Ẹdọn̄ nsio nsio n̄kpọ ke JW Library man emem fi utom ndikot se idude do. Oyokụt mme n̄kpọ emi ke enyọn̄-enyọn̄ ubọk nnasia ke fon m̀mê tablet fo ke ini okụbọrede n̄wed. Right click mîdịghe da nnuenubọk fo dụri to enyọn̄ sịm isọn̄ man okụt ebiet emi n̄kpọ emi ẹdude ke Akpa Page.

Nam se itịn̄de ke idak emi man se osion̄ode emem fi utom ndikot:

•  Kpụhọ Usem

•  Nam Ikọ Ekpri M̀mê Okpon

•  Enye Emi Ọdọn̄ọde Ndise M̀mê Ikọ Kpọt

•  Kụbọde ke Library Eke Intanet

•  Nam Etie Nte Oyomde

Emekeme ndikpụhọde usem n̄kpọ emi okotde.

• Tụk idiọn̄ọ Usem emi odude ke ubọk ufien mi man okụt kpukpru usem emi ẹkabarede n̄kpọ oro osụk okotde do. Mme usem emi esiwakde ndikụbọde ke edibem iso okụt. Omonyụn̄ ekeme nditaip enyịn̄ usem emi oyomde do.

• Mme usem emi ẹnyenede idiọn̄ọ ntọn̄enyọn̄ ẹdi mbon emi mûsion̄oke kan̄a udọn̄ ke fon m̀mê tablet fo. Tụk usem oro oyomde man osion̄o se okotde oro ke usem oro. Ama ososion̄o n̄wed esịn ke fon m̀mê tablet fo, n̄kpọ oro etiede nte ntọn̄enyọn̄ do ididụhe aba. Fiak tụk usem oro man enye okụbọde ọnọ fi okot.

Emekeme ndinam se ẹwetde amana ekpri m̀mê okpon akan se idude do man ekeme ndikot.

Idọn̄ n̄wed utọ iba iba, utọ kiet onyụn̄ etie nte ata n̄wed, ọdọn̄ọ ndise ke ebiet emi ndise odude ke enye emi emịn̄de-mịn̄, edi ọyọhọ utọ iba idọn̄ọke ndise, ọdọn̄ọ ikọ kpọt.

• Enye Emi Ọdọn̄ọde Ndise: Ama otụk idiọn̄ọ emi, oyokụbọde n̄wed emi etiede nte ata n̄wed. Ndusụk owo ẹsima enye emi ke utọ n̄wed nte n̄wedikwọ sia mmọ ẹyekụt idiọn̄ọ oro owụtde nte ẹkpekwọde ikwọ.

• Ikọ Kpọt: Enye emi enyene mme itie Bible emi ekemede nditụk man mmọ ẹkụbọde ẹnọ fi okot; ikọ idikponke ikan nte akanamde etie.

Ama otụk itie Bible, itie Bible oro oyokụbọde. Tụk ebiet emi okụtde Customize, emi ẹkotde ke Ikọ Efịk, Nam Etie Nte Oyomde, man emek Bible oro akpamade ndisịn mi.

Se n̄ko ibuotikọ emi, “Nte Okposion̄ode Nsio Nsio Bible—Ke Windows” man okụt nte okposion̄ode mme Bible en̄wen ke JW Library.