Jehovah emi edide Akakan Ọbọn̄ Andikara ada Mme Ntiense esie nte mme ufan esie. Sia ima ikayak idem inọ enye inyụn̄ ina baptism, ke inam n̄kpọ man ika iso idi ufan esie. Enye ada Eyen esie odụri nnyịn edisịn ke esop Esie. (Joh 6:44) Enye esinyụn̄ okop akam nnyịn.—Ps 34:15.

Nso ke ikpanam man ika iso idi ufan Abasi? Ana inam se inende, utu ke ndinam idiọkn̄kpọ nte nditọ Israel ẹkesinamde. Esisịt ini ke mmọ ẹma ẹkekabade ẹdi ikọt Jehovah, mmọ ẹma ẹbot eyen enan̄ o-gold ẹnịm ẹkpono. (Ex 32:7, 8; 1Co 10:7, 11, 14) Ntre, ọfọn ibụp idem nnyịn ite, ‘Nsinam n̄kpọ didie ke ini ẹdomode mi m̀mê ke ini idiọkn̄kpọ ọdọn̄de mi? Ndi se nsinamde owụt ke mmama nte ndide ufan Jehovah?’ Sia inen̄erede ima Ete nnyịn eke heaven, nnyịn idinamke n̄kpọ emi enye asuade.—Ps 97:10.

ẸSE VIDIO ORO KÛYAK N̄KPỌ NDOMOKIET ANAM FI ETRE NDIDI UFAN JEHOVAH (COL 3:5), EKEM ẸBỌRỌ MME MBỤME EMI:

• Ntak emi nnyịn mîkpesịnke esịt ke n̄kpọ owo?

• Ntak emi idiọkitọn̄ ye ukpono ndem mîfọnke?

• Nso ke efịbe ada ebiet ukpono ndem?

• Ntak emi enen̄erede oyom mbon oro ẹkamade ifetutom ke esop Abasi ẹsinyene ini ẹnọ iban mmọ?