November 18-24
PSALM 107-108
Ikwọ 7 ye Akam | Ntọn̄ọikọ (Min. 1)
1. “Ẹkọm Jehovah, Koro Enye Ọfọnde”
(Min. 10)
Jehovah osio nnyịn ke ufụn idiọk ererimbot Satan ye mme nsunsu ukpepn̄kpọ esie, nte Enye okonyụn̄ anyan̄ade Israel osio ke Babylon (Ps 107:1, 2; Col 1: 13, 14)
Nte isimade ndikọm Jehovah esinam ọdọn̄ nnyịn nditoro Enye ke esop (Ps 107:31, 32; w07 4/15 20 ¶2)
Ima ikere kpukpru nti n̄kpọ oro Jehovah anamde ọnọ nnyịn, oro ayanam isikọm Enye (Ps 107:43; w15 1/15 9 ¶4)
2. Yom N̄kpọuto ke Ikọ Abasi
(Min. 10)
-
Ps 108:9—Ẹkeme ndidọhọ ke Bible ndimen Moab ndomo ye “eso uyet ukot” Abasi, ọwọrọ nso? (it-2 420 ¶4)
-
Nso ke okokụt ke itie Bible urua emi oro akpamade nditịn̄ mban̄a?
3. Edikot Bible
(Min. 4) Ps 107:1-28 (th ukpepn̄kpọ 5)
4. Nte Ọkpọtọn̄ọde Nneme
(Min. 3) KE INI ANAMDE N̄KPỌ IDEMFO. (lmd ukpepn̄kpọ 1 ọyọhọ n̄kpọ 4)
5. Sifiak Ka
(Min. 4) KE INI ANAMDE N̄KPỌ IDEMFO. Tịn̄ nte isikpepde owo Bible, nyụn̄ nọ owo oro kad emi ẹkotde Kpep Bible ke Mfọn. (lmd ukpepn̄kpọ 9 ọyọhọ n̄kpọ 3)
6. Utịn̄ikọ
(Min. 5) ijwyp 90—Ibuotikọ: Nso Idin̄wam Mi N̄kûsukere ke Idiọkn̄kpọ Eyetịbe? (th ukpepn̄kpọ 14)
Ikwọ 46
7. Imesikwọ Ikwọ Ikọm Jehovah
(Min. 15) Nneme.
Ke Jehovah ama akanyan̄a nditọ Israel ke ubọk mme okopodudu mbonekọn̄ Egypt ke Ididuot Inyan̄, esịt ama enen̄ede enem mmọ, mmọ ẹma ẹnyụn̄ ẹkwọ ẹban̄a se Enye akanamde oro. (Ex 15:1-19) Irenowo ẹketọn̄ọ ndikwọ obufa ikwọ oro. (Ex 15:21) Jesus ye mme Christian ke eyo mme apostle n̄ko ẹma ẹsikwọ itoro ẹnọ Abasi. (Mt 26:30; Col 3:16) Imesiwụt ke imama se Jehovah anamde ọnọ nnyịn ke nditiene n̄kwọ ikwọ ke mme mbono esop, mme mbono circuit, ye ikpọ mbono nnyịn. Ke uwụtn̄kpọ, ẹkwọ ikwọ isụk ikwọde ima do, “Imọkọm Fi, O Jehovah,” ke mbono esop nnyịn tọn̄ọ ke 1966.
Ke ndusụk itie, bụt isiyakke irenowo ẹtiene ẹkwọ ikwọ ke otuowo. Ndusụk owo isimaha nditiene n̄kwọ ikwọ, sia mmọ ẹsikere ke mmimọ inyeneke uyo ikwọ. Edi, se anade idiọn̄ọ edi ke ndisitiene n̄kwọ ikwọ ke mbono esop, edi usụn̄ kiet oro isidade ituak ibuot inọ Jehovah. Esop Jehovah ẹsinen̄ede ẹda ini ẹtịm mme ikwọ, ẹnyụn̄ ẹmek mbon oro ẹkụtde ke ẹdot se ikwọde ke mbono esop kiet kiet. N̄kukụre se nnyịn inyenede ndinam edi nditiene ndian uyo nnyịn n̄kwọ mme ikwọ emi nda n̄kọm Ete nnyịn eke heaven, nnyụn̄ n̄wụt ke imama se Enye anamde ọnọ nnyịn.
Bre VIDIO emi Kop Mbụk Esop Abasi—Ikwọ Edi Enọ Abasi, Ọyọhọ Ikpehe Iba. Ekem bụp otuowo:
-
Nso iketịbe ke 1944 oro nnyịn mîdifreke?
-
Didie ke nditọete nnyịn ke Siberia ẹkewụt ke mmimọ imama mme ikwọ Obio Ubọn̄ nnyịn?
-
Ntak emi Mme Ntiense Jehovah mîdaha ikwọ ibre mbre?
8. Ukpepn̄kpọ Bible Esop
(Min. 30) bt ib. 18 ¶6-15
