Ãcõrẽ Beɗeaba jara ɓʉda Ãcõrẽra wãrãda ɓʉda. Jeowaba “crĩcha cawaada” dadjirãa diasida bia quĩchai carea mãwãra poya ĩjãida dadji Ãcõrẽra idjaɓa poya ĩjãnaẽ́da awara religioʉ̃ sewaida ɓeara (Romano 12:1; 1 Juaʉ̃ 5:20). Cawaɗida Ãcõrẽ Beɗeaba jara ɓʉra cawai carea Ãcõrẽ wãrã arada ɓʉda.

•   Dewara naʉ̃ ẽjũãra bia ãbaa ɓʉda maʉ̃ bʉrʉ cawa panʉda aɓaʉba naʉ̃ ẽjũãra osida. Ãcõrẽ Beɗeaba jara ɓʉda: “Dera dji oɗa bara ɓeaa. Baribʉrʉ Ãcõrẽba ne jũmada osia” (Hebreo 3:4). Jãʉ̃ beɗeara jara panʉda ẽberãrã bio estudiadarãba jãʉ̃ra wãrãda ɓʉda. a

•   Dadjirãba cawa quĩrĩã panʉda cãrẽã naʉ̃ ẽjũãne panʉda, jãʉ̃ cawaɗaẽ́ bʉrʉ sopua panʉda. Jãʉ̃gʉra bio cawaibʉrʉ dadjirãra “bio sobia duanʉda”, bio cawaibʉrʉ Ãcõrẽnebemada idjaɓa bia beɗeaida Ãcõrẽa bio biara ɓʉda ne awara cãyãbara (Mateo 5:3; Apocalipsi 4:1). Idjia dadjirãra osida dadjirãba cawaɗamãrẽã idjira, jãʉ̃ra acʉbi ɓʉda idjia dadjirãra bio quĩrĩã ɓʉda. Idjia quĩrĩã ɓʉda dadjirãba bio cawaɗida idjira mãwã dadjirãba bio capipia pananida (Mateo 4:4).

•   Ãcõrẽ Beɗeaɗebema ɓʉpeɗaɗa quĩrãca mãwãsida zocãrã ɓaɗacare, idjia jarada quĩrãca. Jãʉ̃ beɗeara mãwãna bẽrã, maʉ̃ carea, jaraẽ́ basida jãʉ̃ra ẽberãrãnebemada (2 Pedro 1:21).

•   Ãcõrẽ Beɗea bʉpeɗadaba bio cawasiɗada jãʉ̃ ewariɗera dewara cãyãbara. Ejemploda, ʉ̃cʉrʉba quĩcha badjiɗada jabali, toro, zocãrã animarãrã ʉ̃rʉ̃, ẽjũãra basida . Bibliaba awara jara ɓʉda, “idjia ɓʉsia bajãra ewaraɗe idjaɓa naʉ̃ ẽjũãne jira ɓʉda ne neẽ́ne” (Job 26:7, TNM). Idjaɓa nama jara ɓʉda naʉ̃ ẽjũãra “borococua ɓʉda” (Isaías 40:22, TNM). Ʉ̃cʉrʉ ẽberãrãba jarabadada Ãcõrẽ Beɗea ɓʉpeɗaɗara cawasiɗada Ãcõrẽba jaraɗa bẽrã ãdjia.

•   Ãcõrẽ Beɗeaba zocãrã idi panʉra panubarida ʉ̃cʉrʉba ĩjãnaca bẽrã Ãcõrẽba jara ɓʉra idjaɓa panubarida: Ãcõrẽda bia bʉrʉ, ʉɓʉa ɓʉbʉrʉ, ¿cãrẽ cãrẽã djuburia panʉda idjaɓa ne cadjirua mãwã panʉda? ¿Cãrẽ cãrẽã religioʉ̃neba beɗea droma eropanʉda? Ãcõrẽ Beɗeaba jara ɓʉba poya carebaida ĩjãi carea Ãcõrẽnera (Tito 1:16).