Jũmarãba eropanana quĩrĩã panʉda dji biarã cadjirua oɗaẽ́ panʉda, ara maʉ̃ quĩrãca Jeowaba eroɓa quĩrĩã ɓʉda dji biarã ne cadjirua oɗa amaaba. Baribʉrʉ jũmarãba cadjiruara o panʉda naʉ̃ ẽjũãra bio cadjiruara nũmʉ bẽrã, maʉ̃ carea zarea ɓʉda ne bia oɗi carea. ¿Cãrẽã biara ɓʉda cadjirua oɗaẽ́da? ¿Cãrẽ ne biada eroɓaida ne cadjirua oẽ́ ɓʉba?

1. ¿Cãrẽã biara ɓʉda ne cadjirua oɗa amaaba?

Dadjirãba cadjirua oɗaẽ́ɗe, biara ɓʉda acʉbiɗi carea Jeowaa wãrãda dadjirãba quĩrĩã panʉda idjira idjaɓa wãrãda waya panʉda. Jeowaba dadji oɗara unu ɓʉda idjaɓa dadji quĩcha siɗa (Hebreo 4:13). Dadjirãba ne cadjirua oɗaẽ́ panʉbʉrʉ idjia bia unu ɓʉda jãʉ̃ra dadjirãba quĩrĩã panʉ bẽrã. Ãcõrẽ Beɗeaba jara ɓʉ: “Jeowaba quĩrãma ɓʉda ẽberã bio cadjirua ɓʉ, baribʉrʉ jipa ɓearame dji biarã ɓaida” (Proverbios 3:32).

2. ¿Nurẽmaza cãrẽã dadjirãba ne cadjiruara oɗiẽ́ panʉda?

Jũma oida dadji Ãcõrẽba quĩrĩã ɓʉra, jãʉ̃ra jara quĩrĩã ɓʉda “dadjia wãrãda jaraɗida dewarara” (Zacarías 8:16, 17). ¿Jãʉ̃ beɗea cãrẽda jara quĩrĩã ɓʉda? Jãʉ̃ra jara quĩrĩã ɓʉda dadjirãba sewa jaraẽ́da dadji cuariara, dadji djabarãra, dadji dji biarãa idjaɓa dji borora naʉ̃ ẽjũãnebema siɗa. Ẽberã jipa ɓʉa ẽberã awarara sewa jaracada, maʉ̃ cãyãbara wãrãda jarabarida (Leadua Proverbios 24:28 idjaɓa Epeso 4:28). Idjaɓa ẽberãrã jipa ɓeara parata dia panʉda dji boro naʉ̃ ẽjũãnebema pagai carea idji debe, wa impuesto pagai carea (Romano 13:5-7). Maʉ̃ bʉrʉ dadjirãba “cadjiruara oɗaẽ́ panʉda” (Hebreo 13:18).

3. Wãrãda ne cadjirua oɗaẽ́ panʉbʉrʉ ¿sãmasa wãida?

Dadjirãba ne cadjirua oɗaẽ́ panʉbʉrʉ, dewaraʉba ĩjãnida dadji beɗeara. Dadji djabarãme necai quĩchaɗida idjaɓa poya ĩjãnida dadjirãya, dadji cuariara quĩrãca pananida. Dadji quĩchara necai ɓaida. Maʉ̃ bʉrʉ ne cadjiruara oɗaẽ́ panʉbʉrʉ “mãwãra ẽberãrãba cawaɗia Ãcõrẽ dadji Ẽdrʉ Edabari beɗeara bio bia ɓʉda”, idjaɓa jãʉ̃gʉba poya carebaida dewarara ĩjã quĩrĩã pananida Jeowara (Tito 2:10).

 BIO CAWAƊIDA NAɄ̃ BEƊEAƊE

5. Ewariza biara oɗida

 6. Ne cadjirua oɗa amaaba mãwãra bia wãnida

Eɗauɗe ne cadjirua oẽ́ ɓʉɗe beɗea dromara jũẽbarida, baribʉrʉ ne cadjirua oɗaẽ́ panʉbʉrʉ bia ɓʉa. Leaɗapeɗa Salmo 34:12-16, beɗeaɗadua:

• Ne cadjiruara oɗaẽ́ panʉbʉrʉ, ¿sãwã carebaida dadjirã?

1. Mĩã cãĩnarãba ne cadjiruara oɗaẽ́ panʉbʉrʉ bia pananida

2. Trajabadarãba ne cadjiruara oɗaẽ́ panʉbʉrʉ djibarirãba bia ununida

3. Ẽberãrãba ne cadjiruara oɗaẽ́ panʉbʉrʉ ẽberãrã boroba bia ununida

 JŨMA BEƊEAƊA

Jeowaba quĩrĩã ɓʉda idji biarã ne bia oɗida idjaɓa ne cadjiruara jaraɗaẽ́da.

Cawaɗara

• ¿Sãʉ̃be ne cadjiruara oɗaẽ́bara?

• ¿Cãrẽ cãrẽã biẽ́ ɓʉda mĩrũida ne cadjiruara obʉrʉɗe?

• Bʉmaarã, ¿cãrẽã biara ɓʉda ne cadjiruara ocada?