NTE CHRISTIAN OKPODUDE UWEM
Edieke Okụtde Eyenọwọn̄ ke Ufọk
Edieke ikụtde eyenọwọn̄ ke ufọk ke ini ikade ukwọrọikọ, ọyọfọn idọhọ enye ke iyom nditịn̄ ikọ ye ete m̀mê eka esie. Emi oyowụt ke imokpono mmọ. (N̄ke 6:20) Edieke eyen oro ọdọhọde nnyịn idụk idi, ikpọfọnke idụk ika. Edieke ete m̀mê eka esie mîdụhe, akpana ifiak ika ini efen.
Idem ọkpọkọm eyen oro esịm n̄kpọ nte isua 17, edisụk ifọfọn iyom nditịn̄ ikọ ye ete m̀mê eka esie. Edieke mmọ mîdụhe, imekeme ndibụp enye m̀mê enye esimek se enye okotde m̀mê ete ye eka esie ẹsimek ẹnọ enye. Edieke edide mmọ ẹsiyak enye emek se enye okotde, imekeme ndinọ enye n̄wed inyụn̄ idọhọ enye aka jw.org.
Ke ini ifiakde ika ikese uyen emi akamade ukwọrọikọ nnyịn, akpana idọhọ enye ke ikpama ndikụt ete m̀mê eka esie. Emi ayanam ikeme nditịn̄ se idade nnyịn idi inyụn̄ iwụt mmọ nti item Bible emi ẹkemede ndin̄wam ubon. (Ps 119:86, 138) Ndiwụt ke imekere iban̄a ete ye eka esie inyụn̄ ikpono mmọ ayanam mmọ ẹdiọn̄ọ ke nnyịn idi nti owo, oyonyụn̄ ọnọ nnyịn ifet ndikwọrọ eti mbụk nnọ ofụri ubon oro.—1Pe 2:12.