Edieke iyomde ndin̄wam nditọ ukpepn̄kpọ Bible nnyịn ẹdiọn̄ọ Jehovah ẹnyụn̄ ẹsịn idem ẹnam n̄kpọ esie, utom nnyịn ikụreke ke ndisika n̄kekpep mmọ Bible. (Mt 5:3; Heb 5:12–6:2) Ana ikpep mmọ n̄ko nte ẹkpesitiede ke idemmọ ẹkpep Bible.

Ke ini ọtọn̄ọde-tọn̄ọ ndikpep owo Bible, wụt enye nte ekpesitịmde idem ọnọ ukpepn̄kpọ esie nyụn̄ dọhọ enye esinam ntre. (mwb18.03 6) Dọhọ enye esibọn̄ akam ini ekededi emi enye oyomde ndikpep Bible. Nam enye ọdiọn̄ọ nte enye ekemede ndinyene mme n̄wed ye vidio nnyịn ke fon m̀mê kọmputa. Tịn̄ nte enye akpasan̄ade okụt mbufa n̄kpọ emi ẹdọn̄de ke jw.org^®, esịnede Edinam TV Nnyịn. N̄wam enye esikot Bible kpukpru usen, esitịm idem ọnọ mbono esop, esinyụn̄ ada mme n̄kpọ emi isidade inam ndụn̄ọde oyom ibọrọ mbụme esie. N̄wam enye esitie ekere se enye ekpepde.

ẸSE VIDIO ORO N̄WAM MBON ORO AFO ESIKPEPDE BIBLE ẸKPEP IKỌ ABASI KE IDEMMỌ, EKEM ẸBỌRỌ MME MBỤME EMI:

• Didie ke Anita akan̄wam Jenny okụt ke ndikpep n̄kpọ ikụreke ke ndidiọn̄ọ ibọrọ mbụme?

• Nso ikan̄wam Jenny okụt ke Jehovah enyene unen ndidọhọ owo okûnam use?

• Didie ke Jenny ekedikụt ke ọfọn ndisitie n̄kere se owo ekpepde?