Akam emi Jehovah okopde esitie nte incense emi ẹkesifọpde ke temple ẹnọ Jehovah. (Ps 141:2) Ke ini ikọmde Jehovah inyụn̄ itịn̄de adan̄a nte imade enye, itịn̄de se ifịnade nnyịn ye nte etiede nnyịn ke idem inọ enye, inyụn̄ iben̄ede enye an̄wam nnyịn, iwụt ke imenen̄ede ima enye. Idem ibio ibio akam oro ẹsibọn̄de ke mbonoesop esinem Jehovah. Edi, esinen̄ede enem Jehovah ke ini idade ini itịn̄ ofụri se isịnede nnyịn ke esịt inọ enye ke ini ibọn̄de akam.​—N̄ke 15:8.

ẸSE VIDIO ORO MMESIKỌBỌ KE AKAM, EKEM ẸBỌRỌ MME MBỤME EMI:

• Nso utom ke Brọda Johnson ekesinam ọnọ Abasi?

• Didie ke Brọda Johnson ndisibọn̄ akam kpukpru ini owụt ke enye eberi edem ke Jehovah?

• Nso ke ekpep oto mbụk Brọda Johnson?