BEƊEA 41
¿Casa jara ɓʉda Bibliaba jãʉ̃ umaquĩrãba wẽrã obadara?
Zocãrã ẽberãra pera sentibadada jãʉ̃ beɗeada umaquĩrã wẽrã o panʉne. Baribʉrʉ Ãcõrẽ Beɗeaba jipa jarabarida umaquĩrãba wẽrã obadara. Naʉ̃ beɗeaɗe jara ɓʉra bio bia ɓʉda cawai carea. Bibliaba jara ɓʉda Jeowaɗebema bẽrã idjaɓa Jeowaba dadjirã oɗa bẽrã, idjia maʉ̃gʉbʉrʉ dadjia poya jaraida ɓʉda sãʉ̃gʉda dadjirã cãrẽã biara ɓʉda idjaɓa sãʉ̃gʉda biẽ́ ɓʉda. Ãcõrẽba jara ɓʉda sãwãbʉrʉ dadjirãba poya bio sobia sentibiɗida idjía dadjia o ɓʉɗara. Idjaɓa jara ɓʉda Jeowaba dadjirãra iduaribida bia dãrã pananamãrẽã.
1. ¿Jeowaba sãwã acʉ ɓʉda umaquĩrã wẽrãme cãĩmʉra?
Jeowaba diasida jãʉ̃ra ãdji umaquĩrã wẽrãme cãĩnamãrẽã. Jeowaba quĩrĩã ɓʉda aɓabe bʉrʉ umaquĩrã quima edaɗame ãdjia bio biya panana quĩrĩã panʉda. Jeowaba iduaribi ɓʉda umaquĩrã mĩã cãĩna dji quimame warra eropanani carea idjaɓa dji quima bẽrã bio quĩrĩã panʉda ara ãdjiduɓa. Maʉ̃ carea Ãcõrẽ Beɗeaba jara ɓʉ: “Bio ɓʉsriɗa ɓaida bʉ quimame” (Proverbios 5:18, 19). Jeowaba quĩrĩã ɓʉda critianorã quima edaɗara jipa panani quĩrĩã panʉda. Maʉ̃ bʉrʉ critiano quima edaɗara idjira dewara wẽrãme cãĩẽ́da (Leadua Hebreo 13:4).
2. ¿Cãrẽda maʉ̃ cacua cadjirua obarira?
Bibliaba jaradia ɓʉda “naʉ̃ cacuaba cadjirua obarira ebuɗa ɓʉa [...] Ãcõrẽ puruɗe ɓeaɗaẽ́a” (1 Corinto 6:9, 10). Naʉ̃ beɗea Griegoɗe ɓʉsiɗada ẽberãrãba naʉ̃ Bibliaɗeba jarasiɗada ne cadjiruara oɗa cacuaba jarabadada idjia aɓari pornéia. Jãʉ̃gʉba ne zocãrã jara quĩrĩã ɓʉ 1) ʉ̃cʉrʉ ẽberãrãba ne obadada a waɗi ãdji quima edaɗaẽ́ panʉ naẽna, 2) umaquĩrã aɓari umaquĩrãme cãĩ ɓeabarida, wa wẽrã siɗa aɓari wẽrãme cãĩ panʉda 3) ẽberãrãba idjia aɓari obadada animarãme. Ne cacua cadjirua oɗaẽ́ panʉra, dadjirãba bio sobiabibabada Jeowara, idjia aɓari Jeowaba dadjía bio bia ne biada diabari (1 Tesalonica 4:3).
BIO CAWAƊIDA NAɄ̃ BEƊEAƊE
Acʉɗida cãrẽda bʉa oida ɓʉda ne cacua cadjirua o amaaba idjaɓa cawaɗida cãrẽda poya eroɓaida bʉ cacua jipa eroɓai carea.
