“Ãcõrẽra ewariza jũmarã Boroda ɓaya” (Apocalipsi 11:15, Ãcõrẽ Beɗea).

“Idjira dji droma baya idjaɓa Ãcõrẽ dji dromaara ɓʉba idji Warraaɗa aya. Ewariza ãdjirãra pe eroɓaya” (Luca 1:32, 33).

• Jãʉ̃ Boro jipa ɓʉba poya carebaida dadjirãra aɓa aɓa (Isaías 48:17, 18).

• Ẽjũã djiwiɗira dãrãéne zeida capipia panani carea, cacua caya neé ɓaida (Apocalipsi 21:3, 4).

Mãẽ, umé beɗeaɗe:

• Jesuba acʉbisi cãrẽda oida Ãcõrẽ Boroba. Idjia jaradiasia ãdji caiɗubemarãa dji idi panʉ Ãcõrẽ Boro zemãrẽã idjaɓa Ãcõrẽ quĩrĩã ɓʉra ẽjũãne oɗida (Mateo 6:9, 10). Idjaɓa acʉbisida sãwã oida wãrãda jãʉ̃ beɗeara.

  Jesura zesiɗe naʉ̃ ẽjũãne, necobicuasida jarra queɗeara, biabicuasida cacua caya queɗeara idjaɓa ʉ̃rẽbabicuasi beuɗara (Mateo 15:29-38; Juaʉ̃ 11:38-44). Idjira dji Boro bẽrã Ãcõrẽ Boroda, maʉ̃ carea poya acʉbisi dji Boroba ne bio biara ɓʉda oya ẽberãrã jipa ɓea carea (Apocalipsi 11:15).

• Naʉ̃ jãwã nũmʉ iɗi ewariɗe acʉbi ɓʉ Ãcõrẽ Borora caita ɓabʉrʉa. Jesuba jarasida Ãcõrẽ Boroba carebaida necai pananamãrẽã naʉ̃ ẽjũãne, baribʉrʉ jãʉ̃ jãwãi naẽna, naʉ̃ druara bié panani basia djõnũmʉda, jarrabada, de uremiada siɗa (Mateo 24:3, 7).

  Unu panʉ jũma beɗea dromara. Maʉ̃ bʉrʉ cawa panʉda Ãcõrẽ Boroba ara oida maãrĩ ewariɗe.