Jeowaba quĩrĩã ɓʉa bio cawaida idjira. ¿Cãrẽã? Idjia quĩrĩã ɓʉ bẽrã bʉra idjime dji bia ɓai carea, bʉa bio cawa ɓʉbʉrʉ idjira sãwãbʉrʉ ɓʉda, idjia o ɓʉra idjaɓa idjia quĩrĩã ɓʉra bʉ carea. Baribʉrʉ, ¿wãrã arada bʉra idjime poya dji bia ɓaida? (Leadua Salmo 25:14). ¿Bʉa cãrẽda poya oibara dji bia ɓai carea idjime? Ãcõrẽ beɗeaba panu ɓʉda jãʉ̃ idi ɓʉda idjaɓa jara ɓʉda cãrẽã idji bia ɓaida Ãcõrẽme bio biara ɓʉda dewara ɓea cãyãbara.

1. ¿Cãrẽ jara ɓʉda Jeowaba bʉa idjime dji bia ɓai carea?

“Ãcõrẽ caita zeɗadua, mãwãra idjira bãrã caita zeya” (Santiago 4:8). ¿Cãrẽda jara quĩrĩã ɓʉ jãʉ̃ beɗeaba? Jeowaba quĩrĩã ɓʉda bʉra idjime dji bia ɓaida. Ʉ̃cʉrʉba jarabadada dji biarã Ãcõrẽme poya pananaẽ́da ununaca bẽrã. Baribʉrʉ Bibliaɗeba idjia jara ɓʉda idjira sãwãbʉrʉ ɓʉda dadjirãba poya ara caita panani carea idjime. Dadjirãba Ãcõrẽ beɗea lea panʉne idjia jaraɗara dadjirãra poya dji biarã pananida idjime ununacamĩna.

2. ¿Cãrẽã Jeowara dji bia bio biara ɓʉda dewara dji bia cãyãbara?

Ni aɓaʉba quĩrĩã ɓʉẽ́da maʉ̃ cãyãbara Jeowaba mãsa quĩrĩã ɓʉda. Idjia quĩrĩã ɓʉda bʉra ɓʉsriɗa ɓaida idjaɓa ne cadjirua mãwã panʉne idjia quĩrĩã ɓʉda bʉa jʉrʉida idjira. Ãcõrẽ Beɗeaba jara ɓʉda: “Bãrãba jũmawãyã crĩcha panʉra Ãcõrẽa jũma jaraɗadua, idjia bãrãra waga ɓʉ bẽrã” (1 Pedro 5:7). Jeowaba ewariza careba quĩrĩã ɓʉda, sobiabi quĩrĩã ɓʉda idjaɓa ũrĩ quĩrĩã ɓʉda dji biarãa (Leadua Salmo 94:18, 19).

3. ¿Jeowaba cãrẽã quĩrĩã ɓʉda dji biarã oɗamãrẽã?

Jeowaba jũmarãda bio quĩrĩã ɓʉa, “baribʉrʉ ẽberã jipa ɓearame dji biarã ɓaida” (Proverbios 3:32). Jeowaba quĩrĩã ɓʉda dji biarã ne bia oɗida idjia quĩrĩã ɓʉ quĩrãca idjaɓa ocada idjia quĩrĩãcara. Ʉ̃cʉrʉba jarabadada poya ĩjãnacada Ãcõrẽba jara ɓʉra. Jũmarã sora idjia cawa ɓʉa maʉ̃ bʉrʉ ẽberã ĩjã quĩrĩã panʉbʉrʉ, idjia bia unu ɓʉda (Salmo 147:11; Hecho 10:34, 35).

 BIO CAWAƊIDA NAɄ̃ BEƊEAƊE

4. Jeowara Abrahaʉ̃me dji bia ɓasida

Ãcõrẽ beɗeaba jara ɓʉda Abrahaʉ̃ba oɗara (Abraʉ̃ abadjiɗaa siɗa) acʉbi ɓʉda cãrẽda oɗida panʉ dadjirãba dji biarã panani carea Ãcõrẽme. Leaɗapeɗa Genesi 12:1-4 Abrahaʉ̃nebemada, beɗeaɗadua:

• ¿Cãrẽda idisia Jeowaba Abrahaʉ̃ra?

• ¿Cãrẽda jarasida Jeowaba idjira?

• ¿Cãrẽda obadjida Abrahaʉ̃ba ũrĩpeɗa Jeowaɗera?

5. Jeowaba idiɗara dji biarãa

Quĩrĩã panʉda dewararãba oɗamãrẽã dadjirã carea.

• ¿Bʉa cãrẽda quĩrĩã ɓʉ bʉ dji biaɗeda?

Leaɗapeɗa 1 Juaʉ̃ 5:3, beɗeaɗadua:

• ¿Jeowaba cãrẽda quĩrĩã ɓʉ idji dji biaɗeda?

Ĩjãni carea Jeowara ne cadjirua igaraɗida panʉa. Leaɗapeɗa Isaías 48:17, 18, beɗeaɗadua:

• ¿Cãrẽã Jeowaba quĩrĩã ɓʉda dji biarã ne cadjirua igaraɗida?

 6. Jeowaba o ɓʉra dji biarã cãrẽã

 JŨMA BEƊEAƊA

Jeowaba quĩrĩã ɓʉda idjime dji bia ɓaida idjaɓa idjia jara ɓʉda bʉa cãrẽ poya oida.

Cawaɗara

• ¿Jeowaba sãwã careba ɓʉda dji biarãa?

• ¿Cãrẽ cãrẽã Jeowaba jara ɓʉda dji biarã awara panenida?

• Bʉmaarã, ¿Jeowaba idi ɓʉra zarea ɓʉda ĩjãi carea? ¿Cãrẽ cãrẽã jãwã quĩcha ɓʉda?