BEƊEA 11

Sãwãbʉrʉ biara cawaɗida Bibliaɗebemada

ARIMAE EWAIDA

¿Eɗauɗe quĩchabarida ne zocãrã oida, maʉ̃ba sopuabarida ne jũma oi carea maãrĩ maãrĩã oida? Ara maʉ̃ quĩrãca poya mãwãida Bibliada, lea quĩrĩã ɓʉbʉrʉ jãʉ̃ carta waiɓʉada cawaẽ́da sãmaareba lea acʉida. Naʉ̃ beɗeaɗe acʉɗida sãwã poya oɗida leaɗi carea Ãcõrẽ Beɗeaɗe idjaɓa ɓʉsriɗa panani carea lea panʉne Bibliada.

1. ¿Cãrẽ cãrẽã biara ɓʉda leaɗida Bibliara ewariza?

Ẽberãba lea ɓʉbʉrʉ “Jeowa leyɗe” Ãcõrẽ Beɗeaɗe capipia ɓaida (Leadua Salmo 1:1-3). Bʉa Biblia poya lea acʉida maãrĩ ewariza, bio cawa ɓʉbʉrʉ mãsa capipia ɓaida.

2. ¿Bʉa cãrẽda oibara ɓʉ Bibliaba carebamãrẽã?

Ãcõrẽ Beɗeaba bio carebamãrẽã dadjirãba bio quĩchaɗida panʉ jũma lea ɓaɗara Ãcõrẽ Beɗeaɗe. Bibliara aɓabe leaiẽ́dabemaẽ́da, maʉ̃ cãyãbara leapeɗa bio quĩchaida Bibliaɗe, leaɗacare “bio crĩcha ɓadua” (Josue 1:8, beɗea eɗaare). Lea ɓʉɗe Ãcõrẽ Beɗeara bʉduɓa ididua: Za ɓʉ beɗeaba ¿cãrẽda jaradia ɓʉda Jeowaɗebemada? ¿Mʉ̃a sãwã poya oida nama jara ɓʉra? ¿Naʉ̃gʉ beɗeaɗeba sãwã poya carebaida dewararã?

3. ¿Sãʉ̃be poya leaida Ãcõrẽ Beɗeara ʉ̃nãũi neẽ́ ɓʉbʉrʉ?

Bʉmaarã, ¿zarea ɓʉda leai carea Bibliara? Ʉ̃cʉrʉmaarã zarea ɓʉda. “Poya obʉdaza bia oɗadua” (Epeso 5:16). Bʉa poya leaida Bibliara baridua ewariɗe. Ʉ̃cʉrʉba leaɗida Bibliara ãsa nũmʉne, quewara, diapeɗe wa diamasi cãĩ naẽna. ¿Sãʉ̃da bʉmaarã biara ɓʉ?

BIO CAWAƊIDA NAɄ̃ BEƊEAƊE

Acʉɗida cãrẽda poya oɗi lea panʉne Bibliara bia sentiɗi carea. Nama cawaɗida ne zocãrã oɗi carea, ɓʉsriɗa panani carea lea panʉne Bibliara idjaɓa estudia panʉne naʉ̃ cursoɗeba.

Dadjia quĩrĩã coɗida naẽna coca ɓaɗada pĩãca pĩãca co acʉɗida, ara maʉ̃ quĩrãca ɓʉda quĩrĩãnida leaɗi carea Bibliara naẽna lea quĩrĩãnaca ɓaɗamĩna.

4. Capipia ɓadua Bibliara lea ɓʉɗe

Eɗauɗe zarea ɓʉmĩna leai carea Bibliara. Ejemploda, naãrã paɗada coibʉrʉ wuarraẽ́ ɓʉda, baribʉrʉ bio co acʉibʉrʉ wuarra ɓʉda. Ara maʉ̃ quĩrãca “maãrĩ maãrĩ bʉa lea quĩrĩã ɓaida” Bibliara. Leaɗapeɗa 1 Pedro 2:2, beɗeaɗadua:

Bʉmaarã, ¿bʉa leaibʉrʉ Ãcõrẽ Beɗea ewariza mĩga lea quĩrĩã ɓʉca?

