NTAK EMI EDIDE AKPAN N̄KPỌ: Jesus ọkọdọhọ ke ima edinam mme owo ẹdiọn̄ọ mbet imọ. (Joh 13:​34, 35) Edieke iyomde ndima mme owo nte Christ akamade, ana isiyom ufọn mbon en̄wen, ikûnyụn̄ usọp iyatesịt.​—1Co 13:5.

NTE AKPANAMDE:

• Ke ini owo etịn̄de m̀mê anamde n̄kpọ emi ayatde fi, kere kan̄a se ikpanamde enye etịn̄ m̀mê anam n̄kpọ oro, nyụn̄ kere se iditịbede edieke anamde se aduakde ndinam oro.​—N̄ke 19:11

• Ti ke idụhe eke ọfọnde ama, ke kpukpru nnyịn imesidue itịn̄ mîdịghe inam n̄kpọ emi idituade n̄kpọfiọk nte ini akade

• Sọsọp biere mfịna oro enyenede ye owo

ẸSE VIDIO ORO ‘ẸNYENE IMA KE OTU IDEM MBUFO’​—KÛYOM UFỌN IDEM FO KPỌT, KÛNYỤN̄ USỌP IYATESỊT, EKEM ẸBỌRỌ MME MBỤME EMI:

• Didie ke Brọda Lawrence akanam n̄kpọ ke ini Brọda Tom eketịn̄de ikọ ye enye?

• Didie ke Brọda Tom ndikada ekpri ini n̄kere n̄kpọ akanam enye okûsọp uyat esịt?

• Didie ke sụn̄sụn̄ ibọrọ esie akanam utọk okûtịbe?