BEƊEA 53
Bʉa o ɓʉba sobia sentibibarida Jeowara
Jeowa dadji “Ãcõrẽ bia quiruba” (1 Timoteo 1:11). Idjia dadjirãa quĩrĩã ɓʉda bio so ɓʉsriɗabi ɓabi quĩrĩã ɓʉda. Idjia bio quĩrĩã ɓʉda dadji necai panani traju o panʉne idjaɓa deda ne jũma o panʉne. Naʉ̃ beɗeaɗe cawaɗida cãrẽda poya oɗida so ɓʉsriɗa panani carea idjaɓa quĩrĩãida Jeowara dadjia o panʉra.
1. ¿Cãrẽda quĩrãneba eropananida dadjia obʉdaɗe so ɓʉsriɗa panani carea?
¿Cãrẽda o quĩrĩãbari bʉa necai ɓai carea? Ʉ̃cʉrʉrãba quĩrĩãbadada deda necai leaɗida libroda, ũrĩ quĩrĩãbadada chiruda idjaɓa acʉɗi película ɓea, internene biɗa. Dewaraʉba o quĩrĩãbadada dji biarãme duɗa wãnida, cuiɗe wãnida doɗe idjaɓa jemene quĩrĩãbadaa. Baridua o ɓʉɗara, bio quĩrãcuita eropananida “Dadjirã Boroba bia unu ɓʉda” (Epeso 5:10). Bio bia ɓʉda naʉ̃da quĩrãne eropananida. ¿Cãrẽ cãrẽã? Zocãrã ẽberãba ãdjia o quĩrĩãbadada jãʉ̃ ne ɓea Jeowaba quĩrĩãcada ne cadjirua ɓea, daubaraɗebema ɓea quĩrĩãbadada idjaɓa djõbada (Leadua Salmo 11:5). ¿Cãrẽba poya carebaida ne bia oɗi carea?
Jʉrʉɗida dadji dji biada ãdjia Jeowara cʉ̃ãga panʉ bʉrʉ, ãdjirãba poya carebaɗida dadjia ne bia oɗi carea idjaɓa so ɓʉsriɗa pananamãrẽã. Cawaɗa quĩrãca naʉ̃ beɗea 48ɗe, “Ẽberã jipa ɓeame ãbaa ɓʉra oida ne biada”. Baribʉrʉ dewara ẽberã cadjirua obadame pananibʉrʉ “biẽ́ wãida” (Proverbios 13:20).
2. ¿Cãrẽ cãrẽã bio biara ɓʉda zocãrã tiempo oɗaẽ́ panʉra so ɓʉsriɗa ɓamãrẽã?
So ɓʉsriɗa o panʉ bia ɓʉmĩna, bio quĩrãcuita acʉɗida zocãrã tiempora oɗaẽ́da. Zocãrã tiempo oɗibʉrʉ dewara ɓea dadjirãba Ãcõrẽnebema oɗi careara zocãrã tiempora ɓeẽ́da. Ãcõrẽ Beɗeaba jara ɓʉda dadjirãba “poya obʉdaza bia oɗadua” (Leadua Epeso 5:15, 16).
BIO CAWAƊIDA NAɄ̃ BEƊEAƊE
Acʉɗida cãrẽba poya carebaida bʉra ne bia oi carea so ɓʉsriɗa oi carea.
3. So ɓʉsriɗa cadjirua oɗaẽ́da
¿Cãrẽ cãrẽã jãʉ̃ra cawa jʉrʉɗida? Acʉɗapeɗa dji VIDEODA, beɗeaɗadua.
-
¿Cãrẽ cãrẽã aɓarica ɓʉda naẽnaena djõbadara idjaɓa iɗiɗebemara jemenebada?
-
Jãʉ̃ video acʉɗa quĩrãca, ¿cãrẽda cawasida Dannyba naʉ̃ so ɓʉsriɗabariɗebemada?
Leaɗapeɗa Romano 12:9, beɗeaɗadua:
-
¿Jãʉ̃ textoba sãwã poya carebaida bia jʉrʉɗi carea dadji so ɓʉsriɗa pananamãrẽã?
¿Sãʉ̃gʉ ʉ̃cʉrʉ jʉrʉɗe ɓeadrʉ Jeowaba unu ama ɓʉ? Leaɗadua Proverbios 6:16, 17 idjaɓa Galata 5:19-21. Leaɗapeɗa texto aɓa aɓa beɗeaɗadua:
-
Naʉ̃ textoɗe beɗeaɗa quĩrãca, ¿sãʉ̃gʉdrʉ bʉa unu ɓʉ iɗiɗe ẽberãrãba so ɓʉsriɗa o panʉra?
