Genesi 10:1-32
10 Dopapa wãnacarea Noé warrarã Seʉ̃ba, Caʉ̃ba, Jape biɗa warrarãda unucuasiɗaa. Nama ɓʉ́ ɓʉa ãdjiɗeba yõpeɗaɗaɗebemada.
2 Japeɗeba yõpeɗaɗara naʉ̃gʉrã basía: Gomer, Magog, Madai, Javaʉ̃, Tubal, Mesec, Tiras siɗa.
3 Jape warra Gomerɗeba yõpeɗaɗara naʉ̃gʉrã basía: Asquenaz, Ripat, Togarmá siɗa.
4 Jape warra Javaʉ̃neba yõpeɗaɗara naʉ̃gʉrã basía: Elisá, Tarsi, Quitiʉ̃, Rodaniʉ̃ siɗa.*
5 Javaʉ̃neba yõpeɗaɗara pusa icawa drua osiɗaa. Maʉ̃ne jũma Jape warrarãba ãdjirãza puruda osiɗaa idjaɓa ãdji puruza ãdji quĩrãmera awara awara beɗea ɓeasia.
6 Caʉ̃neba yõpeɗaɗara naʉ̃gʉrã basía: Cus, Mizraiʉ̃, Put, Canaaʉ̃ siɗa.
7 Caʉ̃ warra Cusɗeba yõpeɗaɗara naʉ̃gʉrã basía: Sebá, Havila, Sabtá, Raamá, Sabteca siɗa. Raamáneba yõpeɗaɗara Chebá idjaɓa Dedaʉ̃ basía.
8 Cusba idjaɓa Nimroda unusia. Maʉ̃ Nimrora naʉ̃ ẽjũãne nabema ẽberã dji droma basía.
9 Nimrora mẽã wãi carea dji bia basía Ãcõrẽba mãwã quĩrĩãna bẽrã.* Maʉ̃ bẽrã ẽberãrãba jarabadjiɗaa: “Nimro quĩrãca jãʉ̃ ẽberãda mẽã wãi carea dji biaa, Ãcõrẽba mãwã quĩrĩã ɓʉ bẽrã.”
10 Idji jʉwaeɗa eroɓasia puru dromarãda. Naãrã Sinar druaɗe eroɓasia Babelda, Erecoda, Acada, Calne siɗa.
11 Mamaʉba Asiria druaɗaa wãsia.* Mama puru osia Niniveda, Rehoboda, Cala siɗa.
12 Idjaɓa Reseʉ̃ puru dromada osia Ninive idjaɓa Cala ẽsi.
13 Caʉ̃ warra Mizraiʉ̃neba yõsiɗaa naʉ̃gʉrãda: Ludiʉ̃, Anamiʉ̃, Lehabiʉ̃, Naptuhiʉ̃,
14 Patrusiʉ̃, Casluhiʉ̃, Captoriʉ̃ siɗa. Captoriʉ̃neba pilisteorãda yõsiɗaa.*
15 Caʉ̃ warra Canaaʉ̃ba idji warra iwina Sidoʉ̃da unusia. Maʉ̃are unusia Het.
16 Idjaɓa Canaaʉ̃neba yõsiɗaa jebuseorãda, amorreorãda, gergeseorãda,
17 heveorãda, araceorãda, sineorãda,
18 arvadeorãda, zemareorãda, hamateorã siɗa. Canaaʉ̃neba yõpeɗaɗaba puru zocãrã o wãsiɗaa.
19 Naãrã ãdji druara ɓasia Sidoʉ̃ puruɗeba aɓa Gaza puruɗaa idjaɓa Guerar caita biɗa. Maʉ̃ awara ãdji puru Sodomada, Gomorrada, Admada, Zeboiʉ̃da, Lasa siɗa ãdji drua daucha icawa panasiɗaa.
