Genesi 36:1-40
36 Nama ɓʉ́ ɓʉa Esaúɗeba yõpeɗaɗaɗebemada. Esaúra idjaɓa Edoʉ̃ abadjiɗaa.
2 Esaúba quimada ũbea eroɓasia. Canaaʉ̃nebemada umé eroɓasia. Aɓa Adá abadjiɗaa. Adára hitita Eloʉ̃ cau basía. Dewarabemara Aholibamá basía. Aholibamára Aná cau basía; Anára heveo Zibeoʉ̃ warra basía.
3 Dewarabema quima Esaúba eroɓaɗara Ismael cau Basemá basía. Basemára Nebayo djabawẽrã basía.
4 36:4-5 Esaúra waɗibiɗa Canaaʉ̃ druaɗe ɓasiɗe warrarãda unusia. Dji quima Adába Elipada tosia. Basemába Reuelda tosia. Aholibamába Jeúda, Jaalaʉ̃da, Core siɗa tosia.
5 –
6 36:6-7 Maʉ̃ne Esaúba idji djaba Jacobo biɗa animarãra, nebia siɗa zocãrã eropanasiɗaa. Ãdjia animarãra zocãrã eropanʉ bẽrã dji ẽjũãba araẽ́ basía. Maʉ̃ bẽrã ãdjira poya ãbaa pananaẽ́ basía. Maʉ̃ carea Esaúra Jacobo umebemada ãyã wãsia dewara druaɗe ɓai carea. Idji quimarãda, warrarãda, caurãda, ẽberãrã idji deɗe eroɓʉda, idji animarãda, idjia Canaaʉ̃ne edaɗa siɗa jũma edesia.
7 –
8 Mãwã Esaú, Edoʉ̃ abadara Seír eyaiɗa ɓʉ druaɗe ɓesia.
9 Esaúɗeba Edoʉ̃ puruda yõsia. Maʉ̃ edomitarãra Seír eyaiɗa ɓʉ druaɗe duanabadjiɗaa.
10 Esaú warrarã trʉ̃ra naʉ̃gʉrãa: Elipa idjaɓa Reuel. Esaú quima Adába Elipada tosia. Esaú quima Basemába Reuelda tosia.
11 Elipaba naʉ̃ warrarãda unusia: Temaʉ̃, Omar, Zepo, Gataʉ̃, Quenaz siɗa.
12 Elipaba Timnada idji quima quĩrãca eroɓasia. Timnaba Amaleda tosia. Maʉ̃ warrarãra Adá wiuzaquerã basía.
13 Maʉ̃ne Reuelba naʉ̃ warrarãda unusia: Nahat, Zerá, Samá idjaɓa Miza. Maʉ̃ warrarãra Basemá wiuzaquerã basía.
14 Esaú quima Aholibamáda Aná cau basía, Zibeoʉ̃ ãĩzaque basía. Aholibamába naʉ̃ warrarãda Esaúa to diasia: Jeú, Jaalaʉ̃, Core siɗa.
15 36:15-16 Esaúɗeba yõna puruɗebema bororã trʉ̃da nama ɓʉ́ ɓʉa. Dji warra iwina Elipaɗeba yõna bororãda naʉ̃gʉrã basía: Temaʉ̃, Omar, Zepo, Quenaz, Core, Gataʉ̃, Amale siɗa. Ãdjirãra Edoʉ̃ druaɗe duanabadjiɗaa. Jũma ãdjirãda Esaú quima Adáɗeba yõsiɗaa.
17 Esaú warra Reuelɗeba yõpeɗaɗa bororãda naʉ̃gʉrã basía: Nahat, Zerá, Samá, Miza siɗa. Ãdjirã siɗa Edoʉ̃ druaɗe duanabadjiɗaa. Jũma ãdjirãda Esaú quima Basemáneba yõsiɗaa.
18 Esaú quima Aholibamáneba yõpeɗaɗa bororãda naʉ̃gʉrã basía: Jeú, Jaalaʉ̃, Core siɗa. Aholibamára Aná cau basía.
19 Maʉ̃ ẽberãrãra jũma Esaú, Edoʉ̃ abadaɗeba yõsiɗaa. Ãdjirãra Edoʉ̃ druaɗe ãdji ẽberãrã bororã basía.
20 36:20-21 Esaú Edoʉ̃ druaɗaa wãi naẽna horeorãda maʉ̃ druaɗe panabadjiɗaa. Maʉ̃ horeorãra Seírɗeba yõsiɗaa. Seír warrarãra naʉ̃gʉrã basía: Lotaʉ̃, Sobal, Zibeoʉ̃, Aná, Disoʉ̃, Ezer, Disaʉ̃ siɗa. Maʉ̃gʉrãra Edoʉ̃ druaɗe horeorã bororã basía.
22 Seír warra Lotaʉ̃ba unusia Hori, Hemaʉ̃ siɗa. Lotaʉ̃ djabawẽrãra Timna basía.
23 Seír warra Sobalba unusia Alvaʉ̃, Manahat, Ebal, Sepo, Onaʉ̃ siɗa.
24 Seír warra Zibeoʉ̃ba Ajada idjaɓa Aná siɗa unusia. Maʉ̃ Anába idji zeza burrora ẽjũã ewaraga ɓʉɗe ne cobi ɓasiɗe egoroɗeba baidoda ʉ̃taa bogadrʉ ɓʉda unusia.*
25 Aná warrara Disoʉ̃ basía. Dji caura Aholibamá basía.
26 Disoʉ̃ warrarãra naʉ̃gʉrã basía: Hemdaʉ̃, Esbaʉ̃, Itraʉ̃, Queraʉ̃ siɗa.
27 Seír warra Ezerba unusia Bilhaʉ̃, Zaavaʉ̃, Acaʉ̃ siɗa.
28 Seír warra Disaʉ̃ba unusia Uz, Araʉ̃ siɗa.
29 Horeorã bororãra naʉ̃gʉrã basía: Lotaʉ̃, Sobal, Zibeoʉ̃, Aná,
30 Disoʉ̃, Ezer, Disaʉ̃ siɗa. Jũma maʉ̃gʉrãra Seír druaɗe ãdji ẽberãrã bororã basía.
31 Israelerãba ãdji boro eropanani naẽna Edoʉ̃ ẽberãrã bororãra naʉ̃gʉrã basía:
32 Beor warra Belara Edoʉ̃ ẽberãrã boro basía. Idji purura Dinabá abadjiɗaa.
33 Bela beuɗacarea Zerá warra Jobáda dji boro basía. Jobára Bosra puruɗebema basía.
34 Jobá beuɗacarea Husaʉ̃da dji boro basía. Husaʉ̃ra Temaʉ̃ druaɗebema basía.
35 Husaʉ̃ beuɗacarea Bedad warra Hadada dji boro basía. Hadaba madianitarãra Moab druaɗe poyasia. Idji purura Avit abadjiɗaa.
36 Hada beuɗacarea Samlada dji boro basía. Samlara Masreca puruɗebema basía.
37 Samla beuɗacarea Saulda dji boro basía. Saulora dji do icawa ɓʉ Rehobo puruɗebema basía.*
38 Saul beuɗacarea Baal-hanaʉ̃da dji boro basía. Idjira Acbor warra basía.
39 Baal-hanaʉ̃ beuɗacarea Hadarda dji boro basía. Idji purura Pau abadjiɗaa. Hadar quimada Mehetabel abadjiɗaa. Idjira Matred cau basía idjaɓa Mezaab ãĩzaque basía.
40 36:40-43 Esaúɗeba yõpeɗaɗa bororãra naʉ̃gʉrã basía: Timna, Alva, Jetet, Aholibamá, Ela, Pinoʉ̃, Quenaz, Temaʉ̃, Mibzar, Magdiel, Iraʉ̃ siɗa. Jũma maʉ̃gʉrãra Edoʉ̃ puruɗebema bororã basía. Maʉ̃ bororãneba yõpeɗaɗarãba dji bororã trʉ̃ra ẽpẽsiɗaa. Idjaɓa ãdji ɓeaza dji bororã trʉ̃da ɓʉcuasiɗaa.
