“Beuɗarãra Ãcõrẽba jũma ʉ̃rẽbabida” (Hecho 24:15, Ãcõrẽ Beɗea).

Ãcõrẽ Beɗeaba sobiabibari dadji cuaria beuɗacare (2 Corinto 1:3, 4).

Bio wayaéda beui careara (Hebreo 2:15).

Wãrãda cawaɗia jiruãbẽrã ununida dadji cuariara beuɗada (Juaʉ̃ 5:28, 29).

Mãẽ, ũbea beɗeaɗe:

• Ãcõrẽba ne jũma osia. Ãcõrẽ Beɗeaba jara ɓʉda “Idjiabʉrʉ jũma dadjirãa dia ɓʉa zocai ɓeaɗamãrẽã, ʉ̃yãbaɗamãrẽã, idjaɓa ne jũma dadjia eroɓaida ɓʉra eroɓeaɗamãrẽã” (Hecho 17:24, 25; Salmo 36:9). Idjia jãwã jãʉ̃ra oɗa bẽrã, wãya jiruãbẽrã ʉ̃rẽbaɗida.

• Ãcõrẽba naẽnaena ʉ̃rẽbabisi beuɗarãra. Ãcõrẽ Beɗeaba jara ɓʉda ocho ẽberãrã ʉ̃rẽbabisia panani carea naʉ̃ ẽjũãne, umaquĩrã wẽrã siɗa idjaɓa drõãra caibea siɗa. Ʉ̃cʉrʉra beu dogoɗapeɗa ara maʉ̃da ʉ̃rẽbasiɗaada; dewara ewari quĩmãrẽ basi beuɗara (Juaʉ̃ 11:39-44).

• Ãcõrẽba bio ʉ̃rẽbabi quĩrĩã ɓʉa. Ãcõrẽba quĩrĩãcaa beuira, idjime dji quĩrũ bẽrã (1 Corinto 15:26). Idjia dadji beuira jõbiya, maʉ̃ bʉrʉ ʉ̃rẽbabida. Idjia quĩrĩã ɓʉa beuɗa idji quĩchaɗe ɓʉra wãya jiruãbẽrã panania naʉ̃ ẽjũãne (Job 14:14, 15).