BEƊEA 02

Ne bia jʉ̃ã panʉda Bibliaɗeba

ARIMAE EWAIDA

Naʉ̃ ẽjũã enteroɗe cadjirua mãwã panʉ bẽrã ẽberãrãba bio sopuabadada necai pananaẽ́da. ¿Bʉa aɓarica sentibarida? Eɗauɗe bʉa djuburia ɓʉda cacua biẽ́ ɓʉ bẽrã wa bʉ cuariarã beuɗa bẽrã. Maʉ̃ bʉrʉ bʉa poya idida, ¿ewari aɓaʉɗe biara ɓaida? Bibliaba jara ɓʉba sobiabibarida.

1. ¿Cãrẽ beɗea bia Bibliaba jara ɓʉda?

Bibliaba jara ɓʉda cãrẽã beɗea droma ɓʉda naʉ̃ ẽjũãne idjaɓa jara ɓʉda jãʉ̃ beɗea dromara dãrãẽ́da wa djuburiaɗaẽ́da. Bibliaba jara ɓʉda Ãcõrẽba quĩrĩã ɓʉda dadjirãra “bia pananida idjaɓa ne bia jʉ̃ãnida” (Leadua Jeremías 29:11, 12). Jãʉ̃ beɗea bia cawa ɓʉbʉrʉ beɗea droma eropanʉmĩna necai pananida, bia quĩchaɗida idjaɓa carebaɗida dãrã panani carea.

2. ¿Cãrẽda jara ɓʉda Bibliaba ewari zebʉrʉɗera mãwãida?

Bibliaba jara ɓʉda ewari zebʉrʉɗera “waa beuɗaẽ́a, jĩãnaẽ́a, aujĩãnaẽ́a, idjaɓa puara neẽ́ ɓaya” (Leadua Apocalipsi 21:4). Beɗea dromara neẽ́ ɓaida maʉ̃ carea djuburiaɗaẽ́a, ne neẽ́ queɗeara, cadjiruara, cacua biẽ́ ɓeada idjaɓa beuɗira neẽ́ pananida. Bibliaba jara ɓʉda ẽberãrãra dãrã poya pananida naʉ̃ ẽjũã quĩrãwãrẽãne.

3. ¿Cãrẽba poya carebaida ĩjãmãrẽã Bibliaba jara ɓʉra wãrã arada?

Zocãrã ẽberãrãba quĩchabadada ewari zebʉrʉɗera biaraida, baribʉrʉ ãdjirãba adua panʉda jãʉ̃ra wãrã arada. Bibliaba jara ɓʉra awara awara ɓʉda. Maʉ̃ bʉrʉ ʉ̃cʉrʉba “Ãcõrẽ Beɗeara bio quĩrãcuita acʉbadjiɗaa” (Hecho 17:11). Quĩrãcuita cawaɗibʉrʉ Bibliaba jara ɓʉra poya ĩjãnida jãʉ̃ jara ɓʉra. Biblia cawa ɓʉɗe bʉduɓa poya ĩjãida Bibliara wãrãda jara ɓʉbʉrʉ ewari zebʉrʉɗera.

BIO CAWAƊIDA NAɄ̃ BEƊEAƊE

Acʉɗida Bibliaba jara ɓʉda cãrẽ mãwãida ewari zebʉrʉɗera. Cawaɗida jãʉ̃ba sãwã careba ɓʉda dewarara.

4. Bibliaba jara ɓʉda dadjirãra jipa poya pananida nama ẽjũãne

Acʉɗida awara beɗea bia Bibliaba jara ɓʉra. ¿Sãʉ̃da mãsa quĩrĩã ɓʉda? ¿Cãrẽã?

Leadua texto Bibliaɗe araare ɓʉda jãʉ̃ beɗea biaɗe. Leaɗapeɗa jãʉ̃ texto beɗeaɗadua:

¿Bʉmaarã naʉ̃ textoba careba ɓʉda ne bia jʉ̃ãi carea? Quĩchadua bʉ cuariarã bʉ djibiarã siɗa ¿naʉ̃gʉ beɗea biaba poya carebaɗida ãdjirãa?

Bʉa quĩcha ɓʉda ewari aɓaʉɗe ẽjũã quĩrãwãrẽãne pananida:

NI AƁAɄƊE...	JŨMARÃBA...
... djuburiaɗaẽ́da, drõã ɓeaẽ́da, ni beuɗaẽ́da (Isaías 25:8).	... ununida dji cuariarãba ʉ̃rẽbaɗida naʉ̃ ẽjũãne dãrã panani carea (Juaʉ̃ 5:28, 29).
... cacua biẽ́ ɓeaɗaẽ́da (Isaías 33:24; 35:5, 6).	... ãdji cacuara ʉɓʉa ɓeaɗida cũdra quĩrãca (Job 33:25).
... jũma ariɗe ɓaida (Isaías 32:16, 17).	... zocãrã coɗira eropananida, de eroɓeaɗida idjaɓa bia trajaɗida (Salmo 72:16; Isaías 65:21, 22).
... ni aɓaʉda djuburiaɗaẽ́da djõbada bẽrã (Salmo 46:9).	... necai pananida (Salmo 37:11).
... ni aɓaʉba biẽ́ sentiɗaẽ́da naẽna mãwãna bẽrã (Isaías 65:17).	... dãrã pananida ẽjũã quĩrãwãrẽãne (Salmo 37:29).

5. Bibliaba jara ɓʉba poya careba ɓʉda bia panani carea

Zocãrã ẽberãrãba quĩrũbadada beɗea droma eropanʉ bẽrã, ʉ̃cʉrʉba ne zocãrã obadaa naʉ̃ ẽjũãne bia panani carea. Cawadua Bibliaba sãwã careba ɓʉda ẽberãrãa naʉ̃ ewariɗera bia panani carea. Acʉɗapeɗa dji VIDEODA, beɗeaɗadua.

VIDEO: Mʉ̃ra waa djõmaẽ́da ne jũma ariɗe oi carea (4:07)

Video ununa quĩrãca, ¿cãrẽã Rafika sopua ɓasida?
Idji beɗea dromara jõẽ́ ɓʉmĩna, ¿Bibliaba sãwã carebasida?

Beɗea bia Bibliaba jara ɓʉra poya carebaɗida necai panani carea idjaɓa bia quĩchaɗi carea beɗea dromara eropanʉmĩna. Leaɗapeɗa Proverbios 17:22 idjaɓa Romano 12:12, beɗeaɗadua: