Genesi 42:1-38
42 42:1-2 Maʉ̃ ewariɗe Jose zeza Jacobora waɗi Canaaʉ̃ druaɗe ɓabadjia. Jacoboba cawasia Egipto druaɗe trigora baraada. Maʉ̃ bẽrã idji warrarãa nãwã jarasia:
–Mʉ̃a ũrĩsia Egiptoɗe trigora baraada. ¿Cãrẽda jʉ̃ã panʉ? Jãmaa nẽdoɗe wãnadua dadjirãba coɗi carea. Mãwã dadjirãra jarrababa beuɗaẽ́a.–
2 –
3 42:3-4 Ara maʉ̃da Jose djabarãra Egiptoɗaa trigo nẽdoɗe wãsiɗaa. Jacoboba Jose djaba Benjamiʉ̃ra diabueẽ́ basía, wayaɗa bẽrã Benjamiʉ̃ra beuida. Maʉ̃ bẽrã Jose djabarãra diebe wãsiɗaa.
4 –
5 Israel warrarãra dewara ẽberãrã ume trigo nẽdoɗe wãsiɗaa, jũma Canaaʉ̃ druaɗe jarrabara zeɗa bẽrã.
6 Maʉ̃ne Josera Egipto druaɗe dji droma basía. Idjiabʉrʉ jũma druazabemarãa trigora nẽdobuebadjia. Mãwã ɓʉɗe Jose djabarãra jũẽsiɗaa. Jũẽnapeɗa Jose quĩrãpita wayaaɗeba egoroɗe ɓarru copanesiɗaa.
7 42:7-8 Joseba idji djabarã unusiɗe cawasia ãdjida mãwã panʉda baribʉrʉ adua ɓʉ quĩrãca ɓesia. Idji djabarãba idjira cawaɗaẽ́ basía. Maʉ̃ne Josera ãdji ume quĩrũ ɓʉ quĩrãca ɓeɗeasia. Iwiɗisia:
–Bãrãra ¿sãmaʉba zebʉda?–
Ãdjia panusiɗaa:
–Canaaʉ̃ druaɗeba trigo nẽdoɗe ze panʉa.–
8 –
9 Maʉ̃ne Joseba quĩrãnebasia ãdjiɗebema cãĩmocaraɗada.* Maʉ̃ bẽrã jarasia:
–¡Bãrãba dairã sãwã poyaɗi cawaya acʉɗe ze panʉa!–
10 42:10-11 Ãdjia panusiɗaa:
–¡Mãwãẽ́a, dai boro! ¡Daira maʉ̃ carea nĩnaẽ́a! Dai bʉ nezocarãra jipa ɓeaa. Daira jũmaena aɓari zezaɗebemaa. Daiba trigodrʉ nẽdoɗe ze panʉa.–
12 Joseba jarasia:
–¡Sewaa! Bãrãba dairã sãwã poyaɗi cawaya acʉɗe ze panʉa.–
13 Ãdjirãba panusiɗaa:
–Dai bʉ nezocarãra wãrãda aɓari zezaɗebemaa. Daira doce djabarã panasiɗaa. Baribʉrʉ dai djaba tẽãbemara dai zeza ume Canaaʉ̃ druaɗe ɓesia. Maʉ̃ne aɓa nẽbasia.–
14 Joseba jarasia:
–Mʉ̃a jaraɗa quĩrãca ebuɗa ɓʉa bãrãba acʉɗe ze panʉda dairã sãwã poyaɗi cawaya.
15 Baribʉrʉ mʉ̃a acʉya bãrãba jara panʉra wãrã cawaya. Dai Egiptoɗebema boro trʉ̃neba mʉ̃a wãrãneba jaraya bãrãra namabemada ẽdrʉɗaẽ́a aɓa bãrã djaba tẽãbemada namaa zebʉrʉɗaa.
16 Bãrãnebemada aɓa wãbiɗadua bãrã djaba tẽãbemada enemãrẽã. Maʉ̃misa waabemarãra nama preso panenia. Idjida zeibʉrʉ, mʉ̃a cawaya bãrãba jara panʉra wãrãda. Idjida zeẽ́bʉrʉ, dai Egiptoɗebema boro trʉ̃neba mʉ̃a wãrãneba jaraya bãrãra beɗeaɗe pananida dairã sãwã poyaɗi cawaya acʉɗe ze panʉ carea.–
17 Ara maʉ̃da Joseba ãdjira ewari ũbea preso ɓʉsia.
18 Ewari ũbea babʉrʉɗe Joseba ãdjía jarasia:
–Mʉ̃a Ãcõrẽra waya ɓʉa. Maʉ̃ bẽrã bãrãba nãwã oɗibʉrʉ, mʉ̃a beabiẽ́a.
19 Bãrãda wãrãda ẽberã jipa ɓeabʉrʉ, nama bãrãnebemada aɓa preso ɓeya. Maʉ̃ne waabemara bãrã diguiɗaa trigo diaɗe wãnadua bãrã ẽberãrãba coɗamãrẽã.
20 Baribʉrʉ bãrã djaba tẽãbemara enenadua. Mãwã mʉ̃a cawaya bãrãba jara panʉra wãrãda. Mãwã oɗaẽ́bʉrʉ, bãrãra beuɗia.–
Ãdjirãba maʉ̃ beɗeara ĩjãsiɗaa.
