N̄wed Abasi ọdọn̄ọ kpukpru se ikemede ndin̄wam nnyịn iyọ se ededi emi ọwọrọde nnyịn ke mme akpatre usen emi. (2Ti 3:1, 16, 17) Edi ndusụk ini, nnyịn isidiọn̄ọke nnennen item Bible emi ekemede ndin̄wam nnyịn ke ini inyenede mfịna. Ke uwụtn̄kpọ, ndi omoyom ndidiọn̄ọ nte ọkpọbọkde nditọ fo? Edieke edide uyen, ndi odu n̄kpọ ndomokiet anamde ọsọn̄ fi ndinam n̄kpọ Abasi? Ndi ebe m̀mê n̄wan fo akpa ọkpọn̄ fi? Oyokụt mme n̄kpọ ikọ Abasi ke jw.org emi ẹdin̄wamde fi okụt item Bible emi ekemede ndin̄wam ke se ededi emi ọwọrọde fi.​—N̄ke 2:3-6.

Ka akpa page jw.org kefịk SE BIBLE EKPEPDE. (Se akpa ndise.) Ama okụbọde ọnọ fi, mek ibuotikọ enye emi oyomde. Mîdịghe fịk SE ẸDỌN̄DE > NSIO NSIO IBUOTIKỌ nyụn̄ mek ibuotikọ emi oyomde. (Se ọyọhọ ndise 2.) Emekeme ndinyụn̄ n̄kụt mme ibuotikọ emi ke JW Library^®. * Emekeme ndikot mme ibuotikọ emi ke JW Library m̀mê ke jw.org. Usụn̄ en̄wen edi ndika jw.org n̄kewet se oyomde ke itie oro ẹwetde “Yom,” ndien nsio nsio ibuotikọ ẹyewọrọ ẹdi.

Taip ibuotikọ emi ẹdude ke idak emi kiet kiet sịn ke itie oro ẹwetde “Yom,” ndien nsio nsio n̄kpọ ẹyewọrọ ẹdi. Wet mbon emi amade nịm, ama ekem afo ese.

• Nte Ẹkpekamade Nditọ

• Uyen Emi Esifụhọde Akaha

• Ke Ini Ebe M̀mê N̄wan Owo Akpade