20 Jũma maʉ̃gʉrãra Caʉ̃neba yõsiɗaa. Ãdjirãza ãdji ẽberãrãra eroɓeasia, ãdji beɗeara quĩrã awara ɓeasia, ãdji druara awara eroɓeasia, idjaɓa ãdji puru siɗa awara eroɓeasia.
21 Seʉ̃ra Jape djaba dji nabema basía. Seʉ̃ biɗa warrarãda unusia. Hebere warrarãda jũma Seʉ̃neba yõsiɗaa.*
22 Seʉ̃neba yõpeɗaɗara naʉ̃gʉrã basía: Elaʉ̃, Asur, Arpaxa, Lud, Araʉ̃ siɗa.
23 Seʉ̃ warra Araʉ̃neba yõpeɗaɗara naʉ̃gʉrã basía: Uz, Hul, Gueter, Mas siɗa.
24 Seʉ̃ warra Arpaxaba Salada unusia. Salara Hebere zeza basía.
25 Hebereba warrarãda umé unusia. Aɓabemara trʉ̃ ɓʉsiɗaa Pele, idji ewariɗe ẽberãra druaza ãyã wãbʉrʉsiɗa bẽrã.*
Pele djabara Joctaʉ̃ basía.
26 Joctaʉ̃neba yõpeɗaɗara naʉ̃gʉrã basía: Almodad, Selep, Hazar-mavet, Jerá,
27 Adoraʉ̃, Uzal, Dicla,
28 Obal, Abimael, Sebá,
29 Opir, Havila, Jobá siɗa. Jũma maʉ̃gʉrãra Joctaʉ̃ warrarã basía.
30 Ãdjirãba birasiɗaa Mesá puruɗeba Sepa ẽjũã eyaiɗa ɓʉɗaa. Separa Mesáɗeba ʉ̃mãdau odjabariare ɓʉa.
31 Jũma maʉ̃gʉrãra Seʉ̃neba yõpeɗaɗarã basía. Ãdjirãza ãdji ẽberãrãra eroɓeasia, ãdji beɗeara quĩrã awara ɓeasia, ãdji druara awara eroɓeasia, idjaɓa ãdji puru siɗa awara eroɓeasia.
32 Jũma maʉ̃gʉrãra Noé warrarãneba yõsiɗaa. Dopapa wãnacarea ãdjirãra ãyã wãbʉrʉɗapeɗa ãdjiza druada osiɗaa. Mãwã jũma naʉ̃ ẽjũãne duanesiɗaa.
Beɗea eɗaare
^ 10:4. Rodaniʉ̃. Hebreo beɗeaɗe Dodaniʉ̃ ɓʉ́ ɓʉa.
^ 10:9. Ãcõrẽba mãwã quĩrĩãna bẽrã. Hebreo beɗeaɗe ɓʉ́ ɓʉa: “Ãcõrẽ quĩrãpita.”
^ 10:11. Mamaʉba Asiria druaɗaa wãsia. Ʉ̃cʉrʉmaarã nãwã jara ɓʉa: “Ẽberã Asur abadara mamaʉba wãsia.”
^ 10:14. Hebreo beɗeaɗe ɓʉ́ ɓʉa pilisteorãra Casluhiʉ̃neba yõsiɗada baribʉrʉ Jeremia 47:4ɗe, Amos 9:7ɗe biɗa jara ɓʉa Captoriʉ̃neba yõsiɗada.
^ 10:21. Ʉ̃cʉrʉmaarã Heberera dji naãrãbema hebreo basía.
^ 10:25. Ãyã wãbʉrʉsiɗaa. Hebreo beɗeaɗe Pele trʉ̃ba jara ɓʉa: “Ãyã wãbʉrʉpeɗaɗa.” Ʉ̃cʉrʉmaarã maʉ̃ beɗeaba jara ɓʉa “de uremiada wãsia” wa “puruɗebemada ãĩ tʉsiɗaa.”