Acʉɗapeɗa dji VIDEODA cawaɗi carea cũdrarãba cãrẽda osiɗada ɓʉsriɗa panani carea Ãcõrẽ Beɗea lea panʉne. Mãwãnacarea beɗeaɗadua.

VIDEO: Cũdrarãba bio quĩrĩã panʉda Ãcõrẽ Beɗeara (5:33)

¿Cãrẽ cãrẽã ãdjirã itea zarea ɓasida Ãcõrẽ Beɗea leaɗira?
¿Cãrẽba carebasida ãdjirãra sẽrãnamãrẽã?
¿Cãrẽda osiɗada ɓʉsriɗa panani carea lea panʉne Bibliara?

Cãrẽda poya oi:

Jʉrʉdua Bibliara ebuɗa jaradia ɓʉda. Maʉ̃ne jaraɗida dji Traducción del Nuevo Mundo bʉ beɗeaɗe ɓʉbʉrʉ poya leaida.
Leadua dji Bibliaɗebema carta bʉa mãsa quĩrĩã ɓʉda. Poya unuida cãrẽda oida leai carea Bibliara dji tablaɗeba “Ara maʉ̃da leaida Bibliara”.
Ɓʉdua bʉa lea ɓʉra. Poya ɓʉida jãma jara ɓʉmae “Mʉ̃ leaɗara Ãcõrẽ Beɗeaɗe” naʉ̃ cartaɗe ɓʉda.
Dji aplicación JW Library^® ɗeba. Bʉ celularɗe bʉa descargaibʉrʉ Ãcõrẽ Beɗea poya leaida idjaɓa poya ũrĩda.
Bʉa poya cawaida dji Apéndiceɗeba Traducción del Nuevo Mundo ɗebemada. Jãma poya unuida mapara, tablara idjaɓa cãrẽda jara quĩrĩã ɓʉda beɗea aɓaʉɗe.

5. Ara odua estudiai naẽna Bibliara

Leaɗapeɗa Salmo 119:34, beɗeaɗadua:

¿Cãrẽ cãrẽã biara ɓʉda ʉ̃taa dji idida leai naẽna Ãcõrẽ Beɗea idjaɓa ara oi naẽna Biblia estudiai carea?

¿Cãrẽda poya oida jũma estudiaɗara carebai carea bʉra? Naʉ̃gʉ beɗeara estudiabʉrʉɗe odua araarebema jara ɓʉra:

Leadua jũma párrafo naʉ̃ cartaɗe dji nabema beɗea.
Jʉrʉdua jũma texto Ãcõrẽ Beɗeaɗe, leadua idjaɓa quĩchadua cãrẽda jara quĩrĩã ɓʉ.
Wiubaridua dji beɗeara panui carea dji idi ɓʉra; naʉ̃gʉba carebaida estudiai carea bʉ jaradiabarime.

¿Cawa ɓasida?

Beɗea ɓeara Jeowaɗebemarãba zocãrã Bibliaɗeba cawasiɗada. Baribʉrʉ naʉ̃ ewariɗera acʉ panʉda dji Traducción del Nuevo Mundo ɗebema wãrãda jara ɓʉ bẽrã, ebuɗa jara ɓʉ bẽrã idjaɓa Ãcõrẽ trʉ̃ra ɓʉ bẽrã. Acʉdua naʉ̃ beɗea interneneba jw.org ɗe “¿Beɗea ɓeara Jeowaɗebemarãba eropanʉda ãdjiɗearada Bibliara?”

ẼBERÃRÃBA JARA PANɄRA: “Mʉ̃maarã Biblia cawaira bio zarea ɓʉda. Ʉ̃nãũi neẽ́ ɓʉda idjaɓa quĩrĩãẽ́ ɓʉda”.

¿Bʉa cãrẽda quĩcha ɓʉ?

JŨMA BEƊEAƊA

Mĩga cawai carea Bibliaba jara ɓʉra quĩchadua sãʉ̃be poya leaida. Ʉ̃taa dji idida Ãcõrẽa carebai carea, bio cawai carea idjaɓa ara odua estudiai naẽna.