Levitico 6:1-7
6 Idjaɓa Ãcõrẽba Moisea jarasia:
2 –Aɓaʉba idjia wagamãrẽã ne ɓeɗada sewaɗeba adua ɓʉaɗa aibʉrʉ, wa idjia drʉaɗada drʉaẽ́ ɓʉaɗa aibʉrʉ, wa cũrũga ɓʉɗeba djãrãneda jãrĩbʉrʉ, Ãcõrẽ quĩrãpita cadjiruada o ɓʉa.
3 Maʉ̃ awara aɓaʉba ne aduaɗada unupeɗa sewaɗeba unuẽ́ ɓʉaɗa aibʉrʉ, wa baridua maʉ̃ quĩrãca ɓeada opeɗa mẽrãibʉrʉ, Ãcõrẽ quĩrãpita cadjiruada o ɓʉa.
4 6:4-5 Bariduaba maʉ̃ cadjirua quĩrãca ɓeada oibʉrʉ, Ãcõrẽ quĩrãpita beɗeaɗe ɓaya. Maʉ̃ bẽrã idjia drʉa eroɓʉra, wa cũrũga ɓʉɗeba jãrĩ eroɓʉra, wa idjima ɓeɗa sewaɗeba jẽda diaẽ́ ɓʉra, wa djãrã ne aduaɗa mẽrã eroɓʉra, wa baridua djãrãne mẽrã eroɓʉ siɗa djibaría jẽda diaida ɓʉa. Jẽda diapeɗa maʉ̃ auɗu diaida ɓʉa.* Mãwã diaida ɓʉa idjia cadjirua oɗa carea oveja beabʉrʉ ewariɗe.
6 Maʉ̃ne idji animarãnebema oveja dji umaquĩrãda sacerdotemaa edeida ɓʉa babue diamãrẽã idjia cadjirua oɗa carea. Maʉ̃ ovejara jũma bia ɓaida ɓʉa. Dji nẽbʉara daucha ɓaida ɓʉa idjia diaida ɓʉ quĩrãca.
7 Idjia ovejara beapeɗa idji cadjirua carea sacerdoteba Ãcõrẽ quĩrãpita babue diaya. Mãwãbʉrʉ Ãcõrẽba maʉ̃ cadjiruara quĩrãdoaya.
Beɗea eɗaare
^ 6:4-5 Maʉ̃ auɗu. Hebreo beɗeaɗe ɓʉ́ ɓʉa “la quinta parte.”
