BEƊEA 55
Carebadua bʉ congregacioʉ̃ra
Zocãrã baraa ẽberãrã awara puruɗebemara bia beɗeabadaa idjaɓa dji idibadaa Jeowaa congregacioʉ̃nera. Jãʉ̃ critianorãba bio quĩrĩãbadada jãma cawa panʉra idjaɓa bia carebabadada congregacioʉ̃ra. ¿Bʉa biya sentibarida bʉ congregacioʉ̃ne?
1. ¿Bʉa sãwã poya carebaida bʉ congregacioʉ̃ bʉ tiempoɗeba idjaɓa bʉ juerzaɗeba?
Jũmarãba poya carebaɗida dai congregacioʉ̃ra. Ne jara ɓʉ quĩrãca, ¿bʉ congregacioʉ̃ra drõãrã ɓʉda wa ẽberã cacua biẽ́ ɓeada ɓʉda? ¿Bʉa poya carebaida ãdjirãra ãbaa jʉreɗe wãni carea? Idjaɓa ¿poya carebaida ãdjirãra nẽdoi carea coɗira wa deda carebai carea? (Leadua Santiago 1:27). Dadjirãba poya carebaɗida dadji ãbaa jʉrebadamae bia dji dera jareɗi carea idjaɓa ãrĩ ɓʉra arimae oɗi carea. Ni aɓaʉba õgo obicada jãʉ̃ ne bia oɗi carea. Dadjirãba ne jũma bia oɗida dadji soɗeba, bio quĩrĩã ɓʉ bẽrã Ãcõrẽra idjaɓa dadji djabarã biɗa (Salmo 110:3).
Dji borocueɗaba bio carebaɗida ãdji congregacioʉ̃ra. Maʉ̃ne jaraɗida, umaquĩrãrãba poya carebaɗida djabarã wagabadarãra, dãrã ɓaɗacare ãdjirã biɗa poya carebaida congregacioʉ̃ra djabarã wagabada quĩrãca. Idjaɓa djabarã djabawẽrãrã siɗa poya carebaɗida bio jaradiaɗi carea Ãcõrẽ Beɗea. Dewara djabarã careba panʉda de oɗi carea Ãcõrẽ itea wa dewararãba awara puruɗe wãbadada carebaɗi carea Ãcõrẽ Beɗea jaradiaɗi carea.
2. ¿Sãwã poya carebaɗida congregacioʉ̃ra dadji parataɗeba idjaɓa dadjirã ne eropanʉneba?
Ãcõrẽ Beɗeaba jara ɓʉda “bʉa eroɓʉɗeba poya diaida Jeowa itea” (Proverbios 3:9). Dadjirãra bia senti panʉda carebaɗa bẽrã dadji djabarãa idjaɓa carebaɗi carea jũma djabarã naʉ̃ ẽjũãnebemada jaradiaɗi carea Ãcõrẽ Beɗea (Leadua 2 Corinto 9:7). Dadji parataɗeba poya carebaida dadji djabarã djuburia panʉne. Ʉ̃cʉrʉ djabarã ãdjiza “edabʉdaɗebemada waga [panʉa]” (Leadua 1 Corinto 16:2). Jãʉ̃ parata poya diaɗida baurude dadjia ãbaa jʉre panʉne wa internene dji página donate.pr418.com. Dadjirãba jãʉ̃ acʉbi panʉda jũmasãwã quĩrĩã panʉda Jeowaa.
BIO CAWAƊIDA NAɄ̃ BEƊEAƊE
Quĩrãcuita acʉɗida bʉa cãrẽda poya oida carebai carea bʉ congregacioʉ̃ra.
3. Bʉ parataɗeba poya carebaida
Jeowaba idjaɓa Jesuba quĩrĩã panʉda ẽberã ɓʉsriɗa dia ɓʉra, maʉ̃ bʉrʉ Jesuba unusida pẽdra wẽrã oɗara parata diai carea Jeowa itea. Leaɗapeɗa Luca 21:1-4, beɗeaɗadua:
-
¿Zocãrã parata diaɗida panʉ Ãcõrẽra ɓʉsriɗa ɓai carea?
-
¿Jeowaba idjaɓa Jesu biɗa cãrẽda quĩchabadada dadjirãba dia panʉra jũma soɗeba?
Cawaɗi carea dadjirãba cãrẽda o panʉda jũma parataɗeba, acʉɗadua dji VIDEODA. Mãwãnacarea beɗeaɗadua.
-
¿Dadjirã dia panʉra sãwã careba ɓʉda jũma congregacioʉ̃ra naʉ̃ ẽjũãnebemara?
