Job 42:12-17
12 Jũma mãwãnacarea jĩrũare Ãcõrẽba Jóa idjia naãrã eroɓaɗa cãyãbara auɗuara diasia. Mãwã Joba catorce mil ovejada, sei mil cameyoda, mil umé pacada, mil burro siɗa eroɓesia.*
13 Siete warrarãda idjaɓa wẽrãcaurãda ũbea unusia.*
14 Dji nabema caura trʉ̃ ɓʉsia Jemima. Maʉ̃arebemada trʉ̃ ɓʉsia Cesia. Jĩrũarebemada trʉ̃ ɓʉsia Keren-hapuc.
15 Jũma naʉ̃ ẽjũãne wẽrãrã biya queɗeada Jo caurã quĩrãca neẽ́ basía. Joba eroɓʉɗebemada idji warrarãa jeɗecasiɗe idji caurãa biɗa aɓarica diasia.
16 Jũma mãwãnacarea Jora ciento cuarenta poa ɓasia. Maʉ̃ne unusia idji warrarãda, idji wiuzaquerãda, idji wiuzaquerã warrarãda, ãdjirã warrarã siɗa.
17 Mãwã bio waraga jaiɗaɓarisia.
