BEƊEA 04
¿Caida Ãcõrẽ?
Dãrãbʉrʉɗe eɗa ẽberãrãba dji idibadjiɗaa zocãrãrã ãcõrẽa. Ãcõrẽ Beɗeaba jara ɓʉda Ãcõrẽ aɓa ɓʉda “bio biara ɓʉ bẽrã dewara ãcõrẽ cãyãbara” (2 Cronica 2:5). ¿Idjira caida? ¿Cãrẽã Idjira biara ɓʉda dewara ãcõrẽ cãyãbara? Cawadua naʉ̃ beɗeaɗe Ãcõrẽba quĩrĩã ɓʉda cawaɗida idjiɗeda.
1. ¿Sãʉ̃gʉdrʉ Ãcõrẽ trʉ̃ idjaɓa sãwã cawa panʉda idjia quĩrĩã ɓʉda cawaɗida idji trʉ̃ra?
Bibliaɗeba idjia cawabisia idjia jara ɓʉda: “Mʉ̃ra Jeowaa. Naʉ̃ mʉ̃ trʉ̃” (Leadua Isaías 42:5, 8). Naʉ̃ trʉ̃ra “Jeowa” zebʉrʉda Hebreoɗeba. Ẽjũãnebema ne cawa ɓeara jarabadada naʉ̃ trʉ̃ra Jeowa jara quĩrĩã ɓʉda “idjia mãwãbi ɓʉda idjia quĩrĩã ɓʉda”. Jeowaba quĩrĩã ɓʉda cawaɗida idji trʉ̃ra (Exodo 3:15). ¿Sãwã cawa panʉda? Idjia ɓʉbiɗa bẽrã idji trʉ̃ra ¡ɓarima 7 mil auɗu ɓʉa! a Ãcõrẽ beɗeaɗe. Zocãrã ẽberãrãba jarabadada “Ãcõrẽ” wa “Zeza” ʉ̃taa dji idi panʉne. Baribʉrʉ “Ãcõrẽ trʉ̃ ara Jeowada bajãnebema ẽjũãnebema biɗa” (Deuteronomio 4:39).
2. ¿Cãrẽda beɗea ɓʉda Ãcõrẽ Beɗeaba Jeowaɗebemada?
Bibliaba jara ɓʉda ẽberã dji idibadada zocãrãrã ãcõrẽa baribʉrʉ aɓabe Jeowadrʉ wãrã arada. ¿Cãrẽã? Ɓʉda beɗea zocãrã Jeowara jũmarã boro, aɓabe idjidrʉ “dji Dromara ɓʉda dewara ɓea cãyãbara” (Leadua Salmo 83:18). Idjira “ʉɓʉa waiɓʉa ɓʉa”, jãʉ̃gʉra jara quĩrĩã ɓʉda idjia jũma quĩrĩã ɓʉra poya oida. Idjira “dji obari” idjia ne jũmada oɗa bẽrã, idjia osia bajãda, ẽjũãda idjaɓa jũma ẽjũãnebemada (Apocalipsi 4:8, 11). Idjaɓa idjidrʉ ɓʉda naẽnabemada aɓeɗa idjaɓa aɓeɗa ɓaida (Salmo 90:2).
BIO CAWAƊIDA NAɄ̃ BEƊEAƊE
Jãʉ̃ trʉ̃ra aɓabe idjiɗeda. Acʉɗida cãrẽ ne awara ɓʉ dji trʉ̃ ara dji titulome. Cawaɗida idji trʉ̃ra sãwã cawabi ɓʉda dadjirãa idjaɓa cãrẽã idjia quĩrĩã ɓʉda cawaɗida idji trʉ̃ra.
3. Ãcõrẽra zocãrã ijara trʉ̃ jaraɗara eroɓʉda, baribʉrʉ idji trʉ̃ aɓabe araara eroɓʉda
Cawaɗi carea cãrẽã awara ɓʉda idji trʉ̃ ara cãyãbara, acʉɗapeɗa dji VIDEODA, beɗeaɗadua.
-
¿Sãʉ̃da ijara trʉ̃ jaraɗa awara ɓʉda idji trʉ̃ ara cãyãbara?
Bibliaba jara ɓʉda ẽberãrãba dji idibadada dewara ãcõrẽrã idjaɓa zocãrã bororã. Leaɗapeɗa Salmo 136:1-3, beɗeaɗadua:
-
¿Caida “Ãcõrẽ ara dewara ãcõrẽrã cãyãbara” idjaɓa caida dji “Boro ara dewara bororã cãyãbara”?
