Cãrẽda poya oɗida bio cawaɗi carea naʉ̃gʉ cursoɗeba Ãcõrẽ Beɗeaɗe
Curso Ãcõrẽ Beɗeaɗe cawaɗi naẽna, leadua nama jara ɓʉra tẽãbe acʉdua VIDEODA.
DJI NABEMA
Ara oi carea beɗeaza, leadua nabema párrafoda. Dji Idiɗara (A) idjaɓa texto Ãcõrẽ Beɗeaɗe letra paimara ɓʉ́ ɓʉda (B) jara ɓʉda dji beɗea bio biara ɓʉda. Bio acʉdua sãma jara ɓʉda dji beɗea “leadua”.
DJI UMÉBEMA
Jãma jara ɓʉmae (C) Bio cawaɗida naʉ̃ beɗeaɗe jaradia ɓʉda cãrẽda unuira. Titulo zaquera (D) jara ɓʉda cãrẽda beɗeaɗira. Aɓaʉ jaradiabarime, leadua textoda Ãcõrẽ Beɗeaɗe, panudua dji idiɗara idjaɓa acʉdua dji videora.
VIDEORA naʉ̃gʉ cuadroɗe ɓʉda zocãrã videora mĩga cawai carea bʉa leaɗara. Ʉ̃cʉrʉ videoɗe dadji djabarãba wãrã arada jara panʉda ãdjia mãwãnara. Dewara acʉbi ɓʉda película quĩrãca ɓʉda, maʉ̃ bẽrã ne jũma mãwãẽ́da, aɓabe bʉrʉ unubi panʉ cãrẽda poya mãwãida.
Quĩrãcuita acʉida dibujoda idjaɓa beɗea araarebema jara ɓʉra (E), mãwãnacarea quĩchadua sãwã panuida Ẽberãrãba jara panʉra (F).
DJI ŨBEABEMA
Beɗeaza jõbʉrʉma jara ɓʉmae Jũma beɗeaɗa idjaɓa Cawaɗara (G) dji beɗea jõbʉrʉɗe ɓʉdua dji ewari. Ɓʉ́ ɓʉmae Mʉ̃a quĩrĩã ɓʉda (H) jãma jara ɓʉda beɗea biada bʉa omãrẽã. Jara ɓʉmae Cawadua mãsa (I) poya unuida awara cartara idjaɓa videora bʉ carea.
Cawaɗira naʉ̃gʉ cursoɗeba
|
|
|
|
Sãwã poya jʉrʉida texto Ãcõrẽ Beɗeaɗebemada
Bibliaba eroɓʉda 66 carta zaquera. Bibliada ẽsãrica toa ɓʉda umé: aɓa ẽsãricaɗebema ɓʉ́ ɓʉda ɓʉɗara beɗea Hebreoɗe Arameone biɗa (“Antiguo Testamento”) idjaɓa umé ẽsãricaɗebema ɓʉ́ ɓʉda ɓʉɗara beɗea Griegoɗe Critianone (“Nuevo Testamento”).
Naʉ̃gʉ cursoɗe ɓʉ́ ɓʉda texto Ãcõrẽ Beɗeada, naãrã unubadada dji libro trʉ̃da Ãcõrẽ Beɗeaɗe (A), dji nabema número waiɓʉa ɓʉda jãʉ̃gʉra dji capítulo (B), idjaɓa dji número caibea ɓʉda jãʉ̃gʉra dji versículo wa versículora (C).
Ejemploda, Juaʉ̃ 17:3 jara quĩrĩã ɓʉ dji libro trʉ̃da Juaʉ̃, dji waiɓʉa 17, dji caibea 3.
