Bʉa quĩchabʉrʉɗe Jeowaɗeda, ¿sãwã quĩcha ɓʉda? Ʉ̃cʉrʉ ẽberãrãba quĩchabadada Ãcõrẽra bio ʉɓʉa waiɓʉa ɓʉ bẽrã maʉ̃ carea poya beɗeaẽ́da idjime, wa quĩcha ɓʉda Ãcõrẽra bio ʉɓʉa waiɓʉa ɓʉda baribʉrʉ cawa senticada baa eradrʉbari quĩrãca ɓʉda. ¿Sãwãbʉrʉ ɓʉda Jeowara wãrã arada? Bibliaɗeba idjia jara ɓʉda sãwãbʉrʉ ɓʉda idjira idjaɓa jara ɓʉda idjia bio sopuabarida bʉ carea.

1. ¿Cãrẽã poya ununacada Ãcõrẽra?

“Ãcõrẽra jaurea” (Juaʉ̃ 4:24). Jeowa cacua dadji cacua quĩrãca ɓʉẽ́da, idjira bajãne ɓʉ bẽrã poya ununacada.

2. ¿Ãcõrẽra cãrẽ ne bia eroɓʉda?

Ununacamĩna cawaɗapeɗa idjira bio quĩrĩã ɓʉda wãrã arada ɓʉ bẽrã idjaɓa ne bia eroɓʉ bẽrã. Ãcõrẽ beɗeaba jara ɓʉda: “Jeowaba jũma ariɗe quĩrĩã ɓʉda idjaɓa igaracada dji jipa ɓeara” (Salmo 37:28). Idjaɓa jara ɓʉda “Ãcõrẽra quĩrã djuburiaiɗa ɓʉa idjaɓa quĩrĩãneba carebaya ɓʉa”, bʉra ẽberã djuburia panʉne (Santiago 5:11). “Jeowara ara caita ɓʉ bẽrã ẽberã sopua panʉne; ẽdrʉbiya djuburia pananara” (Salmo 34:18, beɗea eɗaare). ¿Bʉa cawa ɓʉa dadjirãba o panʉneba bia sentibi ɓʉda Jeowara wa poya biẽ́ sentibi ɓʉ? Ẽberã ne cadjirua o quĩrĩã ɓʉbʉrʉ biẽ́ sentibi ɓʉa Ãcõrẽra maʉ̃ bʉrʉ bio sopua ɓeida (Salmo 78:40, 41). Baribʉrʉ ẽberã ne bia o quĩrĩã ɓʉbʉrʉ bia sentibi ɓʉa (Leadua Proverbios 27:11).

3. ¿Jeowaba sãwã acʉbi ɓʉda bio quĩrĩã ɓʉda dadjirãa?

Ne bia Jeowaɗebemada bio biara ɓʉda dji quĩrĩã ɓai carea, “Ãcõrẽra cʉ̃ãga bẽrã” (1 Juaʉ̃ 4:8, TNM). Jeowaba acʉbi ɓʉda bio quĩrĩã ɓʉda dadjirãa Bibliaɗeba idjaɓa idjia jũma oɗaɗeba (Leadua Hecho 14:17). Ne jara ɓʉ quĩrãca, quĩchadua idjia sãwã osia ẽberãa. Ne zocãrã poya ununida, mera quiru chiru poya ũrĩni carea idjaɓa coɗira wuarra ɓʉda ne coɗi carea. Idjia quĩrĩã ɓʉda dadjirãra ɓʉsriɗa pananida.

 BIO CAWAƊIDA NAɄ̃ BEƊEAƊE

5. Jeowara ne bia eroɓʉda dadjirãra idjime caita panana quĩrĩã panʉ bẽrã

Moiseba jipa ĩjã ɓasida Ãcõrẽnera baribʉrʉ idjia bio cawa quĩrĩã ɓasida idji oɗara. Maʉ̃ bʉrʉ Moiseba jarasida: “Mãwã mʉ̃a bʉra biara cawaya idjaɓa bʉa mʉ̃ra bia unu ɓeya” (Exodo 33:13). Jeowaba panusia ne zocãrã ne bia eroɓʉɗeba. Leaɗapeɗa Exodo 34:4-6, beɗeaɗadua:

• ¿Sãʉ̃gʉ ne biara ɓʉda jarasida Moisea?

• ¿Sãʉ̃gʉ ne biara ɓʉda bʉa quĩrĩã ɓʉda?

 JŨMA BEƊEAƊA

Jeowara jaure bẽrã maʉ̃ bʉrʉ dadjirãba poya ununacada. Idjira ne zocãrã bia eroɓʉda, ejemploda idjia bio cʉ̃ãga ɓʉda.

Cawaɗara

• ¿Cãrẽã poya ununacada Jeowara?

• ¿Cãrẽda maʉ̃ Ãcõrẽ jaure?

• ¿Jeowara cãrẽ ne bia eroɓʉda?