4. Jeowaba quĩrĩã ɓʉda cawaɗida idji trʉ̃ra idjaɓa jaraɗida
¿Sãwã cawa panʉda Jeowaba quĩrĩã ɓʉda bʉa cawaida idji trʉ̃ra? Acʉɗapeɗa dji VIDEODA, beɗeaɗadua.
-
Bʉmaarã, ¿cãrẽã Jeowaba quĩrĩã ɓʉda bʉa cawaida idji trʉ̃ra?
Jeowaba quĩrĩã ɓʉda jaraɗida idji trʉ̃ra. Leaɗapeɗa Romano 10:13, beɗeaɗadua:
-
¿Cãrẽ cãrẽã bio biara ɓʉda jaraɗida Jeowa trʉ̃ra?
-
¿Bʉra sãwã sentibarida trʉ̃nacare bʉ trʉ̃ araɗe?
-
Bʉmaarã, ¿Jeowara sãwã sentibarida idji trʉ̃ araɗe trʉ̃nacare?
5. Jeowaba quĩrĩã ɓʉda idjime dji biarã ɓaida
Dji wẽrãba Camboyaɗebema jarasida cawaida Ãcõrẽ trʉ̃ra “bio biara ɓʉda dewaraʉɗe cãyãbara”. Acʉɗapeɗa dji VIDEODA, beɗeaɗadua:
-
Naʉ̃gʉ video ununa quĩrãca ¿Soteʉ̃ba cãrẽda osi Ãcõrẽ trʉ̃ cawapeɗa?
Dji biarã ɓai carea ʉ̃cʉrʉ ẽberãme naãrã cawapeɗa idji trʉ̃ra. Leaɗapeɗa Santiago 4:8a, beɗeaɗadua:
-
¿Cãrẽda Jeowaba quĩrĩã ɓʉda bʉa omãrẽã?
-
¿Cawaida Ãcõrẽ trʉ̃da idjaɓa jaraida idji trʉ̃da, jãʉ̃gʉba bʉra sãwã poya carebaida ara caita ɓai carea idjime?
ẼBERÃRÃBA JARA PANɄRA: “Aɓabe ɓʉda Ãcõrẽra, beɗeaẽ́da casa trʉ̃ jarabada idjira”.
-
Bʉmaarã, ¿Ãcõrẽ trʉ̃ arada Jeowara?
-
¿Bʉa sãwã jaradiaida dewaraʉa Ãcõrẽba quĩrĩã ɓʉda jaraɗida idji trʉ̃da?
JŨMA BEƊEAƊA
Aɓabe Ãcõrẽ trʉ̃ ara Jeowadrʉ. Idjia quĩrĩã ɓʉda cawaɗapeɗa idji trʉ̃da jaraɗida, mãwãra dji biarã pananida idjime.
Cawaɗara
-
¿Cãrẽne awara ɓʉ Jeowara dewara Ãcõrẽrã sewaida ɓea cãyãbara?
-
¿Cãrẽ cãrẽã jaraɗidabara Ãcõrẽ trʉ̃da?
-
¿Jãʉ̃ba sãwã acʉbi ɓʉda dji bia ɓaida idjime?
CAWADUA MÃSA
Quĩrãcuita beɗeaɗida beɗea juesuma acʉbi panʉda wãrã arada Ãcõrẽra ɓʉda.
Cawadua cãrẽã poya ĩjãnida wãrã arada Ãcõrẽra ɓʉda.
Acʉdua cãrẽã jaraɗidabara Ãcõrẽ trʉ̃da cawaɗaẽ́ panʉmĩna sãwã jarabadjiɗaa drõãena.
¿Biara ɓʉda sãwã trʉ̃ jarabada Ãcõrẽ? Acʉdua cãrẽã jara panʉda Ãcõrẽ trʉ̃ araara eroɓʉa.
a Mĩga cawai carea cãrẽda jara quĩrĩã ɓʉ Ãcõrẽ trʉ̃ba idjaɓa cãrẽã ʉ̃cʉrʉ Bibliaɗe ɓʉẽ́da Ãcõrẽ trʉ̃ra, acʉdua Dji Apéndice A4 dji Biblia Traducción del Nuevo Mundo ɗebema.
