Akpama ufan fo esinam n̄kpọ didie ye afo? Anaedi akpama enye esifọn ido, atat ubọk, esinyụn̄ ọsọn̄ọ ada ye afo ke ini afanikọn̄. Nte Jehovah onyụn̄ etiede edi oro. (Ex 34:6; Ut 14:17) Enye esikop akam fo. Enye esin̄wam fi ke ini enyenede mfịna. (Ps 18:19, 35) Enye esinyụn̄ efen ọnọ fi ke ini anamde ndudue. (1Jo 1:9) Omokụt do ke idụhe ufan emi etiede nte Jehovah!

Nso ke akpanam man edi ufan Jehovah? Sikot Ikọ esie man ọfiọk utọ owo emi enye edide. Tịn̄ nte etiede fi ke idem nọ enye. (Ps 62:8; 142:2) Wụt ke amama mme n̄kpọ oro Jehovah adade ke akpan n̄kpọ, utọ nte Obio Ubọn̄ esie ye se enye ọn̄wọn̄ọde ndinam ke ini iso. Wụt n̄ko ke amama Eyen esie. Nam mbon en̄wen ẹtiene ẹdiọn̄ọ Jehovah. (De 32:3) Edieke anamde n̄kpọ man edi ufan Jehovah, enye idikpọn̄ke fi tutu amama.—Ps 73:25, 26, 28.

ẸSE VIDIO ORO MME UYEN—“ẸTABI ẸNYỤN̄ ẸSE NTE JEHOVAH ỌFỌNDE,” EKEM ẸBỌRỌ MME MBỤME EMI:

• Nso ke akpanam man ayak idem ọnọ Jehovah onyụn̄ ana baptism?

• Didie ke mbon en̄wen ke esop ẹkeme ndin̄wam fi anam n̄kpọ Jehovah?

• Didie ke ndikwọrọ ikọ anam fi enen̄ede ekpere Jehovah?

• Ke ama akana baptism, nso ye nso ke ekeme ndinam nnọ Jehovah?

• Nso ke Jehovah anam ọnọ fi emi enen̄erede ama?