3. Dadji cacua cadjirua waiɓʉara orãnadua
Acõrẽ Beɗeaɗe jarabadada Jose idjia zarea ɓasi idji cacua jipa eroɓai carea. Leaɗapeɗa Genesi 39:1-12, beɗeaɗadua:
-
¿Cãrẽã Josera idjira ãyã wãsidar? (Acʉɗadua dji caibea 9).
-
¿Bʉa quĩcha ɓʉca Joseba jipa osida? ¿Cãrẽ sãwãya?
¿Sãwãbʉrʉ cũdrarãba poya aɓari quĩrãca Joseba oɗa quĩrãca jãʉ̃ cacua cadjirua oɗaẽ́da? Acʉɗadua dji VIDEODA.
Jeowaba quĩrĩã ɓʉda jãʉ̃ cacua cadjiruara oɗaẽ́da. Leaɗapeɗa 1 Corinto 6:18, beɗeaɗadua:
-
¿Cãrẽneba aɓaʉba jãʉ̃ ne cacua cadjiruara oida ɓʉ?
-
¿Bʉa cãrẽda oida ɓʉ jãʉ̃ cacua cadjirua oẽ́ carea?
4. Bʉa oẽ́da jãʉ̃ ne cadjiruara
¿Cãrẽneba zarea ɓʉda jãʉ̃ ne cadjirua oɗaẽ́ carea? Acʉɗapeɗa dji VIDEODA, beɗeaɗadua:
-
Djababa videoɗe acʉpeɗa cawasida idji quĩchara idjia aɓari o ɓʉra jipaẽ́ basida idji quimame, ¿cãrẽda osida?
Critianorãba ãdji Jeowame jipa panʉmĩna ãdjia poya zarea panʉda quĩcha jipa eropanani carea. ¿Cãrẽda poya bʉa oida ɓʉda quĩcha cadjirua quĩrãdoai carea? Leaɗapeɗa Pilipo 4:8, beɗeaɗadua:
-
¿Cãrẽdrʉ quĩchaɗidabara panʉ?
-
Bʉmaarã, ¿lea panʉbʉrʉ Bibliada idjaɓa Jeowaɗebemada o panʉbʉrʉ jãʉ̃ba poya carebaida ne cadjirua oɗaẽ́ carea? ¿Cãrẽã?
5. Jeowa beɗeaba dadjirãra poya careba ɓʉda
Jeowaba cawa ɓʉda sãʉ̃gʉdrʉ dadji carea biara ɓʉda. Maʉ̃ carea Jeowaba jara ɓʉda cãrẽdrʉ oɗida dadji quĩcha jipa eropanani carea idjaɓa carea bia ɓʉda oɗi carea. Leaɗadua Proverbios 7:7-27 idjaɓa acʉɗapeɗa dji VIDEODA, beɗeaɗadua.
-
¿Cãrẽda osida jãʉ̃ cũdrara idji biẽ́ wãi carea? (Acʉɗadua Proverbios 7:8, 9).
-
Proverbios 7:23, 26 siɗa jara ɓʉ quĩrãca, jãʉ̃ ne cacua cadjiruara obadara ãdjirã biẽ́ wãbadada. ¿Sãwã pananida ne cadjirua oɗaẽ́bʉrʉ?
-
¿Dadji cacua jipa eropanʉbʉrʉ sãwã careba ɓʉda dãrã panani carea?
Ʉ̃cʉrʉrãba quĩchabadada Bibliaba jara ɓʉra umaquĩrã aɓari umaquĩrãme cãĩ quĩrĩã ɓʉra biẽ́ ɓʉda. Baribʉrʉ Jeowaba bio quĩrĩã ɓʉda ẽberãrãa, maʉ̃gʉbʉrʉ idjia quĩrĩã ɓʉda jũma poya dãrã panani naʉ̃ ẽjũãne. Naʉ̃ ẽjũãne dãrã panani carea dadjirãba ĩjãnida panʉ idji beɗea jara ɓʉra. Leaɗapeɗa 1 Corinto 6:9-11, beɗeaɗadua:
-
Ãcõrẽba acʉ ɓʉ quĩrãca, ¿umaquĩrã aɓari umaquĩrãme cãĩ quĩrĩã ɓʉda aɓabe bʉrʉ jãʉ̃ra biẽ́ ɓʉda?
