BEƊEA 40
¿Cãrẽda oɗida mititiaẽ́ ɓai carea Ãcõrẽba quĩrĩã ɓʉ quĩrãca?
Quĩchadua nana bia bara dji wãwãra bio quĩrãcuita acʉbarida ecuelaɗaa wãi naẽna. Idjia dji wãwãra quĩrãcuita acʉbarida idjaɓa cuebarida. Quĩrãcuita acʉbarida idji wãwãra memeaẽ́ queramãrẽã. Jãʉ̃gʉra bio bia ɓʉda idjaɓa acʉbi ɓʉda dewarara djibarirãba bio sopuabadada dji warra carea. Jeowara dadji zeze quĩrãca ɓʉda, maʉ̃ carea idjia quĩrĩã ɓʉda dadjirãra mititia pananaẽ́da dadjirã quĩcha siɗa. Dadjirãra mititiaẽ́ panʉbʉrʉ biara ɓʉda dadjirã carea idjaɓa bio biya beɗeabadada Jeowaɗera.
1. ¿Sãwã mititia ɓaẽ́da dadjirã cacuara?
Jeowaba jara ɓʉ: “Jipa ɓeaɗadua” (1 Pedro 1:16). Jipa ɓai carea dadji cacuara mititiaẽ́ ɓaida ɓʉ idjaɓa quĩchaɗaiẽ́da panʉ. Mititiaẽ́ panani carea dadjirãra ewariza cuiɗibara, dadjirã de siɗa biya ima eroɓeaɗida, dadjirã carroda, moto siɗa mititiaẽ́ eropananida. Ãbaa jʉrebadamaera ne jarra ãyã ɓatabueida idjaɓa careba sʉgʉɗida. Dadjirãba jipa pananibʉrʉ, dewararãba biya beɗeaɗida Jeowaɗeda (2 Corinto 6:3, 4).
2. ¿Cãrẽda oɗaiẽ́da jipa ɓai carea?
Ãcõrẽ Beɗeaba jara ɓʉ: “naʉ̃ cacuaba cadjirua obarira, dadji crĩchaɗeba obari siɗa jũma igaraɗida panʉa” (2 Corinto 7:1). Maʉ̃ bʉrʉ dadjirãba bio wagaɗida dadji cacuara, quĩcha siɗa ne cadjirua oɗaẽ́ carea. Capipiabi ɓai carea Jeowara, dadji quĩchara bio quĩrãcuita eropananida idjaɓa quĩcha cadjiruada zeibʉrʉ aɓeɗa igaraɗida (Salmo 104:34). Quĩrãcuita beɗeaɗida beɗea cadjirua jaraɗa amaaba (Leadua Colosa 3:8).
¿Cãrẽda poya mititia ɓaida dadji cacuaɗe idjaɓa dadji quĩcha siɗa? Ʉ̃cʉrʉ ne cadjiruaba poya ãrĩda dadji cacuara. Maʉ̃ carea dadjirãba cigarrillo, coca, chirua cadjiruada, nẽãrã zocãrã doɗacada capipia panani carea. Jãʉ̃ jãwã o panʉbʉrʉ bio waga panʉda dadji cacua idjaɓa bia ɓʉaɗa aɗida panʉa Jeowaa dadjía oɗa bẽrã. Ne cadjirua orãnamãrẽã pornografía a acʉɗacada idjaɓa masturbación b oɗacada (Salmo 119:37; Epeso 5:5). Zarea ɓʉmĩna, jũma ne cadjirua igaraɗi carea Jeowaba poya carebaida (Leadua Isaías 41:13).
BIO CAWAƊIDA NAɄ̃ BEƊEAƊE
Acʉɗida dadjirãba mititiaẽ́ panʉbʉrʉ jãʉ̃gʉba sãwã careba ɓʉda ẽberãrãba biya beɗeaɗi carea Jeowaɗebemada idjaɓa cãrẽda poya oɗida ne cadjirua igaraɗi carea.
3. Mititiaẽ́ panʉbʉrʉ ẽberãrãba bia beɗeaɗida Jeowaɗebemada
Lea panʉbʉrʉ Ãcõrẽ Beɗeaɗe Jeowaba diaɗa ley puru Israelɗebemara cawaɗida mititia ɓeaẽ́da, Jeowamaarã jãʉ̃ra bio biara ɓʉda. Leaɗapeɗa Exodo 19:10 idjaɓa 30:17-19, beɗeaɗadua:
-
Naʉ̃gʉ textoba, ¿cãrẽda jaradia ɓʉda Jeowaba quĩcha ɓʉra jũma mititiaẽ́ ɓai carea?
