Exodo 31:1-18
31 Maʉ̃be Ãcõrẽba Moisea jarasia:
2 –Ũrĩdua. Mʉ̃a Uri warra Bezaleelda edasia mʉ̃ wua de oɗi ẽberãrã boroda ɓamãrẽã. Idjira Judaɗeba yõna Hur wiuzaquea.
3 Mʉ̃ Jaureda, necawaada, crĩcha cawaada, idjaɓa ne o cawa ɓai crĩcha siɗa mʉ̃a idjía diasia.
4 Mãwã idjira biya ne o cawa ɓʉa oroɗebemada, parataɗebemada, bronceɗebema siɗa.
5 Mõgara biya queɗeaɗebemada o cawa ɓʉa idjaɓa cara cawa ɓʉa. Bacuruɗebema siɗa o cawa ɓʉa. Aɓeɗa ne jũmada o cawa ɓʉa.
6 Maʉ̃ awara mʉ̃a Ahisamá warra Aholiáda edasia Bezaleel carebamãrẽã. Idjira Daʉ̃neba yõnaa. Jũma mʉ̃ wua de oɗi ẽberãrãa mʉ̃a necawaada diasia mʉ̃a obi jaraɗara jũma oɗamãrẽã.
7 Ãdjirãba naʉ̃da oɗida panʉa: mʉ̃ wua deda, mʉ̃ baurudeda, maʉ̃ baurude ʉ̃rʉ̃ coɓeida, jũma mʉ̃ wua deɗe ɓeaɗi siɗa.
8 31:8-9 Mʉ̃ wua deɗe ɓeaɗira naʉ̃gʉa: paʉ̃ ɓʉbada mesada, jũma maʉ̃ mesaɗe ɓaida, ĩbĩrã ɓʉbada oro idji awa quiruda, jũma maʉ̃ ĩbĩrãnebemada, quera bá diabadada, animarã babue diabadada, jũma maʉ̃ animarã babue diabadaɗebemada, ne sʉgʉbada epeɗeco waiɓʉa siɗa dji acʉ ɓʉɗi bara.
9 –
10 Idjaɓa Aaroʉ̃ba jʉ̃ida ɓʉra, idji warrarãba jʉ̃nida panʉ siɗa ãdjirãba oɗia. Mãwã Aaroʉ̃ra idji warrarã siɗa mʉ̃ sacerdoterãda ɓeaɗia.
11 Maʉ̃ awara mʉ̃ wua de o panʉba olivo draga quera bara ɓʉda oɗia mʉ̃ iteabemada soaɗi carea. Idjaɓa mʉ̃ dejãne quera baɗi careabemada oɗia. Ãdjirãba jũma maʉ̃gʉra mʉ̃a jaraɗa quĩrãca daucha oɗida panʉa.–
Ʉ̃nãũbada ewari
12 Idjaɓa Ãcõrẽba Moisea nãwã jarasia:
14 Ʉ̃nãũbada ewarira waga pananida panʉa maʉ̃ ewarira mʉ̃ itea ɓʉɗa bẽrã. Bariduaba maʉ̃ ewarida mʉ̃ itea wagaẽ́bʉrʉ wa maʉ̃ ewariɗe trajuda oibʉrʉ, maʉ̃ ẽberãra bãrã tãẽnabemada ãyã ɓʉɗapeɗa beaɗida panʉa.
15 Sei ewari bãrã trajura oɗida panʉa, baribʉrʉ sietebema ewariɗe ʉ̃nãũnida panʉa. Maʉ̃ ewarira mʉ̃ itea wagaɗida panʉa. Bariduaba ʉ̃nãũbada ewariɗe trajuda oibʉrʉ, idjira beaɗida panʉa.
16 Bãrã israelerãba, bãrã warrarãneba yõbʉdarã biɗa ʉ̃nãũbada ewarira waga pananida panʉa. Maʉ̃ra mãwã ɓaya.
17 Ʉ̃nãũbada ewari wagaɗira sẽyã quĩrãca ɓaya bãrã israelerãba cawaɗamãrẽã mʉ̃a bãrãra mʉ̃ itea ɓʉsida. Mãwã ɓaya mʉ̃a sei ewariɗe bajãda, naʉ̃ ẽjũã siɗa jũma opeɗa sietebema ewariɗe ʉ̃nãũna bẽrã.”–
18 Ãcõrẽba Moisea Sinai eyaɗe maʉ̃ra jũma jarapeɗa mõgara peweɗea ɓʉda umé diasia. Maʉ̃ mõgaraɗe idjia ĩjã obi ɓʉ beɗeada ɓʉ́ diasia.
