BROOKLYN, N.Y.—Mme Ntiense Jehovah ẹnyam akani Bossert Hotel ke 98 Montague Street, emi odude ke Brooklyn Heights, enọ David Bistricer emi enyenede Clipper Equity and the Chetrit Group. Ẹkebọp Bossert ke isua 1909, kpa isua emi Mme Ntiense Jehovah ẹkesiode ibuot itieutom ofụri ererimbot mmọ ẹka Brooklyn Heights.

Mme Ntiense ẹketọn̄ọ ndibọ ufọk oro ndụn̄ ke 1983, ekem ẹdep enye ke 1988. Ndondo oro mmọ ẹdepde enye, mmọ ẹma ẹtọn̄ọ akamba utom ndifiak ndiọn̄ ofụri ufọk oro nnyụn̄ nnam enye etie nte se Landmarks Preservation Commission oyomde mme ufọk ẹtie ke n̄kann̄kụk oro, ẹnyụn̄ ẹbọ enọ ke ndikanam ufọk oro afiak eye nte ekesiyede ke ntọn̄ọ.

Ndondo emi, Mme Ntiense Jehovah inamke ediwak n̄kpọ oro mmọ ẹkesinamde ke Brooklyn aba. Emi anam mbonutom iwakke aba, mmọ inyụn̄ iyomke aba ndusụk ufọkidụn̄ ke Brooklyn. Oro anam ẹnyam Bossert Hotel oro.

David Semonian, emi esitịn̄de ikọ ke ibuot Mme Ntiense Jehovah ọkọdọhọ ete: “Ama esinem nnyịn ndise mban̄a Bossert ke isua 25 emi ẹbede mi. Ufọk oro eye etieti, nnyịn imonyụn̄ ima se ikadade ufọk oro inam ke ofụri isua oro.”

Mbon Oro Ekemede Ndikot:

David Semonian, Ọfis Usuanetop, tel. +1 718 560 5000