Levitico 10:1-5
10 Aaroʉ̃ warrarã Nadába, Abiu biɗa ãdji quera babada epeɗecoda edaɗapeɗa tʉbʉdauda quera siɗa maʉ̃ epeɗecoɗe ɓʉsiɗaa. Maʉ̃da Ãcõrẽba jaraɗa awara idji quĩrãpita básiɗaa.*
2 Maʉ̃ carea Ãcõrẽba tʉbʉ uruada idji ɓʉmaʉba eradrʉbisia. Maʉ̃ uruaba ãdjira bá beasia. Mãwã idji quĩrãpita beusiɗaa.
3 Maʉ̃be Moiseba Aaroʉ̃a jarasia:
–Naʉ̃ra jãwãsia Ãcõrẽba jaraɗa quĩrãca opeɗaɗaẽ́ bẽrã. Ãcõrẽba nãwã jarasia:
Mʉ̃ caita zebʉdaba mʉ̃ra waya pananida panʉa. Mʉ̃drʉ jũmarã quĩrãpita bia jaraɗida panʉa.
Maʉ̃da ũrĩpeɗa Aaroʉ̃ra chupea ɓesia.
4 Maʉ̃be Moiseba Aaroʉ̃ djabadrõã Uziel warrarã Misaelda, Elzapaʉ̃ siɗa trʉ̃peɗa jarasia:
–Zeɗadua. Bãrã ẽberãrã beupeɗaɗara Ãcõrẽ wua de caitabemada puru jĩga edeɗadua.–
5 Ara maʉ̃da zeɗapeɗa Moiseba jaraɗa quĩrãca dji beupeɗaɗara ãdji djio jʉ̃ panʉ bara puru jĩga edesiɗaa.
Beɗea eɗaare
^ 10:1 Exodo 30:7-9ɗe jara ɓʉa sãwã Ãcõrẽ quĩrãpita querada báida ɓʉda.
