BEƊEA 10
¿Sãwã poya cawaɗida sãʉ̃gʉda dji religioʉ̃ wãrã arada?
1. ¿Aɓabe ɓʉda religioʉ̃ wãrã arada?
“Quĩrãcuita ɓeaɗadua. Ʉ̃cʉrʉba sewaɗeba Ãcõrẽneba beɗea panʉana abadaa” (MATEO 7:15).
Jesuba jaradiasida idji ẽpẽbadaraa aɓabe religioʉ̃ ɓʉda: religioʉ̃ wãrãda. Jesuba jarasida religioʉ̃ wãrã arada dji oɗe jipa quĩrãca ɓʉa (Mateo 7:14). Ãcõrẽba aɓabe bʉrʉ bia unu ɓʉda dji religioʉ̃ aɓa, jũma ĩjã ɓʉda Ãcõrẽ Beɗeaba jara ɓʉra. Critianorãba wãrãda ãbaa panʉda. Leadua Juaʉ̃ 4:23, 24; 14:6; Epeso 4:4, 5.
Acʉdua dji video ¿Ãcõrẽba bia unu ɓʉda jũma religionera?
2. ¿Cãrẽda jarasida Jesuba dji critianorã sewaida ɓeaɗe?
“Ãdjia jarabadaa Ãcõrẽra cawa panʉda, baribʉrʉ ãdjia o panʉneba unubibadaa idjira igara panʉda” (TITO 1:16).
Dãrãbʉrʉɗeda Jesuba jarasida ʉ̃cʉrʉba sewaɗeba Ãcõrẽneba beɗea panani ɓasia. Ãdjirãba jara panʉmĩna ẽpẽbadarãba Jesura, jãʉ̃ra sewada. Aɓabe ɓʉda critianorãra wãrãda ĩjã panʉda Ãcõrẽ Beɗeaba jara ɓʉra. Leadua Mateo 7:13-23.
3. ¿Cãrẽda o ɓʉda dji religioʉ̃ wãrã arada?
Acʉɗida beɗea juesuma:
-
Wayaɗida Bibliara Ãcõrẽ beɗea bẽrã. Ẽberã ĩjãbadarãba Ãcõrẽra bio ĩjã panʉda Ãcõrẽ Beɗeaba jara ɓʉra ẽberã cãyãbara (Mateo 15:7-9). Idjaɓa o panʉda jaradia panʉra. Leadua Juaʉ̃ 17:17; 2 Timoteo 3:16, 17.
-
Wayaɗida Ãcõrẽ trʉ̃ra Jeowa. Jesuba Ãcõrẽ trʉ̃da cawabisia. Jesuba jaradiasida ẽberãrã ʉ̃taa dji idi panʉne jaraɗida Ãcõrẽ trʉ̃ra bio bia quirua (Mateo 6:9, TNM). ¿Bʉra bʉmae cãrẽ religioʉ̃ Ãcõrẽ trʉ̃ra jaradia ɓʉda? Leadua Juaʉ̃ 17:26; Romano 10:13, 14.
-
Jaradia panʉ Ãcõrẽ Boroda. Jesura nama ẽjũãne ɓasiɗe jaradiasida Ãcõrẽ Boroɗebemada beubʉrʉ daucha (Luca 4:43; 8:1; 23:42, 43). Aɓabe bʉrʉ Ãcõrẽ Boroba poya careba ɓʉ bẽrã ẽberãrãra. Idjaɓa idjia jarasia dji ẽpẽbadarãba idji quĩrãca jaradiaɗi ɓasia Ãcõrẽ Boroɗebemada, ¿aɓaʉba jara ɓʉbʉrʉ Ãcõrẽ Boroɗebemada, idjira cãrẽne religioʉ̃ ɓʉda? Leadua Mateo 24:14.
-
Ãdjirãra naʉ̃ ẽjũãnebemaẽ́a. Jesu ẽpẽbadarãba politicara oɗacada idjaɓa djõnacada (Juaʉ̃ 17:16; 18:36). Idjaɓa ne cadjirua naʉ̃ ẽjũãnebemara oɗacada. Leadua Santiago 4:4.
-
Dji djabarãba bio quĩrĩã panʉda. Ãcõrẽ Beɗeaba jara ɓʉda wayaɗida jũma ẽberãrãda beɗeaẽ́da sãmaʉba zeɗida. Maʉ̃ carea religioʉ̃ wãrã arada wãnacada djõni carea, religioʉ̃ sewaida ɓea o ɓʉ quĩrãca (Miqueas 4:1-3). Maʉ̃ cãyãbara carebaɗida djãrãra quĩrĩã panʉra. Leadua Juaʉ̃ 13:34, 35; 1 Juaʉ̃ 4:20.
4. ¿Bʉmaarã sãʉ̃da religioʉ̃ wãrãda?
¿Cãrẽ religioʉ̃ o ɓʉda Bibliaba jara ɓʉra, Ãcõrẽ trʉ̃ra wayaɗida idjaɓa jaradia ɓʉda Ãcõrẽ Boroda? ¿Cãrẽ religioʉ̃ wãrã arada quĩrĩã panʉda djãrãba maʉ̃ carea djõnacada? ¿Bʉa cãrẽda quĩcha ɓʉ? Leadua 1 Juaʉ̃ 3:10-12.
