KPEP NDIKWỌRỌ IKỌ ỌFỌN | SE AKPANAMDE MAN ENEN̄EDE OKOP IDATESỊT NDIKWỌRỌ IKỌ
Da Mme N̄kpọ Emi Isidade Inam Ndụn̄ọde N̄wam Mme Owo
Jehovah ọnọ nnyịn mme n̄kpọ emi ẹdin̄wamde nnyịn inen̄ede idiọn̄ọ ndikpep mme owo Ikọ esie. Mme vidio, tract, magazine, ye mme n̄wed nnyịn ẹsịne ke otu mme n̄kpọ emi. Edi ata akpan n̄kpọ emi enye ọnọde nnyịn ida ikwọrọ ikọ edi Bible. (2Ti 3:16) Enye n̄ko ọnọ nnyịn nsio nsio n̄kpọ emi ẹdin̄wamde nnyịn idụn̄ọde Ikọ esie man ikeme ndinam se Bible etịn̄de an̄wan̄a mme owo. Mme n̄kpọ emi ẹsịne Watchtower Library, JW Library®, Watchtower LIBRARY EKE INTANET™, ye N̄wed Ndụn̄ọde Mme Ntiense Jehovah.
Esịt eyenen̄ede enem fi edieke esidade mme n̄kpọ emi Jehovah ọnọde nnyịn mi anam ndụn̄ọde. Kụt ete ke emekpep nditọ ukpepn̄kpọ fo n̄ko ndisida mme n̄kpọ emi nnam ndụn̄ọde. Edieke anamde oro, eyenem mmọ ndisida mme n̄kpọ emi nyom ibọrọ mbụme Bible oro afịnade mmọ.
ẸSE VIDIO ORO YAK NDIN̄WAM MME OWO ẸDIKPONO ABASI ANAM FI OKOP IDATESỊT—YAK JEHOVAH ADA MME N̄KPỌ ISIDADE INAM NDỤN̄ỌDE AN̄WAM FI, EKEM ẸBỌRỌ MME MBỤME EMI:
-
Nso ke Jenny eketịn̄ aban̄a nte kpukpru n̄kpọ akasan̄ade edidu?
-
M̀mọ̀n̄ ke Anita akaka okoyom se enye edidade in̄wam Jenny?
-
Esinem nnyịn ndikụt n̄kpọuto ke Ikọ Abasi nnyụn̄ nda enye n̄n̄wam mbon en̄wen
Ke otu mme n̄kpọ emi Anita okokụtde, enye akanam didie ọdiọn̄ọ enye emi edin̄wamde Jenny?
-
Eketie Anita didie ke idem ini enye okokụtde se enye oyomde ke mme n̄kpọ emi isidade inam ndụn̄ọde?
