BEƊEA 06
¿Sãmaʉba zesida ne jũmada?
“Jũmarãda zocai panʉda bʉ carea” (Salmo 36:9). ¿Bʉa jãʉ̃ra ĩjã ɓʉda? Ʉ̃cʉrʉ ẽberãrãba jãwã quĩchabadada naʉ̃ ne jũmarã idjiduɓa zesida, idjaɓa dji obarira neẽ́da. Naʉ̃ ẽjũãra cawaẽ́ne zeɗa ɓaibʉrʉ, maʉ̃ba sãwã dadjirãra zocai panʉda. Baribʉrʉ Jeowaba ne jũmada oɗa ɓaibʉrʉ, maʉ̃ba idjia cawa ɓʉda cãrẽã dadjirãra zocai panʉda, ¿mãwãca? a. Quĩrãcuita cawaɗida Bibliaba jara ɓʉra sãmaʉba zesida ne jũmada.
1. ¿Caiba osida ẽjũãra bajã siɗa?
Ãcõrẽ beɗeaba jara ɓʉda: “Naãrãeɗa Ãcõrẽba bajãda idjaɓa naʉ̃ ẽjũãda osia” (Genesi 1:1). Ẽjũã bio cawabadarãba jarabadada ne jũmada aɓaʉba osida. ¿Ãcõrẽba cãrẽneba osida naʉ̃ ẽjũãra? Idji “jaure ʉɓʉaɗeba” ne jũmada osia naʉ̃ ẽjũãne, bajãda, jeɗecoda, ʉ̃mãdauda idjaɓa chĩdauda (Genesi 1:2).
2. ¿Cãrẽã Ãcõrẽba naʉ̃ ẽjũãra osia?
Jeowaba “naʉ̃ ẽjũãra osida ara jãwãbema cãrẽãẽ́, maʉ̃ cãyãbara idjia naʉ̃ ẽjũãra osia ẽberãrãra nama ẽjũãne pananamãrẽã” (Isaías 45:18). Idjia osi naʉ̃ ẽjũãra quĩrãwãrẽã ẽberãrãra nama bia pananamãrẽã (Leadua Isaías 40:28; 42:5). Ẽjũã bio cawabadarãba jarabadada naʉ̃ ẽjũãra bio biara ɓʉda dewara ɓea cãyãbara. Dewara ẽjũãra neẽ́da panani carea.
3. ¿Cãrẽne awara ɓʉda animarã ẽberãrãme?
Jeowaba naʉ̃ ẽjũãra opeɗa ne jũma naʉ̃ ẽjũãnebemara osia. Naãrã birabisida bacuruba ẽjũãra idjaɓa animarã biɗa. Mãwãnacare “Ãcõrẽba ẽberãda osia idji quĩrãca” (Leadua Genesi 1:27). ¿Cãrẽne awara ɓʉda animarã ẽberãrãme? Ãcõrẽba dadjirãra oɗa bẽrã idji quĩrãca maʉ̃ bʉrʉ dadjirãba poya quĩrĩãnida dewarara idjaɓa ariɗe oɗida. Idjia osida dadjirãra quĩcha cawa idjaɓa dewara beɗea cawaɗi carea. Ne jũma idjia oɗa mera quiru ununi carea idjaɓa chiru ũrĩni carea. Dadjirãra awara panʉda animarã cãyãbara maʉ̃ bʉrʉ poya ĩjã panʉda Ãcõrẽnera.
BIO CAWAƊIDA NAɄ̃ BEƊEAƊE
Acʉɗida cãrẽã wãrã arada Ãcõrẽba ne jũmada osia idjaɓa cãrẽã Bibliaɗe ɓʉ́ ɓʉra wãrã arada. Cawaɗida dadjirã ne bia eropanʉneba cãrẽda jaradia ɓʉda Ãcõrẽnebemada.
4. Jũma zocai panʉra aɓaʉba oɗada
Ẽberãrãba jaraɗida bia ɓʉaɗa aɗida ãdjia oɗara aɓari quĩrãca ɓʉda Ãcõrẽba oɗa quĩrãca. Baribʉrʉ, ¿caiabʉrʉ bia ɓʉaɗa aɗida panʉ naãrã oɗa bẽrã? Acʉɗapeɗa dji VIDEODA, beɗeaɗadua.
-
¿Cãrẽda osiɗa ẽberãrãba ununa naʉ̃ ẽjũãnebemara?
Dera dji oɗa bara ɓea. Baribʉrʉ, ¿caiba ne jũma osida naʉ̃ ẽjũãnebemara? Leaɗapeɗa Hebreo 3:4, beɗeaɗadua:
-
¿Jũma naʉ̃ ẽjũãnebemara bʉa cãrẽda bio quĩrĩã ɓʉda?
-
¿Wãrã arada poya ĩjãnida jũma naʉ̃ ẽjũãnebemara aɓaʉba osida? ¿Cãrẽã?
¿Cawa ɓasida?