Sãwãbʉrʉ bia jʉrʉida so ɓʉsriɗa ɓai carea
Ididua:
-
¿Cãrẽda? ¿Jãʉ̃gʉba eroɓʉda Jeowaba unu ama ɓʉɗebemada?
-
¿Sãʉ̃be? ¿Jãʉ̃ o panʉne aɓarica jãʉ̃ tiempo Jeowaɗebema siɗa?
-
¿Caime? ¿Ẽberã Ãcõrẽ Beɗea ĩjãẽ́ ɓeame zocãrã tiempo o pananida?
Dadjirã ãyã wãnida ne cadjirua unubʉdaɗe. Maʉ̃gʉbʉrʉ bio quĩrãcuita acʉɗida dadjia so ɓʉsriɗa ɓʉda obʉdaɗe, quĩchabʉdaɗe jãʉ̃ra biẽ́ ɓʉda dadji carea
4. Bʉa obʉdaza bia odua
Acʉɗapeɗa dji VIDEODA, beɗeaɗadua.
-
Aɓa djaba videoɗe acʉɗa quĩrãca idjia ne cadjirua oẽ́baramĩna, idjia o ɓʉra ¿sãwãbʉrʉ biẽ́ osida idji zocãrã tiempo o ɓʉɗe?
Leaɗapeɗa Pilipo 1:10, beɗeaɗadua:
-
¿Sãwã careba ɓʉda dji textoba cawaɗi carea jũmasã tiempobʉrʉ oɗida so ɓʉsriɗa panani carea?
5. Jʉrʉɗida bia so ɓʉsriɗa panani carea
Jeowaba jũma so ɓʉsriɗaɗara quĩrĩãcada, baribʉrʉ dadjirãba poya so ɓʉsriɗa pananida dewaraʉɗebema siɗa. Leaɗapeɗa Eclesiastés 8:15 idjaɓa Pilipo 4:8, beɗeaɗadua:
-
¿Cãrẽda ɓʉsriɗa ɓʉ biada bʉa quĩrĩãbari?
Poya so ɓʉsriɗa pananida ne bia o panʉne
ẼBERÃRÃBA JARA PANɄRA: “¿Cadjirua ɓʉda jãʉ̃ so ɓʉsriɗa oɗira idjaɓa eroɓʉra jãʉ̃ daubaraɗebema, djõbada idjaɓa ne cacua cadjirua obada? ¡Cadjirua ɓʉda oira!”.
-
¿Cãrẽda bʉa panuida?
JŨMA BEƊEAƊA
Jeowaba quĩrĩã ɓʉda bia jʉrʉɗida so ɓʉsriɗa panani carea idjiɗebemada.
Cawaɗara
-
¿Cãrẽ so ɓʉsriɗadrʉ critianorãba oɗacada?
-
¿Cãrẽ cãrẽã quĩrãcuita eropananida zocãrã tiempo so ɓʉsriɗaɗe o panʉne?
-
¿Bʉa quĩrĩã ɓʉda so ɓʉsriɗa ɓai carea Jeowaba quĩrĩã ɓʉra? ¿Cãrẽ cãrẽã?
CAWADUA MÃSA
Cawadua caibʉrʉ bʉ careara jʉrʉida so ɓʉsriɗa ɓai carea.
Leadua sãwãbʉrʉ bia jʉrʉida so ɓʉsriɗa ɓamãrẽã idjaɓa ne o ɓʉɗe.
“¿Dadji so ɓʉsriɗa o panʉra bia ɓʉca?” (Cartaba Jara ɓʉda, 2011, Octubre 15)
Acʉdua umaquĩrãba cãrẽã idu ɓʉsida ʉ̃cʉrʉ so ɓʉsriɗa o ɓaɗara, idji nẽbʉrʉɗaɗe “Mʉ̃a dewara biaẽ́ quĩcha ɓaɗa idu ɓʉsi”.
“Bibliara cawaɗapeɗa awara panesiɗaa” (Cartaba Jara ɓʉda, 2010, Febrero 1)
Acʉdua cãrẽda osida wẽrãba idu ɓʉi carea idjia o ɓaɗa carea naʉ̃ jaibananebemada so ɓʉsriɗa ɓai carea.