4. Dadjirãba poya carebaɗida dewararãa
Jeowa ĩjã ɓeara naẽnaena carebasiɗada Ãcõrẽ dera biya ɓai carea. Carebasiɗaa parataɗeba idjaɓa ne zocãrãneba. Leaɗapeɗa 2 Cronica 34:9-11, beɗeaɗadua:
-
¿Cãrẽda osiɗada Israelitarãba Ãcõrẽ de bia wagaɗi carea?
Cawaɗi carea Beɗea ɓeara Jeowaɗebemarãba aɓarica obadada, acʉɗadua dji VIDEODA. Mãwãnacarea beɗeaɗadua.
-
¿Cãrẽ cãrẽã bio biara ɓʉda dadjirãba ãbaa jʉrebadamae mititiaẽ́ ɓaida idjaɓa ariɗe ɓaida?
-
¿Cãrẽda bʉa oida carebai carea?
5. Umaquĩrãrãba esfuerzo poya oɗida mãsa oɗi carea Ãcõrẽ puruɗe
Ãcõrẽ Beɗeaba jara ɓʉda umaquĩrãrãba esfuerzo poya oɗida mãsa oɗi carea Ãcõrẽ itea idjaɓa carebaɗamãrẽã congregacioʉ̃ra. Cawaɗamãrẽã umaquĩrã aɓa cãrẽda osida mãsa carebai carea, acʉɗadua dji VIDEODA. Mãwãnacarea beɗeaɗadua.
-
Jãʉ̃ video ununa quĩrãca, ¿Ryanba cãrẽda osida mãsa carebai carea idji congregacioʉ̃ idjaɓa ne zocãrã oi carea Ãcõrẽ itea?
Ãcõrẽ Beɗeaba jara ɓʉda umaquĩrãba cãrẽda oida ɓʉa djabarã wagabari ɓai carea idjaɓa carebamãrẽã djabarã wagabadarãra. Leaɗapeɗa 1 Timoteo 3:1-13, beɗeaɗadua:
-
¿Cãrẽda oida ɓʉ umaquĩrãba djabarã wagabari ɓai carea wa carebai carea djabarã wagabadarãra?
-
¿Dji cuariaba cãrẽda oida ɓʉ carebamãrẽã? (Acʉɗadua dji caibea 4 idjaɓa 11).
-
Umaquĩrãba esfuerzo o ɓʉbʉrʉ mãsa carebai carea, ¿dji congregacioʉ̃ra sãwã ɓaida?
AƁAɄBA POYA IDIDA: “Beɗea ɓeara Jeowaɗebemarãba, ¿sãmaʉba edabadada dji paratara jũma ne oɗi carea?”.
-
¿Bʉa cãrẽda panuida?
JŨMA BEƊEAƊA
Jeowaba bia unu ɓʉda dadjirãba o panʉra carebaɗi carea congregacioʉ̃ra dadji tiempoɗeba, dadji juerzaɗeba idjaɓa dadji parataɗeba.
Cawaɗara
-
¿Sãwã poya carebaɗida dai congregacioʉ̃ra dadji tiempoɗeba idjaɓa dadji juerzaɗeba?
-
¿Sãwã poya carebaɗida dai congregacioʉ̃ra dadji parataɗeba?
-
¿Bʉa cãrẽda o quĩrĩã ɓʉda carebai carea congregacioʉ̃ra?
CAWADUA MÃSA
Cawadua cãrẽ cãrẽãbʉrʉ Ãcõrẽba dadjía idi ɓʉẽ́da diezmora diaɗi carea.
Bibliaba jara ɓʉda umaquirãrã borocuepeɗaɗarãba obadara congregacioʉ̃ne. Baribʉrʉ, ¿Wẽrarã borocuepeɗaɗarãba abarica oɗida?
“¿Congregacioʉ̃ne caitadji Boro?” (Cartaba Jara ɓʉda, 2021, Febrero)
Cawadua ʉ̃cʉrʉ Beɗea ɓeara Jeowaɗebemarãba obadara dji djabarã cartara Ãcõrẽnebemada eroɓeaɗi carea.
Cartara Ãcõrẽnebemada dia panʉda jãʉ̃ puru Congo abadaa (4:25)
Cawadua Beɗea ɓeara Jeowaɗebemaba sãmaʉba edabadada dji paratara jũma ne oɗi carea. Idjaɓa acʉdua awara o panʉda dewara religioʉ̃ sewaida ɓeaba obada quĩrãca.
“¿Beɗea ɓeara Jeowaɗebemaba sãmaʉba edabadada dji paratara jũma ne oɗi carea?” (Acʉdua internene)
