SEOUL, Korea—November 2012 edi akpan ọfiọn̄ ọnọ Mme Ntiense Jehovah emi ẹwakde ẹbe owo 100,000 ke South Korea, nte mmọ ẹyọhọde isua 100 ke idụt oro. Mme Ntiense ẹdara isua ikie emi ke ndisuan tract ndida nti emi ke ofụri idụt oro, nnọ mme owo. Ediye tract emi enyenede page inan̄ mi esịne ibio ibio mbụk oro aban̄ade Mme Ntiense Jehovah ke South Korea ye se mmọ ẹnamde ndondo emi ke idụt oro.

Ke 1912, Mme Ntiense Jehovah oro ẹkenọde ẹka Korea ẹma ẹtọn̄ọ utom ukpep mme owo Bible an̄wan̄wa do. Ọtọn̄ọde ke ini oro tutu esịm emi, Mme Ntiense ẹmịn̄ n̄kpọ nte Bible 700, 000 ke usem Korean, n̄ko kpukpru urua mmọ ẹsika ufọk mme owo ẹkenịm ukpepn̄kpọ Bible emi ẹwakde ẹbe 70,000 ke mfọn. Ke se iwakde ibe esop 1,300 emi ẹdude ke idụt oro, Mme Ntiense ẹsinịm mboho emi ẹsikpepde item Bible kpukpru urua, emi mme owo ẹkemede ndidụk. Ata anyan ini ko ke mmọ eketọn̄ọ ndinịm mme mbono kpukpru isua ke Korea, akpa ini ekedi ke 1954. Idịghe ke usem Korean kpọt ke ẹsinịm mme mbono emi, ke 1997, ẹma ẹtọn̄ọ ndinịm n̄ko ke Usem Idiọn̄ọ Mbon Korea. Ke 2009, Mme Ntiense Jehovah ẹma ẹnịm akamba mbono ofụri ererimbot ke Seoul emi se iwakde ibe owo 58,000 ẹkedụkde, ẹsịnede se iwakde ibe owo 6,500 emi ẹtode idụt 11. N̄kọk itieutom Mme Ntiense okodu ke Seoul toto ke 1953.

Dae-il Hong emi esitịn̄de ikọ ke ibuot Mme Ntiense Jehovah ke Korea, ọdọhọ ete: “Edinam emi owụt ke imanam n̄kpọ inọ mme mbọhọidụn̄ nnyịn ke isua 100 idahaemi.” Enye aka iso ete: “Nnyịn inịm ite ke ndinam item Bible esinam ndọ ọfọn, anam mme ubon ẹkop inemesịt, onyụn̄ anam obio ọfọn. Imaduak ndika iso nnam n̄kpọ ke obio emi ke ediwak isua.”

Mbon Oro Ekemede Ndikot:

J. R. Brown, Ọfis Usuanetop, tel. +1 718 560 5000

Republic of Korea: Dae-il Hong, tel. +82 10 3951 0835