NTAK EMI EDIDE AKPAN N̄KPỌ: Imesikwọ ikwọ inyụn̄ itoro Jehovah ke ini idụkde mbono esop. (Ps 149:1) Ẹsinyụn̄ ẹkpep nnyịn ndinam uduak Abasi. (Ps 143:10) Mbon oro ẹkpan̄de utọn̄ ẹkop ukwọrọikọ nnyịn ye nditọ ukpepn̄kpọ Bible nnyịn ẹsisịn idem ẹkpep Ikọ Abasi ke ini mmọ ẹtọn̄ọde ndidụk mbono esop.

NTE AKPANAMDE:

• Babak tọn̄ọ ndikot mme owo mbono esop. Kûbet tutu afo ọtọn̄ọ ndikpep mmọ Bible.—Edi 22:17

• Nam owo oro ọdiọn̄ọ nte isinịmde mbono esop nnyịn ye se ẹdinemede ke mbono esop urua oro. Mme n̄kpọ emi ẹkeme ndin̄wam fi anam emi: n̄wedikot mbono esop, vidio Nso ke Ẹsinam ke Ufọkmbono Obio Ubọn̄?, ye ekpri n̄wed Mmanie Ẹnam Uduak Jehovah Mfịn?, ukpepn̄kpọ 5 ye 7

• N̄wam owo oro. Ekeme ndiyom aka ekemen enye edi mbono esop mîdịghe anam enye ọfiọk utọ ọfọn̄ oro enye ekpesịnede. Tie ye enye ke mbono esop nyụn̄ buana n̄wed fo ye enye. Men enye wụt mbon en̄wen