-
¿Cãrẽda oɗibara panʉda mititiaba amaaba?
Jũma mititiaẽ́ ɓai carea esfuerzo oɗida panʉa. Jũmarãra poya oɗida beɗeaẽ́da parata bara ɓeada wa ne neẽ́ queɗeara. Acʉɗapeɗa dji VIDEODA, beɗeadua.
-
Jaradia panʉne Ãcõrẽ Beɗeaɗe ẽberãrã unu panʉda dadjirãra mititiaẽ́ panʉda, ¿jãʉ̃gʉba sãwã poya careba ɓʉda ẽberãrãba wayaɗi carea Jeowaa? ¿Cãrẽ cãrẽã?
4. Ne cadjiruara igaraɗadua
Jeowaba poya carebaida ne jũma cadjiruara igaraɗi carea
Bʉa cigarrillo doibʉrʉ, nẽãrã zocãrã doibʉrʉ capipia ɓamãrẽã wa chirua cadjirua doibʉrʉ, bʉa cawa ɓʉda jãʉ̃gʉ amei carea bio zarea ɓʉda. Ne cadjirua igarai carea bʉa poya quĩchaida jãʉ̃gʉba sãwã ãrĩ ɓʉda bʉra. Leaɗapeɗa Mateo 22:37-39, beɗeaɗadua cigarrilloda idjaɓa chirua cadjiruada jãʉ̃gʉba sãwã ãrĩ ɓʉda...
-
... bʉra Jeowame dji bia ɓai carea.
-
... bʉ cuariara idjaɓa dewara siɗa.
Quĩchadua sãwã idu ɓʉida ne cadjiruara. c Acʉɗadua dji VIDEODA.
Leaɗapeɗa Pilipo 4:13, beɗeaɗadua:
-
Ʉ̃taa dji idiɗida, Ãcõrẽ Beɗeaɗe cawaɗida idjaɓa ãbaa jʉreɗida, ¿poya carebaida ẽberãra ne cadjirua igarai carea? ¿Carea jãwã quĩcha ɓʉ?
5. Esfuerzo odua ne cadjirua o amaaba idjaɓa quĩcha cadjirua o amaaba
Leaɗapeɗa Colosa 3:5, beɗeaɗadua:
-
¿Sãwã cawa panʉda Ãcõrẽba biaẽ́ unu ɓʉda ẽberã ãcaɗa nũmea ununara, ẽberãduɓa cadjirua obʉrʉɗe idjaɓa mensajeɗeba diabue ɓʉda poto cadjirua idjaɓa beɗea cadjirua?
-
Bʉmaarã, ¿Jeowaba jara ɓʉra dadjirãra jipa panani carea bia ɓʉda? ¿Cãrẽ cãrẽã?
Cawadua cãrẽda poya oida ne cadjiruara igarai carea. Acʉɗadua dji VIDEODA.
Jesuba jaradia ɓʉda ejemploɗeba dadjirãba cãrẽda oɗida panʉda jipa panani carea. Leaɗapeɗa Mateo 5:29, 30, beɗeaɗadua:
-
Jãʉ̃gʉ beɗeaɗe Jesuba jaraẽ́ basida ara dadjiduɓa ne cadjirua oɗida, maʉ̃ cãyãbara idjia jara quĩrĩã ɓasida zarea ɓʉmĩna, dadjirãba esfuerzo oɗida ne biada oɗi carea. ¿Cãrẽda oɗida panʉ quĩcha cadjiruara igaraɗi carea? d
Bʉa ara naʉ̃da esfuerzo o ɓʉbʉrʉ cadjiruara igaramãrẽã poya cawaida Jeowaba careba ɓʉda idjaɓa bia unu ɓʉda bʉa o ɓʉra. Leaɗapeɗa Salmo 103:13, 14, beɗeaɗadua:
-
Ara naʉ̃da bʉa ne cadjirua igara quĩrĩã ɓʉbʉrʉ, ¿bʉa quĩcha ɓʉda naʉ̃gʉ textoba poya carebaida bʉra bia oi carea? ¿Cãrẽ carea?
