1. Mʉ̃ Zeze bʉa cawa ɓʉda.

Mʉ̃ra cãĩ ɓʉɗe, ne o ɓʉ siɗa.

Beɗeabʉrʉɗe bʉa ũrĩ ɓʉda,

mʉ̃ soɗe

bʉa waga ɓʉ ewariza.

Mʉ̃ nanaba mʉ̃́a tosiɗe,

bʉa unusia mʉ̃ra toi naẽna.

Bʉra mʉ̃ Zeze mʉ̃ra oɗa bẽrã.

Capipia ɓʉda diaɗa bẽrã

ne jũma.

Jũmarã oɗara biya quiruda,

mʉ̃ soba jãʉ̃ba bio cawa ɓʉ.

Beɗea dromara mʉ̃a erobʉrʉɗe,

careba ɓʉda mʉ̃ra isabe.

Mʉ̃mae bʉra caita ɓʉda,

bʉra mʉ̃me ãbaa ɓa quĩrĩã ɓʉ.

Jʉrʉbʉrʉɗe bʉra caita ɓaida,

bariduamae bʉa mʉ̃́a

cʉ̃ãga ɓʉ.