Se Ekemede Nditịn̄
ẸDEMEDE!
Mbụme: Ndusụk owo ẹsikere m̀mê Jesus ama odu mi ke isọn̄, edi mbon eken ẹnen̄ede ẹnịm ke enye ama odu. Mbon en̄wen ẹdọhọ ke idụhe nte ẹkemede ndidiọn̄ọ m̀mê enye ama odu. Afo ekere didie?
Nte ọkpọnọde: Ẹdemede! emi etịn̄ se inamde ediwak owo ẹnịm ke Jesus ama odu mi ke isọn̄.
KPEP MME OWO AKPANIKỌ
Mbụme: Nso isitịbe ke owo ama akpa?
Itie N̄wed Abasi: Joh 11:11-14
Akpanikọ: Owo ama akpa, akpa. Ntem, nnyịn inyeneke ndikop ndịk mban̄a se iditịbede edieke ikpade. Jesus ekemen n̄kpa odomo ye idap. Kpa nte enye akanamde Lazarus eset, enye ekeme ndinam mbon nnyịn n̄ko ẹset ẹfiak ẹdidu uwem mi ke isọn̄.—Job 14:14.
N̄WEDIKOT MBONO ESOP (inv)
Nte ọkpọnọde: N̄kedi ndikot fi edikop ikọ Abasi nnyịn. Ẹdikwọrọ ikọ emi ke Ufọkmbono Obio Ubọn̄ nnyịn emi isikade ikokpono Abasi. [Nọ owo oro n̄wedikot mbono esop, wụt enye ini ye ebiet emi ẹdinịmde mbono esop utịturua oro, nyụn̄ siak ibuotikọ oro ẹdikwọrọde.]
Mbụme: Ndi akanam amaka Ufọkmbono Obio Ubọn̄ nnyịn? [Emekeme ndiwụt enye vidio Nso ke Ẹsinam ke Ufọkmbono Obio Ubọn̄?]
WET NTE EDITỊN̄DE OKWO
Da mme uwụtn̄kpọ emi wet se editịn̄de ke an̄wautom.