¡Sẽrãdua! wãya ne cadjirua o ɓʉmĩna jãʉ̃ra jãwã jara quĩrĩẽ́ ɓʉda poya oẽ́da
Jãʉ̃ra mãwã ɓʉɗe bʉa poya quĩchaida “wãya cadjirua osida; poya idu ɓʉẽ́da”. Baribʉrʉ quĩchadua, aɓa pirabarida ɓaebʉrʉɗe poya quĩchaẽ́da idjira aduasida jãʉ̃ pirabarira idjaɓa quĩchaẽ́da jãʉ̃gʉba jiruãbẽrãẽ́da. Ara maʉ̃ quĩrãca bʉa cadjirua wãya obʉrʉmĩna, jãʉ̃ra jãwã jara quĩrĩãẽ́ ɓʉa bʉa poya oẽ́da. Quĩchadua bʉa ne zocãrã o ɓʉda jãʉ̃ cadjiruara igaramãrẽã. Bʉa esfuerzo o ɓʉmĩna, eɗauɗe wãya cadjirua poya oida, jãʉ̃gʉra beɗeaẽ́da. Maʉ̃ bẽrã sẽrãdua Jeowaba poya carebaida bʉra ne jũma cadjiruara igarai carea.
ẼBERÃRÃBA JARA PANɄRA: “Dãrãbʉrʉɗe eɗa mʉ̃a o ɓʉda, mʉ̃maarã jãʉ̃gʉra zarea ɓʉda igarai carea”.
-
¿Cãrẽ texto Ãcõrẽ Beɗeaba poya carebaida acʉbi carea jãʉ̃ ẽberãda Jeowaba poya carebaida ne baridua cadjiruara igarai carea?
JŨMA BEƊEAƊA
Dadjirãba bio capipiabibadada Jeowara dadji cacua mititiaẽ́ panʉbʉrʉ, dadji quĩcha jipa panʉbʉrʉ idjaɓa ne bia o panʉbʉrʉ.
Cawaɗara
-
¿Cãrẽ cãrẽã bio biara ɓʉda dadji cacua mititiaẽ́ ɓai carea?
-
¿Cãrẽda oɗida panʉ dadji cacuara mititiaẽ́ ɓai carea?
-
¿Cãrẽda oɗida panʉa dadji quĩchara idjaɓa jũma dadjia o panʉra jipa panani carea?
CAWADUA MÃSA
Zocãrã parata neẽ́ panʉmĩna cãrẽda poya oɗida ewariza mititiaẽ́ panani carea.
Biya ɓaida idjaɓa biya sʉgʉ eropananira: bio sʉgʉida jʉwara (3:01)
Leadua cãrẽda poya oida cigarrillo igarai carea.
“Cãrẽda oida ɓʉ cigarrillo igarai carea” (¡Despertad!, 2010, Mayo)
Cawadua cãrẽda poya mãwãida ãcaɗa nũmea unu panʉne.
“Ãcaɗa nũmea unuira: ¿bia ɓʉda wa biẽ́ ɓʉda?” (Cartaba Jara ɓʉda, 2013, Agosto 1)
Acʉdua cãrẽda osida umaquĩrã waa acʉẽ́ amaaba ãcaɗa ɓeara.
“Mʉ̃maarã bio zarea ɓasida igaraira, baribʉrʉ poyasida” (Cartaba Jara ɓʉda, 2016, núm. 4)
a Dji beɗea pornografía jara ɓʉda wẽrã wa umaquĩrã ãcaɗa ɓea unubadaa, umaquĩrã dewara wẽrã oya ɓea; eɗauɗe unubadada cartaɗeba, grawaɗa ũrĩbadaa idjaɓa videoɗe acʉbadaa.
b Dji beɗea masturbación jara ɓʉda umaquĩrã idji quĩchaɗeba o quĩrĩãbarida wẽrã, baribʉrʉ unuẽ́ bẽrã ara idjiduɓa obarida. Idjaɓa wẽrã biɗa ara jãʉ̃ quĩrãca poya oida.
c Naʉ̃ beɗea ecari jãma jara ɓʉmae “Cawadua mãsa” poya unuida “Cãrẽda poya oida ɓʉ cigarrillo igarai carea”, jãma poya unuida ʉ̃rãga biada bʉa ne cadjirua igarai carea.
d Cawai carea cãrẽda poya oida ẽberãba idjiduɓa cadjiruada orãmãrẽã acʉdua “¿Poya idu ɓʉida masturbación?” dji beɗea 25 libroɗe Cũdra ɓeaba idiɗara. Panunara biara ɓʉda (Dji libro 1).
