Naʉ̃ cursoɗe bʉa zocãrã cawasida Jeowaɗebemada. Bʉa quĩrĩã ɓaera Ãcõrẽrã maʉ̃ bʉrʉ bʉra ya borocuesida. Bʉa waɗi borocueẽ́bʉrʉ poya quĩchaida borocuei carea. Baribʉrʉ bʉra borocuepeɗa mãsa ne zocãrã oida Jeowa carea idjaɓa Ãcõrẽme dji bia ɓai carea. Mãwãra bʉra poya dãrã ɓaida. Acʉɗida sãmasa poya oɗida.

1. ¿Cãrẽ cãrẽã ne zocãrã poya oɗida dji bia ɓai carea Jeowame?

Zarea trajaɗida panʉa dji bia ɓai carea Ãcõrẽme ¿cãrẽã? “Ãĩ wãna amaaba” idjaɓa tʉmʉ pananaẽ́da Jeowame (Hebreo 2:1). ¿Cãrẽba carebaida jipa ɓai carea Jeowame? Ãcõrẽ Beɗea jaradia pananida idjaɓa ne zocãrã oɗida Jeowa carea (Leadua Pilipo 3:16). ¡Ĩjãnida Jeowara bio biara ɓʉda ne awara cãyãbara! (Salmo 84:10).

2. ¿Cãrẽda oida ɓʉda ewariza?

Mãsa naʉ̃ curso jõbʉrʉmĩna, bʉa mãsa ne zocãrã oibara ɓʉa. Ãcõrẽ Beɗeada jara ɓʉda critianorã “crĩchara djiwiɗida” eroɓaida Ãcõrẽ quĩrãca ɓai carea (Epeso 4:23, 24). Bʉa nurẽmaza Ãcõrẽ Beɗeada cawaibʉrʉ idjaɓa ãbaa jʉre ɓʉbʉrʉ mãsa poya cawaida Jeowaɗebemada. Crĩchadua bʉa cãrẽda oida Jeowa quĩrãca quĩchai carea, ne cadjirua idu ɓʉi carea idjaɓa capipia ɓai carea Jeowara.

3. ¿Jeowaba sãmasa bʉra carebaida ãdjia cawai carea idjiɗebemada?

Ãcõrẽ Beɗeaba jara ɓʉ: “Ãcõrẽba bãrãra carebaya [...] biara ĩjãnamãrẽã, jũma droaɗamãrẽã idjaɓa zarea ɓeaɗamãrẽã. Ãcõrẽba idji biaɗeba ne jũmane carebabaria” (1 Pedro 5:10). Jũmarãra acʉbebada ne cadjiruara oɗamãrẽã. Baribʉrʉ Jeowaba carebaida dadjirãa ne cadjirua orãnamãrẽã (Salmo 139:23, 24). Idjaɓa idjia jara ɓʉda idjiabʉrʉ dairãra careba ɓʉa idjia quĩrĩã ɓʉra o pananamãrẽã idjaɓa mãwã o quĩrĩã ɓeaɗamãrẽã (Leadua Pilipo 2:13).

 BIO CAWAƊIDA NAɄ̃ BEƊEAƊE

4. Ewariza beɗeaida bʉ dji biame

Bʉa ʉ̃taa dji idi ɓʉɗeba bʉa cawasida Ãcõrẽme dji bia ɓai carea. ¿Jãʉ̃gʉba bʉra poya carebaida idjime caita ɓai carea? ¿Sãmasa poya carebaida?

Leaɗapeɗa Salmo 62:8, beɗeaɗadua:

• Bʉa bio ʉ̃taa dji idi diaibʉrʉ jãʉ̃ba carebaida bʉra bia ɓai carea dji bia Jeowame, ¿sãmasa poya carebaida?

Leaɗapeɗa Salmo 1:2 idjaɓa beɗea eɗaare, beɗeaɗadua:

• Bʉa Ãcõrẽ Beɗea lea ɓʉda poya carebaida dji bia ɓai carea Ãcõrẽme, ¿sãmasa poya carebaida?

¿Bʉa cawai carea estudiabʉrʉɗe cãrẽda poya oida? Acʉɗadua dji VIDEODA. Mãwãnacarea beɗeaɗadua.

• Naʉ̃ video ununa quĩrãca, ¿bʉa cãrẽda poya oida?

• ¿Sãʉ̃gʉda cawa quĩrĩã ɓʉda?

 JŨMA BEƊEAƊA

Ewariza Jeowame dji bia ɓaida idjaɓa ne zocãrã oida Jeowa carea. ¡Jãʉ̃gʉda jãwã oibʉrʉ poya dãrã ɓaida!

Cawaɗara

• ¿Bʉa cãrẽ cãrẽã cawa ɓʉda ewariza Jeowaba bʉra carebaida ĩjãmãrẽã idji beɗeara?

• ¿Cãrẽda poya oida bʉra nurẽmaza dji biara ɓai carea Jeowame?

• ¿Cãrẽ cãrẽã biara quĩchaɗida ne bia oɗi carea Jeowa carea?