Ãcõrẽra ɓʉsriɗa ɓei carea, dadjirãba ne biada oɗida panʉda. Ne cadjirua o panʉ ameibʉrʉ, ¿bia pananica? Leaɗapeɗa Salmo 19:8, 11, beɗeaɗadua:
-
Bʉmaarã, ¿Jeowaɗeda ĩjãibʉrʉ jãʉ̃ra bio biara ɓʉda? ¿Cãrẽ sãwãya jãwã quĩcha ɓʉda?
Jeowaba bio careba ɓʉda zocãrã ĩjãnamãrẽã idjaɓa idjia poya carebaida bʉ́a ne bia omãrẽã
ẼBERÃRÃBA JARA PANɄRA: “Jãʉ̃ra beɗeaẽ́da ara aɓa wẽrãda dewara wẽrãme quĩrĩãnapeɗa cãĩ panʉra idjaɓa jãʉ̃ra beɗeaẽ́da ara aɓa umaquĩrãda dewara umaquĩrãme quĩrĩãnapeɗa cãĩ panʉra”.
-
¿Bʉa casa jaraida?
JŨMA BEƊEAƊA
Jeowaba quĩrĩã ɓʉda quima edaɗara ãdjia aɓabe bʉrʉ poya cãĩnida. Jãʉ̃ra Jeowaba ne bari diaɗa quĩrãca ɓʉda.
Cawaɗara
-
¿Cãrẽ ne cadjiruada obarida cacuaɗe?
-
¿Cãrẽba poya carebaida dadjirãa ne cacua cadjiruada oɗaẽ́ carea?
-
¿Sãwã pananida Jeowa beɗeada jũma ĩjãnibʉrʉ?
CAWADUA MÃSA
Cawadua cãrẽã Ãcõrẽba quĩrĩã ɓʉda umaquĩrã wẽrãme mĩã cãĩra idjia bia unumãrẽã.
“¿Ãcõrẽ Beɗeaba cãrẽda jara ɓʉ ẽberã mĩã cãĩnaẽ́ panʉnebemada?” (Acʉdua internene)
Cawadua cãrẽã Bibliaba jara ɓʉda jãʉ̃ umaquĩrã aɓari umaquĩrãme cãĩ quĩrĩã ɓʉda dadjirãba poya quĩrãmanaẽ́da idjaɓa biẽ́ quĩchaɗaẽ́da.
“¿Umaquĩrãda wẽrã quĩrãca ɓa quĩrĩã ɓʉbʉrʉ jãʉ̃ra biẽ́ ɓʉda?” (Acʉdua internene)
Cawadua jãʉ̃ careba ɓʉda Ãcõrẽ Beɗeaba umaquĩrã wẽrãme ãbaa cãĩnira.
“¿Bia ɓʉca umaquĩrã obada iteɗeba jãʉ̃ra jipa ɓʉda?” (Acʉdua internene)
Cãrẽba carebasida jãʉ̃ umaquĩrã wẽrã quĩrãca o ɓasiɗe idjaɓa cãrẽda osida Ãcõrẽme jipa ɓai carea. Leadua nẽbʉrʉɗada “Mʉ̃́a bio bia tratasiɗada”.
“Bibliara cawaɗapeɗa awara panesiɗaa” (Cartaba Jara ɓʉda, 2011, Abril 1)
a Naʉ̃gʉba jara ɓʉ quĩrãca ʉ̃cʉrʉ ẽberãrãba ãdjia obadada iteɗe biɗa idjia aɓari ãpurraɗe biɗa, idjaɓa aɓari ãdji cacuaɗe aɓari quĩrãca obadada ãdjia jʉwaɗeba.
