Nditọete iban ẹtiene ẹsịn idem ẹnam utom Abasi. (Ps 68:11) Mmọ ẹnyene ukpepn̄kpọ Bible awak akan, mmọ ẹnyụn̄ ẹwak ẹkan ke otu mme asiakusụn̄ ofụri ini. Ata ediwak nditọete iban ke ẹsịn idem ẹnam utom ke Bethel, ẹdi mme isụn̄utom, ẹtiene ẹbọp n̄kpọ ẹnọ esop Abasi, ẹnyụn̄ ẹtiene ẹkabade n̄wed. Nditọete iban emi ẹsọn̄de idem ke esop ẹsinam ubon mmọ ẹnem ẹnyụn̄ ẹnam esop ẹdiana kiet. (N̄ke 14:1) Kpa ye oro nditọete iban mîkemeke ndidi mbiowo m̀mê mme asan̄autom unamutom, enyene nsio nsio n̄kpọ emi mmọ ẹsụk ẹkemede ndinam ke esop Abasi. Edieke afo edide eyenete an̄wan, nso ke akpama ndinam nnọ Abasi?

• Nyene nti edu.—1Ti 3:11; 1Pe 3:3-6

• Emekeme ndin̄wam nditọete iban ke esop emi mînen̄ekede inyene ifiọk. —Tit 2:3-5

• Emekeme ndikpep ndikwọrọ ikọ ọfọn, nnyụn̄ nnen̄ede nsịn idem n̄kwọrọ ikọ

• Emekeme ndikpep usem en̄wen

• Emekeme ndiwọrọ n̄ka ebiet emi ẹyomde-yom mme ọkwọrọikọ

• Emekeme ndisịn n̄wed man akanam utom ke Bethel mîdịghe man etiene ọbọp n̄kpọ ọnọ esop Abasi

• Emekeme ndisịn n̄wed n̄ka Ufọkn̄wed Mme Ọkwọrọ Obio Ubọn̄

ẸSE VIDIO ORO ‘IBAN EMI ẸSỊNDE IDEM ẸNAM UTOM ỌBỌN̄,’ EKEM ẸBỌRỌ MBỤME EMI:

• Nso ke ekpep oto se nditọete iban oro kiet kiet ẹketịn̄de?