December 30, 2024–January 5, 2025
PSALM 120-126
Ikwọ 144 ye Akam | Ntọn̄ọikọ (Min. 1)
Nditọ Israel emi ẹkenyọn̄ọde Babylon ẹdi ke ẹkop inemesịt ndidọk se mmọ ẹketọde, sia Jehovah ama ọdiọn̄ utom ubọk mmọ
1. Mmọ Ẹkesuan N̄kpasịp ye Mmọn̄eyet, Edi Ẹkpen̄e ye Idatesịt
(Min. 10)
Nditọ Israel ẹma ẹkop inemesịt ini mbon Babylon ẹkeyakde mmọ ẹnyọn̄ọ ẹkekpono Abasi (Ps 126:1-3)
Etie nte mbon oro ẹkefiakde ẹnyọn̄ọ Judea ẹma ẹtuan̄a sia idịghe ekpri utom akana ebet mmọ (Ps 126:5; w04 6/1 16 ¶10)
Edi mmọ ikayakke idem emem mmọ ndien Jehovah ama onyụn̄ ọdiọn̄ mmọ (Ps 126:6; w21.11 25 ¶17; w01 7/15 18-19 ¶13-14; se ndise)
TIE KERE MBỤME EMI: Ke ini ẹdinyan̄ade nnyịn ẹsio ke idiọk ererimbot emi ke Armageddon, nso idi ndusụk mfịna oro idinyenede nte idifiakde idiọn̄ ererimbot emi? Didie ke Abasi edidiọn̄ nnyịn?
2. Yom N̄kpọuto ke Ikọ Abasi
(Min. 10)
-
Ps 124:2-5—Ndi imekeme ndidori enyịn Jehovah ndikpeme nnyịn nte Enye ekesikpemede idụt Israel? (cl 73 ¶15)
-
Nso ke okokụt ke itie Bible urua emi oro akpamade nditịn̄ mban̄a?
3. Edikot Bible
(Min. 4) Ps 124:1–126:6 (th ukpepn̄kpọ 5)
4. Nte Ọkpọtọn̄ọde Nneme
(Min. 3) KE EBIET EMI MME OWO ẸWAKDE. (lmd ukpepn̄kpọ 3 ọyọhọ n̄kpọ 5)
5. Sifiak Ka
(Min. 4) KE UFỌK KE UFỌK. Isan̄ akpa, owo oro ikọdiọn̄ọke m̀mê ikpenenịm se Bible etịn̄de. (lmd ukpepn̄kpọ 9 ọyọhọ n̄kpọ 5)
6. Nam Mme Owo Ẹdi Mbet Jesus
Ikwọ 155
7. Yak Mme N̄kpọ Oro Abasi Ọn̄wọn̄ọde Anam Okop Idatesịt
(Min. 15) Nneme.
Jehovah ama anam se Enye ọkọn̄wọn̄ọde ọnọ ikọt esie oro ẹketan̄de ẹka Babylon. Enye ama anyan̄a mmọ onyụn̄ efen mme idiọkn̄kpọ mmọ. (Isa 33:24) Enye ama ekpeme mmọ ye mme ufene mmọ, ikayakke ekpe ye ndiọi unam eken oro ẹkediyọhọde obio mmọ ke ntak emi owo mîkodụhe ẹnam mmọ n̄kpọ. (Isa 65:25) Mmọ ẹma ẹkop inem ndidụn̄ ke obio mmọ, ẹnyụn̄ ẹdia ufọn mme n̄kpọ oro mmọ ẹketọde. (Isa 65:21) Abasi ama ọdiọn̄ utom ubọk mmọ, ndien mmọ ẹma ẹdu uwem ẹbịghi.—Isa 65:22, 23.
Waterfall: Maridav/stock.adobe.com; mountains: AndreyArmyagov/stock.adobe.com
Bre VIDIO emi Dat Esịt Sia Abasi Ọn̄wọn̄ọ Ndinọ Nnyịn Emem—Ekpri Esie. Ekem bụp otuowo:
-
Didie ke mme prọfesi oro ikụtde ke vidio oro ẹsu mfịn?
-
Didie ke mme un̄wọn̄ọ emi ẹdinen̄ede isu ke obufa ererimbot?
-
Ewe ye ewe ke otu mme un̄wọn̄ọ emi ke enen̄ede oyom ndikụt nte ẹsude?
8. Ukpepn̄kpọ Bible Esop
(Min. 30) bt ib. 20 ¶8-12, ekebe ke p. 161
