Ndusụk n̄kparawa ẹsikere ke mmimọ idisụk idi n̄kparawa ke nsinsi, ndien ke “mme usen afanikọn̄” oro n̄kani owo ẹsisobode ke idiọk ererimbot emi idisịmke mmimọ. (Ec 12:1) Edieke edide akparawa, ndi emetiene ekere ke isụk inyenyene ini, ke imekeme ndibet kan̄a mbemiso itọn̄ọ ndisịn idem nnam n̄kpọ Abasi, utọ nte ndinam utom usiakusụn̄?

“N̄kpọntịbe unana idotenyịn” esisịm kpukpru owo, esịnede n̄kparawa. (Ec 9:11) N̄ko, nnyịn ‘ifiọkke se uwem nnyịn edidide n̄kpọn̄.’ (Jas 4:14) Ntre, kûkere ke ini osụk ododu mbemiso ọtọn̄ọde ndisịn idem nnam n̄kpọ Abasi. Ini edi emi ndidụk ‘akwa usụn̄ emi ebererede ọnọ fi ndinam utom.’ (1Co 16:9) Udutuaha n̄kpọfiọk.

• Ndikwọrọ ikọ ke usem en̄wen

• Ndinam usiakusụn̄ ofụri ini

• Ndika mme ufọkn̄wed esop Abasi

• Ndibọp n̄kpọ nnọ esop Abasi

• Utom Bethel

• Utom circuit