Ununida mãsa cartara idjaɓa videora naʉ̃ beɗeaɗe internene jw.org trʉ̃ jara ɓʉda “¿Aɓaʉba osida?” idjaɓa “Jara panʉra sãmaʉba zebʉrʉda ne jũmarã”.dji
“Dera oɗa bara ɓeaa. Baribʉrʉ Ãcõrẽba ne jũmada osia”
5. Bibliaba jara ɓʉra ne jũmada oɗa jãʉ̃ra wãrã arada
Genesi dji waiɓʉada 1, jara ɓʉda Ãcõrẽba sãwã osida ẽjũãra idjaɓa ne jũma ẽjũãnebemada. ¿Jãʉ̃ra wãrã arada wa sewada? Acʉɗapeɗa dji VIDEODA, beɗeaɗadua.
-
¿Bibliaba jaradia ɓʉda jũma ẽjũãda bajã siɗa Ãcõrẽba osida ewari 6ɗe 24 horaɗe?
-
¿Bʉa quĩcha ɓʉda Bibliaba jara ɓʉra Ãcõrẽba oɗaɗeba jãʉ̃ra wãrã arada? ¿Cãrẽã?
Leaɗapeɗa Genesi 1:1, beɗeaɗadua:
-
Ẽjũã bio cawabadarãba jarabadada ẽjũãda bajã siɗa aɓaʉba osida. ¿Ãdjirãba jũma jaraɗara Bibliame aɓarida ɓʉ?
Ʉ̃cʉrʉba idibadada Ãcõrẽba aɓa ɓʉɗeba jũma oɗada. Leaɗapeɗa Genesi 1:21, 24, 25, 27, beɗeaɗadua:
-
¿Ãcõrẽ beɗeaba jaradia ɓʉda Ãcõrẽba aɓaʉɗeba ne jũma oɗada, ɓeda, animarã, ẽberãrã siɗa? Wa ¿Ãcõrẽba osida ne “quĩrãtanoa” ɓeda ɓeada, animarã ɓeada, i bara ɓeada? b
6. Ẽberãra awara ɓʉda dewara ɓea Ãcõrẽ oɗa cãyãbara
Dadjirãra awara ɓeada animarã cãyãbara. Leaɗapeɗa Genesi 1:26, beɗeaɗadua:
-
Ẽberãrãba mĩã djuburia unu panʉda idjaɓa bio quĩrĩã panʉda dewarara, ¿Ãcõrẽba oɗa bẽrã idji quĩrãca jãʉ̃gʉba sãwã cawabi ɓʉda sãwãbʉrʉ ɓʉda Jeowara?
ẼBERÃRÃBA JARA PANɄRA: “Bibliaba jara ɓʉra ne jũma oɗaɗeba jãʉ̃ra nẽbʉrʉɗa sewaɗebema quĩrãca ɓʉda”.
-
¿Bʉa cãrẽda quĩcha ɓʉ? ¿Cãrẽã?
JŨMA BEƊEAƊA
Jeowaba ẽjũãda bajã siɗa osia idjaɓa jũma ẽjũãnebemada bajãnebema siɗa.
Cawaɗara
-
¿Bibliaba cãrẽda jaradia ɓʉ ẽjũãra sãmaʉba zebʉrʉda idjaɓa bajã siɗa?
-
¿Ãcõrẽba aɓa ɓʉɗeba ne jũma osida? Wa ¿Ãcõrẽba osida ne quĩrãtanoa ɓeda ɓeada, animarã ɓeada idjaɓa i bara ɓeada?
-
¿Cãrẽã ẽberãra awara ɓʉda dewara ɓea oɗa cãyãbara?
CAWADUA MÃSA
Acʉdua oɗaɗebema acʉbi ɓʉda aɓa oɗara.
“¿Cãrẽ jaradia ɓʉ jãʉ̃ oɗaɗeba?” (¡Despertad!, 2006, septiembre)
Acʉdua dji zezeba sãwã jaradia ɓʉda dji warraa Ãcõrẽba oɗaɗeba.
Bio quĩchaɗida Bibliaba jara ɓʉda aɓa ɓʉɗeba ne jũmada osida.
“¿Ãcõrẽba osida jũma zocai ɓea aɓa ɓʉɗeba?” (Acʉdua internene)
Cawadua sãwã jaradia ɓʉda jãʉ̃ ɓʉwʉrʉ jou ɓʉɗeba idjaɓa ẽjũã bio cawabadarãba jara panʉra ne jũma idjiduɓa osida wa aɓaʉba osida.
Sãmaʉba zesida ne jũmada: Juesuma beɗea biara ɓʉda cawaɗi carea (folleto)
a Dji beɗea 25ɗe jara ɓʉda cãrẽã Ãcõrẽba osi naʉ̃ ẽjũãra.
b Ãcõrẽ Beɗeaɗe dji beɗea ne “quĩrãtanoa” jara quĩrĩã ɓʉda animarã zocãrãẽ́ zocai ɓeada. Baribʉrʉ, ẽjũã bio cawabadarãba jarabadada jãʉ̃ beɗea awara ɓʉda.
