CAWADUA ÃCÕRẼ BEƊEA AƁAU ÃCÕRẼ BEƊEA CAWA ƁɄME
¡Ɓʉsriɗa ɓadua dãrã!
Curso Ãcõrẽ Beɗeaɗe ne zocãrãneba cawaɗida beɗea bio ɓiara ɓʉda:
¿Cãrẽda oibara ɓʉ capipia ɓai carea?
¿Ewari aɓaʉɗe necai pananida?
¿Bʉ beuɗarãra wãya zocai pananida?
¿Ãcõrẽba bio sopua ɓʉda bʉ carea?
¿Bʉa cãrẽda poya oida Ãcõrẽba ũrĩbarida bʉa ʉ̃taa dji idi ɓʉɗe?
Baribemada
Curso Ãcõrẽ Beɗeaɗe jũma baribemada. Cawai carea bʉ́a diaida dji carta ¡Ɓʉsriɗa ɓadua dãrã!, Bibliara siɗa.
Bʉa quĩrĩã ɓʉ quĩrãca
Ɓʉmae dji jaradiabarime ãbaa jʉreɗida, wa interneneba acʉɗida. Bʉa estudiaida bʉdjia wã quĩrĩã ɓʉmae, bʉa dji hora quĩrĩã ɓʉ quĩrãca.
Õgo obicada
Bʉa waa estudia quĩrĩãẽ́ ɓʉ bʉrʉ, beɗea neẽ́a.
¿Sãwã jaradia panʉ Ãcõrẽ Beɗeaɗe?
Bʉ jaradiabariba carebaida cawai carea Ãcõrẽ Beɗeaɗe beɗea aɓa aɓa. Acʉpeɗa dji carta ¡Ɓʉsriɗa ɓadua dãrã!, ne zocãrãneba maãrĩ maãrĩ cawaida Bibliaba sãwã careba ɓʉda. Biara cawai carea acʉdua dji video, wa acʉdua Idiɗara o panʉra cursoɗebema.
