasi anamde ọnọ mmọ. (Ga 2:20) Ntre, ana in̄wam mmọ ẹbuọt idem ye Jesus ẹnyụn̄ ẹnịm ke uwa ufak esie enyene ufọn ọnọ mmọ.

ẸSE VIDIO ORO DA N̄WED “DU ATA UWEM KE NSINSI!” NAM MME OWO ẸBUỌT IDEM YE JESUS, EKEM ẸBỌRỌ MME MBỤME EMI:

• Isan̄a didie idiọn̄ọ ke brọda oro ama enen̄ede ẹben̄e idem mbemiso akade ekekpep eyen ukpepn̄kpọ esie n̄kpọ?

• Didie ke enye akada se idude ke ikpehe oro “Kpep N̄kpọ En̄wen” an̄wam eyen ukpepn̄kpọ esie?

• Ntak emi ọfọnde isisịn eyen ukpepn̄kpọ Bible nnyịn ke akam, isinyụn̄ idọhọ enye ọbọn̄ akam ke idemesie?