NEW YORK—Mme Ntiense Jehovah ẹyenịm mbono ofụri ererimbot “Ka Iso Ndibem Iso Nyom Obio Ubọn̄ Abasi!” ke usen ita. Akpa mbono editọn̄ọ ke usenubọk Friday, June 6, 2014, ke Ford Field ke Detroit ke Michigan ke USA. Mme owo oro ẹdude ke mme itie en̄wen ke Arizona, California, Florida, Illinois, Missouri, New Jersey, ye North Carolina ẹyetiene ẹkụt ẹnyụn̄ ẹkop ndusụk ikpehe mbono emi. Ẹyenyụn̄ ẹkabade se ẹnamde ẹsịn ke usem Albanian, Korean, Polish, ye Portuguese.

J. R. Brown, emi adade ke ibuot Mme Ntiense Jehovah onyụn̄ odude ke ibuot itieutom mmọ ke Brooklyn ke New York, ọdọhọ ete: “Ebe urua ita idahaemi Mme Ntiense ke Detroit ye mme obio eken emi ẹdidade TV ẹse se ẹdinamde ke Detroit ẹkekot mme owo ẹte ẹdidụk akwa edinam emi. Ke Detroit, owo 45,000 ẹdidụk. Ke otu emi, 2,000 ẹdito Australia, Canada, Germany, ye Taiwan ẹdi.”

Ke ini ndaeyo, Mme Ntiense ke United States ẹyenịm mbono ofụri ererimbot 16 ke ikpọ an̄wambre ke stet duop. Ke ndusụk itie emi, ẹyenam ndusụk n̄kpọ mîdịghe kpukpru n̂kpọ ke usem Albanian, Arabic, Armenian, Cantonese, Chuukese, French, Greek, Haitian Creole, Hindi, Iloko, Indonesian, Italian, Japanese, Korean, Mandarin, Marshallese, Persian, Polish, Romanian, Russian, Samoan, Spanish, Tagalog, Twi, Usem Idiọn̄ọ America, ye Vietnamese. Ọtọn̄ọde ke June 2014 tutu ebe ẹdụk 2015, Mme Ntiense ẹyenịm mbono ofụri ererimbot ke Australia, Ecuador, England, Germany, Greece, Mexico, South Korea, ye Zimbabwe.

Kot Mîdịghe Wet Nnyịn:

Adres Ibuot Itieutom: J. R. Brown, Office of Public Information, phone +1 718 560 5000