21 Mãwã panʉne ãdjiduɓa jara duanesiɗaa:
–Wãrãda dadji djaba Joseda biẽ́ osiɗaa. Dadjirãba unusiɗaa idji biẽ́ orãnamãrẽã dadjirãa beɗea djuburia ɓʉda. Mãwãmĩna dadjirãba ĩjãnaẽ́ basía. Maʉ̃ carea nama bia mĩga panʉa.–
22 Maʉ̃ne Rubeʉ̃ba jarasia:
–Maʉ̃ carea mʉ̃a bãrãa jarasia idjira biẽ́ orãnamãrẽã, mãwãmĩna bãrãba ĩjãnaẽ́ basía.* Idji beapeɗaɗa carea iɗibʉrʉ Ãcõrẽba dadjira cawa obʉrʉa.–
23 Maʉ̃ne Josera egiptorã beɗeaɗe ãdji ume beɗea ɓasia. Idjia jarabʉrʉra dewaraba ãdjía jarabadjia hebreo beɗeaɗe. Maʉ̃ bẽrã adua panasiɗaa ãdjia jara panʉra Joseba jũma ũrĩ ɓʉda.
24 Ãdjia biẽ́ opeɗaɗaɗebema beɗea panʉ ũrĩsiɗe Josera iduɓa ãyã wãpeɗa jĩãsia. Mãwã ɓapeɗa waya poya beɗeasia. Maʉ̃be ãdji ume beɗeaɗe wãpeɗa Simeoʉ̃da jidabisia preso ɓemãrẽã. Ara maʉ̃da ãdjia acʉ panʉne Simeoʉ̃ra jʉ̃tabisia.
25 Maʉ̃be Joseba idji nezocarãa jarasia idji djabarãba trigo nẽdopeɗaɗaba ãdji sacora biracuaɗamãrẽã. Maʉ̃ne ãdji parata siɗa waya sacoza ɓʉcuabisia. Maʉ̃ awara Joseba diabisia oɗe ne coɗamãrẽã. Ara maʉ̃da idji nezocarãba mãwã osiɗaa. Baribʉrʉ parata ãdji sacoza ɓʉpeɗaɗada Jose djabarãba adua panasiɗaa.
26 Maʉ̃be Jose djabarãba trigora ãdji burro ʉ̃rʉ̃ ɓʉcuaɗapeɗa wãbʉrʉsiɗaa.
27 Wãbʉdaɗe ota cãĩnima jũẽsiɗaa. Maʉ̃be aɓaʉba idji burro ne cobi carea saco ewabʉrʉɗe idji paratara eɗa coɓʉda unusia.
28 Dauperapeɗa idji djabarãa jarasia:
–Mʉ̃ paratara jẽda diasiɗaa. Za mʉ̃ sacoɗe eɗa coɓʉa.–
Maʉ̃ carea jũmarãda dauperasiɗaa. Ne wayaaba ure duanʉne nãwã jarasiɗaa:
–¿Cãrẽ cãrẽã Ãcõrẽba dadjira jãwã o ɓʉ?–
29 Canaaʉ̃ druaɗe ãdji zeza Jacoboma jũẽnapeɗa ãdji Egipto druaɗe sãwãpeɗaɗara jũma nẽbʉrʉsiɗaa. Nãwã jarasiɗaa:
31 Baribʉrʉ dairãba jarasiɗaa mãwã oɗi carea ze panʉẽ́da, ãtebʉrʉ ẽberã jipa ɓeada.
32 Idjaɓa jarasiɗaa dairãra aɓari zezaɗebemada doce djabarã panasiɗada. Jarasiɗaa aɓara nẽbasida, aɓara dai zeza ume Canaaʉ̃ druaɗe ɓʉda.
33 Maʉ̃ne jãʉ̃ dji dromaba dairãa jarasia:
“Nãwã cawaya bãrãra ẽberã jipa ɓeada: bãrã djabarãnebemada aɓa mʉ̃ ume amenapeɗa trigora edeɗadua bãrã ẽberãrã jarra queɗeaa cobiɗi carea.
34 Maʉ̃be bãrã djaba tẽãbemara mʉ̃maa enenadua mʉ̃a cawai carea bãrãra jipa ɓeada. Mãwã mʉ̃a cawaya bãrãba wãrãda acʉɗe zeɗaẽ́ panʉda dairã sãwã poyaɗi cawaya. Mãwã osiɗara mʉ̃a bãrã djabara jẽda diaya. Idjaɓa naʉ̃ druaɗe bãrãba quĩrĩãbʉdada poya nẽdoɗia idjaɓa nẽdobueɗia.”–
35 Mãwã nẽbʉrʉɗapeɗa ãdji saco ẽrãcuabʉdaɗe sacoza ãdji paratara eɗa coɓeada unusiɗaa. Maʉ̃ unubʉdaɗe ãdji zezara, ãdjirã siɗa bio dauperasiɗaa.
36 Maʉ̃ carea ãdji zeza Jacoboba jarasia:
–Bãrãba mʉ̃ra warra neẽ́ obʉdaa. Joseda idjaɓa Simeoʉ̃ siɗa neẽ́a. Maʉ̃ awara Benjamiʉ̃ siɗa jãmaa ede quĩrĩã panʉa. Maʉ̃neba mʉ̃drʉ bia sopua unu ɓʉa.–
37 Maʉ̃ne Rubeʉ̃ba jarasia:
–Zeza, mʉ̃a Benjamiʉ̃ra waya bʉmaa eneya. Eneẽ́bʉrʉ, mʉ̃ warrarãda umé beaida ɓʉa. Mʉ̃́a idu Benjamiʉ̃ra edebidua. Wãrãda waya jẽda eneya.–
38 Mãwã jaraɗamĩna Jacoboba jarasia:
–Mʉ̃ warrara bãrã ume diabueẽ́a. Idji djaba arara beuɗa bẽrã aɓa idjidrʉ ɓʉa. Idjida oɗe beuibʉrʉ, bãrãba mʉ̃ra sopuaba beaɗia.–
